🔯বাহিৰৰ কোনোৱা মানুহ এজন আহি মোক অৱসৰ লোৱাৰ বাবে উপদেশ দিয়াৰ মই ভাৱো প্ৰয়োজন নাই- ফণীভূষণ চৌধুৰী🔯

🔯বাহিৰৰ কোনোৱা মানুহ এজন আহি মোক অৱসৰ লোৱাৰ বাবে উপদেশ দিয়াৰ মই ভাৱো প্ৰয়োজন নাই- ফণীভূষণ চৌধুৰী🔯

📝বঙাইগাঁওঃ ৪ মাৰ্চঃ মই ৰাইজৰ লগত আছো ৷ ৰাইজে যিদিনা মোক অৱসৰ ল'বলৈ ক'ব মই সিদিনাহে ল'ম ৷ বাহিৰৰ কোনোৱা মানুহ এজন আহি মোক অৱসৰ লোৱাৰ বাবে উপদেশ দিয়াৰ মই ভাৱো প্ৰয়োজন নাই ৷ এই মন্তব্য বঙাইগাঁৱৰ অগপ বিধায়ক ফণীভূষণ চৌধুৰীৰ ৷ উল্লেখ্য যে মুখ্যমন্ত্ৰীৰ ৰাজনৈতিক সচিব তথা বিজেপি বিধায়ক জয়ন্তমল্ল বৰুৱাই বঙাইগাঁৱত দলৰ প্ৰাৰ্থীৰ হৈ নিৰ্বাচনী সভাত অংশগ্ৰহণ কৰি সংবাদ মাধ্যমৰ আগত বঙাইগাঁও বিধান সভা সমষ্টিৰ অগপ বিধায়ক ফণীভূষণ চৌধুৰীয়ে ভাল ফল প্ৰদৰ্শন কৰি থাকোতেই  ৰাজনীতিৰ পৰা বিদায় ল'ব লাগে বুুলি মন্তব্য কৰিছিল ৷ মুখ্যমন্ত্ৰীৰ ৰাজনৈতিক সচিব বৰুৱাই সংবাদ মাধ্যমৰ আগত অগপ বিধায়কগৰাকীক উদ্দেশ্যি মন্তব্য কৰিবলৈ গৈ  কৈছিল যে অকল ৰাজনীতি বুলিয়ে নহয়, যি কোনো ক্ষেত্ৰতে যেতিয়াই আপুনি খুব ভাল ফল প্ৰদৰ্শন কৰি থাকে তেতিয়াই বিদায় ললে ৰাইজে সদায় মনত ৰাখে ৷ গতিকে যেতিয়া আপুনি জানিব যে আজিৰ প্ৰেক্ষাপটত আপোনাৰ ক্ষমতা বা সেইধৰণে কাম কৰাৰ পৰিৱেশ নাই, তেতিয়া ভাৱিব লাগে যে নিজৰ পিচৰ প্ৰজন্মলৈ এৰি দিব লাগে ৷ এয়া ৰাজনীতি বুলিয়ে নহয়, খেল আৰু অন্যান্য ক্ষেত্ৰটো দেখিব যে প্ৰদৰ্শন যেতিয়া বেয়া হ'ব, আপোনাতকৈ ভাল প্ৰদৰ্শন কৰিব পৰা মানুহ আহিব আৰু তেতিয়া সেই পিচৰ প্ৰজন্মটোৰ কাৰণে এৰি দিব লাগে ৷ সেই কাৰণে মই ইয়াৰ নেতৃত্ব বা আগতে যিসকলে নেতৃত্ব লৈ আছিল তেওঁলোকক অনুৰোধ কৰিছো যে যিয়ে ভাল প্ৰদৰ্শন কৰিব তেওঁলোকক দায়িত্বভাৰ এৰি দিয়ক ৷ তেতিয়া বঙাইগাঁওবাসীৰ কাৰণে ভাল আৰু বঙাইগাঁৱৰ সামগ্ৰীক উন্নয়ন হ'ব ৷ বিজেপি বিধায়কগৰাকীৰ এই মন্তব্যৰ পিচত সাংবাদিকে অগপ বিধায়ক ফণীভীূষণ চৌধুৰীৰ প্ৰতিক্ৰিয়া জানিব বিচৰত বিধায়কগৰাকীয়ে কয় যে অৱসৰ লোৱা নোলোৱাটো মোৰ সিদ্ধান্ত নহয় ৷ ৰাইজেহে সিদ্ধান্ত কৰিব ৷ বঙাইগাঁওবাসী ৰাইজেহে ক'ব মই অৱসৰ লোৱা উচিত নে অনুচিত ৷ বাহিৰৰ কোনোৱা মানুহ এজন আহি মোক অৱসৰ লোৱাৰ বাবে উপদেশ দিয়াৰ মই ভাৱো প্ৰয়োজন নাই ৷ এই মন্তব্য বঙাইগাঁৱৰ অগপ বিধায়ক ফণীভূষণ চৌধুৰীৰ ৷ বঙাইগাঁওবাসী ৰাইজেহে ক'ব যে ফণীভূষণ চৌধুৰী তুমি আৰু নালাগে বহি যোৱা, কাম কাজ কৰিব নোৱাৰা ৷ মই এই মুহূৰ্তলৈকে ভাৱি আছো যে বঙাইগাঁওবাসী ৰাইজে মই বুঢ়া হৈছো, ডেকাই আছো এই কথাটো অনুভৱ নকৰে ৷ বঙাইগাঁওবাসী ৰাইজে অনুভৱ কৰি আছে যে বঙাইগাঁৱৰ উন্নয়ন দ্ৰুত গতিত চলি আছে আৰু পূৰ্বৰ তুলনাত বেছিকৈ হৈ আছে আৰু মোৰ বয়সৰ ইয়াত কোনো প্ৰভাৱ পৰা নাই ৷ সেই কাৰণে মই ভাৱিছো যে বঙাইগাঁওবাসী ৰাইজে যিদিনাই মোক ক'ব যে ফণীভূষণ চৌধুৰী তুমি অৱসৰ লোৱা, তুমি আৰু ৰাইজৰ লগত থাকিব নালাগে সিদিনাই মই  বাদ দিম 🔯৷