🔯পৌৰসভা নিৰ্বাচনৰ নিৰ্বাচনী প্ৰচাৰৰ অন্তিমদিন🔯

🔯পৌৰসভা নিৰ্বাচনৰ নিৰ্বাচনী প্ৰচাৰৰ অন্তিমদিন🔯

🔯বিভিন্ন ৰাজনৈতিক দলৰ সমদলেৰে মুখৰিত হ'ল বঙাইগাঁও  চহৰ🔯

📝বঙাইগাঁওঃ ৪ মাৰ্চঃ বঙাইগাঁও পৌৰসভা নিৰ্বাচনৰ নিৰ্বাচনী প্ৰচাৰৰ আজি অন্তিমদিনা বঙাইগাঁও চহৰৰ লগতে ৱাৰ্ডে ৱাৰ্ডে ৰাজনৈতিক দলসমূহে সমদল উলিয়াই ভোটাৰৰ দৃষ্টি আকৰ্ষণ কৰে ৷ পঁচিশটা ৱাৰ্ডযুক্ত বঙাইগাঁও পৌৰসভাৰ ২৪ টা ৱাৰ্ডত ছয় মাৰ্চত ভোটগ্ৰহণ হ'ব ৷ এটা ৱাৰ্ডত অগপ দলৰ প্ৰাৰ্থী শৈলেন্দ্ৰ সৰকৰাৰ বিনা প্ৰতিদ্বন্দ্বিতাৰে নিৰ্বাচিত হৈছে ৷ ইপিনে আজি নিৰ্বাচনী প্ৰচাৰৰ অন্তিম দিনা ৰাজনৈতিক দলসমূহ প্ৰচাৰ কাৰ্যত উবুৰি খাই পৰে ৷ অগপ, বিজেপি, কংগ্ৰেছ দলে ৱাৰ্ডে ৱাৰ্ডে সমদল উলিয়াই এক প্ৰকাৰ শক্তি প্ৰদৰ্শন কৰা পৰিলক্ষিত হয় ৷ অগপ দলে বঙাইগাঁও চহৰৰ লগতে পৌৰসভা এলেকাৰ ৱাৰ্ডসমূহক সামৰি  বিশাল সমদল উলিয়াই ভোটাৰ ৰাইজৰ দৃষ্টি আকৰ্ষণ কৰাৰ বিপৰীতে বিজেপি দলো বহি নেথাকিল ৷ বিজেপি দলে বিভিন্ন ৱাৰ্ডত সভা অনুষ্ঠিত কৰাৰ লগতে জিলা যুৱ মৰ্চাই ভাকাৰিভিটাৰ পৰা এক মটৰ চাইকেল সমদল উলিয়ায় ৷ বিজেপি দলে বৃহস্পতিবাৰে সন্ধিয়াৰ ভাগত বিভিন্ন ৱাৰ্ডক সামৰি মন্ত্ৰী চন্দ্ৰমোহন পাটোৱাৰী, মুখ্যমন্ত্ৰীৰ ৰাজনৈতিক সচিব জয়ন্তমল্ল বৰুৱা আদিৰ অংশগ্ৰহণেৰে চহৰখনত এক পদযাত্ৰা উলিয়াই ভটাৰ ৰাইজৰ সমৰ্থন বিচাৰিছিল ৷ লক্ষ্যণীয় যে বঙাইগাঁও পৌৰসভাৰ ভিতৰত মিশ্ৰিত জনবসতিৰ ১৩ নম্বৰ ৱাৰ্ডত বৃহস্পতিবাৰৰ সন্ধিয়া ভাৰতীয় জনতা পাৰ্টীয়ে শোভাযাত্ৰা উলিওৱাৰ ১২ ঘন্টা অতিক্ৰম নৌহওঁতেই আজি ৱাৰ্ডটোত অসম গণ পৰিষদ দলে তেওঁলোকৰ দলীয় সমৰ্থকক লৈ শোভাযাত্ৰা উলিয়ায় ৷ অন্যহাতে বঙাইগাঁও পৌৰসভাৰ মাত্ৰ ১৯ টা ৱাৰ্ডত প্ৰাৰ্থিত্ব প্ৰদান কৰা কংগ্ৰেছ দলেও দলৰ প্ৰাৰ্থীৰ সমৰ্থনত সমদল উলিওৱাৰ লগতে সভা অনুষ্ঠিত কৰে  ৷ আনহাতে মাত্ৰ চাৰিটা ৱাৰ্ডত প্ৰাৰ্থিত্ব প্ৰদান কৰা বামপন্থী দল চিপিআই(এম) দলেও বক্স মিটিঙৰ জৰিয়তে প্ৰচাৰ চলায়৷ ৰাজনৈতিক দলসমূহৰ অন্তিম দিনৰ প্ৰচাৰ অভিযানত বঙাইগাঁও চহৰৰ লগতে ৱাৰ্ডসমূহ মুখৰিত হৈ পৰে ৷🔯