🔯বঙাইগাঁও জিলা বিজেপিৰ কাৰ্যনিৰ্বাহক সভা সম্পন্ন🔯

🔯বঙাইগাঁও জিলা বিজেপিৰ কাৰ্যনিৰ্বাহক সভা সম্পন্ন🔯

📝বঙাইগাঁওঃ ২৯ জুনঃ ভাৰতীয় জনতা পাৰ্টিৰ ৰাজ্যিক সমিতিৰ নিৰ্দেশমৰ্মে বুধবাৰে বঙাইগাঁও জিলা বিজেপিৰ জিলা কাৰ্যনিৰ্বাহক সভা অনুষ্ঠিত হয় ৷ বঙাইগাঁৱৰ বৰপাৰাস্থিত জিলা সমিতিৰ কাৰ্যালয়ত অনুষ্ঠিত কাৰ্যনিৰ্বাহক সভাৰ আৰম্ভণিতে পুৱা দলীয় পতাকা উত্তোলন কৰে জিলা সভানেত্ৰী হিমানী অধিকাৰীয়ে । তাৰ পিছতে ভাৰত মাতা , ড° শ্যামা প্ৰসাদ মুখাৰ্জী আৰু পণ্ডিত দীন দয়াল উপাধ্যায়ৰ প্ৰতিচ্ছবিত মাল্যাৰ্পন কৰি  আদৰণি ভাষণ প্ৰদান কৰে সভানেত্ৰীগৰাকীয়ে । সভাৰ শোক প্ৰস্তাৱ পাঠ কৰে  জিলা সমিতিৰ উপ- সভাপতি দীনেশ চন্দ্ৰ সৰকাৰে । তাৰ পিছতে যথাক্ৰমে মণ্ডল সভাপতিসকলে তেওঁলোকৰ বিগত সময়ৰ কাৰ্যকালৰ প্ৰতিবেদন পাঠ কৰে ।  আনহাতে জিলাখনৰ বিভিন্ন দিশ তথা সমস্যাসমূহ চৰকাৰক দৃষ্টিগোচৰ তথা ৰাজনৈতিক সমস্যাসমূহ অৱগত কৰাৰ ক্ষেত্ৰত 'ৰাজনৈতিক  প্ৰস্তাৱ' উত্থাপন কৰে জিলাৰ উপ সভাপতি কৌস্তৱ দাসে । দিনৰ ১২ বজাৰ পৰা অনুষ্ঠিত হয় গোট বৈঠক ৷ 

মণ্ডল সভাপতি আৰু শক্তি কেন্দ্ৰ প্ৰমূখসকলকলৈ অনুষ্ঠিত প্ৰথমখন গোট বৈঠকত 'মন কি বাত আৰু বুথৰ ৬ টা কায্যক্ৰম' সন্দৰ্ভত আলোচনা হয় ৷ আনহাতে পৌৰ সভা আৰু পঞ্চায়তৰ নিৰ্বাচিত প্ৰনিধিৰ সকলকলৈ আনুষ্ঠিত দ্বিতীয় গোট বৈঠকত 'বুথ সশক্তিকৰণ আৰু কেন্দ্ৰ আৰু ৰাজ্য চৰকাৰৰ জনকল্যাণমূলক আঁচনি' সন্দৰ্ভত তথা জিলা মৰ্চাৰ সভাপতিসকল আৰু প্ৰভাৰীৰ সৈতে অনুষ্ঠিত তৃতীয় গোট বৈঠকত 'দলীয় কাৰ্যসূচী আৰু  ভৱিষ্যৎ পৰিকল্পনা' সম্পৰ্কে আলোচনা কৰা হয় । ইয়াৰ পিচতে সভাত জিলাৰ সাংগঠনিক দিশ আৰু আগন্তুক দলীয়  কাৰ্যক্ৰমণিকা সম্পৰ্কে আলোকপাত কৰে জিলা প্ৰভাৰী ব্ৰজ কুমাৰ দাসে । জিলা সভানেত্ৰী হিমানী অধিকাৰীয়ে সভাপতিত্ব কৰা সভাখন তদাৰক কৰে জিলা সমিতিৰ সাধাৰণ সম্পাদকদ্বয় শংকৰ বিশ্বাস আৰু জ্যোতিৰ্ময় সৰকাৰে । সভাত প্ৰাক্তন জিলা সভাপতি গোপেশ্বৰ তালুকদাৰ , ৰাজ্যিক বিষয়ববীয়া , জিলা বিষয়ববীয়া, মণ্ডল সভাপতিসকলৰ লগতে মিডিয়া কোষৰ আহ্বায়ক চন্দন মেধি , চ'ছিয়েল মিডিয়াৰ আহবায়ক সুব্ৰত মণ্ডল, আইটি চেলৰ মণিকৰ চক্ৰৱৰ্তী আৰু কায্যকতা সকল উপস্থিত থাকে ।🔯