🔯বঙাইগাঁও জিলাত ক'ভিডত এজনৰ মৃত্যু

🔯বঙাইগাঁও জিলাত ক'ভিডত এজনৰ মৃত্যু 

🔯নতুনকৈ আক্ৰান্ত ৩০ জন ব্যক্তি

📝বঙাইগাঁওঃ ২৮ জুলাইঃ বঙাইগাঁও জিলাত ক'ৰোনাৰ সংক্ৰমণ অব্যাহত থকাৰ মাজতে বুধবাৰে ক'ভিডত আক্ৰান্ত এজন ৰোগীৰ মৃত্যু হয় ৷ মৃত ব্যক্তিজন বঙাইগাঁও জিলাৰ বিদ্যাপুৰৰ ফুলকুমাৰীৰ লেনকু শ্বেখ( ৬০) ( Lanku Sheikh) বুলি জানিব পৰা গৈছে ৷ ব্যক্তিগৰাকীৰ গুৱাহাটী চিকিৎসা মহাবিদ্যালয় হাস্পতালত চিকিৎসাধীন অৱস্থাত মৃত্যু হয় ৷ ইপিনে জিলাখনত বুধবাৰৰ দিনটোত নতুনকৈ পুনৰ ৩০ জন ব্যক্তি ক'ভিডত আক্ৰান্ত হৈছে ৷ আনহাতে সুস্থ হৈ উঠিছে ২৮ জনকৈ ৰোগী ৷ জিলাখনত পুনৰ নতুনকৈ ৩০ জন ব্যক্তি ক'ভিডত আক্ৰান্ত হোৱাত বৰ্তমান জিলাখনত সক্ৰিয় ৰোগীৰ সংখ্যা বৃদ্ধি পাই ১৮৪ জন হৈছে ৷ ইয়াৰ ভিতৰত ১২৯ জন ইনষ্টিটিউচনেল কোৱাৰেণ্টাইনত আৰু ৫৫ জন ব্যক্তি হোম কোৱাৰেণ্টাইনত আছে ৷ জিলাখনত  বুধবাৰে মুঠ ৪,৬৮৪ জন ব্যক্তিৰ ক'ভিড টেষ্ট কৰা হয় ৷ জিলাখনত ১ মাৰ্চৰ পৰা ২৮ জুলাই লৈ  মুঠ ক'ভিডত আক্ৰান্ত ৰোগীৰ সংখ্যা বৃদ্ধি পাই ৪,৬৭৭ জন হৈছে ৷🔯