👉চিৰাঙৰ চাপাগুৰিত বাঁহ কঢ়িওৱা গাড়ীত ৩১৮ কাৰ্টন বিলাতী সুৰা জব্দ

👉চিৰাঙৰ চাপাগুৰিত বাঁহ কঢ়িওৱা গাড়ীত ৩১৮ কাৰ্টন বিলাতী সুৰা জব্দ 

           বঙাইগাঁওঃ ১ ছেপ্টেম্বৰঃ

📝চিৰাং জিলাৰ ৩১ নম্বৰ ৰাষ্ট্ৰীয় ঘাই পথ (চি) ৰ চাপাগুৰিত যোৱা নিশা আৰক্ষীয়ে চলোৱা অভিযানত এখন বাঁহ কঢ়িওৱা ট্ৰাকৰ পৰা বুজন পৰিমাণৰ বিলাতী সুৰা জব্দ কৰে । বিশেষ সূত্ৰে লাভ কৰা তথ্যৰ ভিত্তিত চিৰাং আৰক্ষীয়ে বাঁহ কঢ়িওৱা আৰ জে ২৭ জিবি ০৮১০ নম্বৰৰ ১২ চকীয়া ট্ৰাক খন জব্দ কৰে । বাঁহ কঢ়িওৱা ট্ৰাকখন পৰীক্ষা কৰাৰ পিছত বাঁহৰ তলত উদ্ধাৰ হয় ৩১৮ কাৰ্টন বিভিন্ন ব্ৰেণ্ডৰ  বিলাতী সুৰা ।

অৰুণাচলত বিক্ৰীৰ বাবে তৈয়াৰ কৰা বিলাতী সুৰা সমূহ অন্য ৰাজ্য লৈ নিয়াৰ পথত জব্দ কৰা হয় । চিৰাং জিলাৰ অতিৰিক্ত আৰক্ষী অধীক্ষক প্ৰকাশ মেধিৰ নেতৃত্বত চলোৱা অভিযানত এই বৃহৎ পৰিমাণৰ বিলাতী সুৰা জব্দ কৰে । সন্দেহ কৰা হৈছে বিহাৰৰ নিৰ্ব্বাচন উপলক্ষে এই সমূহ বিলাতী সুৰা নিয়াৰ প্ৰচেষ্টা চলাইছিল । অৰুণাচলী বিলাতী সুৰা কঢিয়াই নিয়া ট্ৰাকখন চিৰাং জিলাৰ  চাপাগুৰি হৈ ৰাষ্ট্ৰীয় ঘাই পথেৰে কোকৰাঝাৰ জিলা অভিমুখে গৈ  আছিল । ইতিমধ্যে ট্ৰাক  চালক কমলেশ মিনাক গ্ৰেপ্তাৰ কৰিছে আৰক্ষীয়ে । আৰক্ষীয়ে অধিক তথ্যৰ বাবে সোধ-পোছ অব্যাহত ৰাখিছে 🔯৷