🔯বঙাইগাঁও ৰে'লৱে ষ্টেচনৰ যাত্ৰী পৰিসেৱাসমূহ কৰ্তনৰ প্ৰতিবাদত ডি ৱাই এফ আইৰ আন্দোল🔯

🔯বঙাইগাঁও ৰে'লৱে ষ্টেচনৰ যাত্ৰী পৰিসেৱাসমূহ কৰ্তনৰ প্ৰতিবাদত ডি ৱাই এফ আইৰ আন্দোল🔯

🔯ডিআৰইউচিচি সভাত দাবী মানি ললে ৰে'লৱে কৰ্তৃপক্ষই🔯

বঙাইগাঁওঃ ২৯ জুনঃ বঙাইগাঁও ৰে'লৱে ষ্টেচনত থকা উত্তৰ বঙাইগাঁও আৰু দক্ষিণ বঙাইগাঁৱৰ মাজত সংযোগকাৰী ফুট অভাৰব্ৰীজখন ৰে'লৱে কৰ্তৃপক্ষই উঠাই দিয়াত দুৰ্ভোগত ভুগিবলগীয়া হৈছে দুয়োপাৰৰ জনতা ৷ লগতে ৰে'ল কৰ্তৃপক্ষই আন কেইবাটাও সেৱা কৰ্তন কৰিছে ষ্টেচনটোত ৷  যাৰ বাবে গৰজি উঠিছিল বাওঁপন্থী যুৱ সংগঠন ডি ৱাই এফ আইয়ে ৷ ফুট অভাৰব্ৰীজখন পুনৰ নিৰ্মাণৰ দাবীত লগতে কৰ্তন কৰা পৰিসেৱাসমূহ পুনৰ প্ৰৱৰ্তন কৰাৰ দাবীত ডি আই এফ আই ৰ বঙাইগাঁও জিলা সমিতিৰ উদ্যোগত ২৬ জুনত ৰূপায়ণ কৰিছিল এক প্ৰতিবাদী কাৰ্যসূচী ৷ উল্লেখ্য যে বঙাইগাঁও ৰে'ল ষ্টেচনত ফুট অভাৰব্ৰীজ উঠাই দিয়াৰ লগতে বঙাইগাঁও ৰে'ল ষ্টেচনৰ পৰা আৰ পি এফ থানাখনো উঠাই দিয়া হৈছে ৷ যাৰ বাবে ষ্টেচনৰ যাত্ৰীসকলে নিৰাপত্তাহীনতাত ভুগিবলগীয়া হৈছে ৷ তদুপৰি ষ্টেচনটোত যাত্ৰীৰ টিকট সংৰক্ষণ  কাউণ্টাৰো উঠাই দিয়া হয় ৷ সাধাৰণ যাত্ৰীৰ টিকট কাউণ্টাৰতে সংৰক্ষণ যাত্ৰীৰ টিকট প্ৰদান কাৰ্য  সংযোগ কৰা হৈছে ৷ পূৰ্বৰ সুবিধা কৰ্তন কৰি একেটা কাউণ্টাৰতে সাধাৰণ যাত্ৰী আৰু সংৰক্ষণ যাত্ৰীৰ টিকট প্ৰদান কৰাত যাত্ৰীসকল যথেষ্ট দুৰ্ভোগত ভুগিবলগীয়া হৈছে ৷ যাত্ৰীসকল নিয়মিত ভাবে হাৰাশাস্তিৰো সন্মুখীন হ'বলগীয়া হৈছে ৷ 

উল্লেখ্য যে এই পৰিসেৱাসমূহ পুনৰ প্ৰৱৰ্তন কৰাৰ দাবীৰ বিষয়ে ’এন এফ ৰে'লৱে ৰঙিয়া সংমণ্ডলীয় ব্যৱহাৰকাৰী পৰামৰ্শদাতা সমিতি ’ ( ডি আৰ ইউ চি চি ) ৰ সদস্য ধীৰাজ চক্ৰৱৰ্তীক অৱগত কৰিছিল ডি ৱাই এফ আইয়ে ৷ ইপিনে বুধবাৰে ৰে'লৱে বিভাগৰ ৰঙিয়া সংমণ্ডলৰ মুখ্য কাৰ্যালয়ত এই সংমণ্ডলীয় ৰেলৱে ব্যৱহাৰকাৰী পৰামৰ্শদাতা সমিতিৰ এখন সভা অনুষ্ঠিত হয় ৷ উক্ত সভাত এই পৰামৰ্শদাতা সমিতিৰ সদস্য ধীৰাজ চক্ৰৱৰ্তীৱে এই দাবী সমূহ উত্থাপন কৰে ৷ সভাত এই পৰামৰ্শদাতা সমিতিৰ অধ্যক্ষ তথা উত্তৰ - পূৱ সীমান্ত ৰে'লৱেৰ ৰঙিয়া সংমণ্ডলৰ প্ৰৱন্ধক ভি কে শ্ৰীৱস্তৱে এই দাবীসমূহৰ প্ৰতি গুৰুত্ব প্ৰদান কৰি বঙাইগাঁও ষ্টেচনত থকা চহৰখনৰ উত্তৰ আৰু দক্ষিণ পাৰৰ মাজৰ সংযোগকাৰী ফুট অভাৰব্ৰীজখন পুনৰ নিৰ্মাণৰ আশ্বাস প্ৰদান কৰে ৷ লগতে ষ্টেচনটোৰ পৰা আৰ পি এফ থানা উঠাই লোৱা হলেও যাত্ৰীৰ নিৰাপত্তাৰ কথা চিন্তা কৰি ষ্টেচনটোত কটকটীয়া নিৰাপত্তা ব্যাবস্থা সুনিশ্চিত কৰাৰো আশ্বাস প্ৰদান কৰে প্ৰৱন্ধকগৰাকীয়ে ৷ ইয়াৰ লগতে বঙাইগাঁও ষ্টেচনত টিকট কাউণ্টাৰৰ কৰ্মচাৰীৰ সংখ্যা বৃদ্ধি কৰাৰো আশ্বাস প্ৰদান কৰে ৷ আনহাতে লেহেমীয়া গতিত চলি থকা বঙাইগাঁও নিউ- বঙাইগাঁও পথটোৰ কাম অতিশীঘ্ৰে সমাপ্ত কৰাৰো নিৰ্দেশ প্ৰদান কৰে প্ৰৱন্ধকগৰাকীয়ে ৷ তদুপৰি বঙাইগাঁও - নিউ বঙাইগাঁও ৰে'লৱে আৱাসীক এলেকাৰ ভিতৰত মূল পথ আৰু উপ পথ সমূহ  মেৰামতি কৰাৰো পদক্ষেপ গ্ৰহণ কৰিব বুলিও আশ্বাস প্ৰদান কৰে ৰঙিয়া সংমণ্ডলৰ ৰে'লৱে বিষয়াগৰাকীয়ে ৷🔯,