👉বঙাইগাঁৱত গহণা চাফা কৰাৰ ছলনাৰে লুটি নিলে সোণৰ অলংকাৰ

👉বঙাইগাঁৱত গহণা চাফা কৰাৰ ছলনাৰে লুটি নিলে সোণৰ অলংকাৰ

বঙাইগাঁওঃ ৮ মেঃ

📝 বঙাইগাঁও সদৰ থানাৰ অন্তৰ্গত পুৰণি বঙাইগাঁৱৰ ঝাকুৱাপাৰাত সোণ-ৰূপৰ অলংকাৰ চাফা কৰাৰ ছলনাৰে প্ৰৱঞ্চকে অলংকাৰ লুট কৰি নিয়াৰ ঘটনা সংঘটিত হৈছে৷ ক'ভিড অতিমাৰীৰ পৰিপ্ৰেক্ষিত চৰকাৰৰ দ্বাৰা আৰোপিত নিৰ্দেশনা অব্যাহত থকাৰ সময়তে পুৰণি বঙাইগাঁৱৰ ঝাকুৱাপাৰাৰ যোগেন চন্দ্ৰ ৰায়ৰ গৃহত শনিবাৰৰ বিয়লি ৪-৩০ বজাত দুজন প্ৰৱঞ্চকে প্ৰৱেশ কৰি যোগেন চন্দ্ৰ ৰায়ৰ পত্নীৰ গহণা চাফা কৰি দিব বুলি কয় ৷ প্ৰবঞ্চকদ্বয়ৰ ৰসাল কথাত ভোল গৈ মহিলা গৰাকীয়ে প্ৰৱঞ্চকক নিজৰ সোণৰ চেইনডাল চাফা কৰিব দিয়ে৷ প্ৰৱঞ্চকদ্বয়ে চেইনডাল চাফা কৰাৰ অজুহাত দেখুৱাই ঘৰৰ পৰা ওলাই যোৱাৰ প্ৰচেষ্টা চলায়৷ পিছলৈ মহিলা গৰাকীয়ে প্ৰৱঞ্চকক খেদি যোৱাৰ সময়তে বাইকত উঠি দুয়ো পলায়ন কৰে৷ ঘটনাটোৱে সমগ্ৰ অঞ্চলত চাঞ্চল্যৰ সৃষ্টি কৰিছে৷🔯