🔯বঙাইগাঁৱৰ নৰ্থ বইটামাৰীত সক্ৰিয় গৰু চুৰি চক্ৰ 🔯

🔯বঙাইগাঁৱৰ নৰ্থ বইটামাৰীত সক্ৰিয় গৰু চুৰি চক্ৰ 🔯

🔯নিশা তিনিঘৰ লোকৰ গোহালিৰ পৰা গৰু চুৰি🔯 

📝 News4Bongaigaon: ৬ ডিচেম্বৰঃ বঙাইগাঁও জিলাত ক্ৰমাৎ সক্ৰিয় হৈ পৰিছে গৰু চুৰি চক্ৰ ৷ ইয়াৰ মাজতে বঙাইগাঁও সদৰ আৰক্ষী থানাৰ অন্তৰ্গত নৰ্থ বইটামাৰী অঞ্চলত মঙলবাৰে নিশাৰ ভাগত তিনিঘৰ লোকৰ গোহালিৰ পৰা গৰু চুৰিৰ ঘটনা সংঘটিত হৈছে । জানিব পৰা মতে নিশা অঞ্চলটোৰ বাঁশবাৰী দ্বিতীয় খণ্ড (ডেকলিমাৰী ) গাঁৱৰ জলেশ্বৰ নাথ নামৰ লোক এজনৰ ঘৰৰ গোহালিৰ পৰা এহাল বলধ, গাই গৰুকে ধৰি মুঠ পাঁচটাকৈ  গৰু চুৰি কৰি লৈ যায় । পৰিয়ালৰ লোকে বুধবাৰে পুৱা শুই উঠি গোহালিত গৰু নেদেখি চুৰি হোৱা বুলি নিশ্চিত হয় আৰু কিংকৰ্ত্তব্যবিমূঢ় হৈ পৰে । উল্লেখ্য যে নিশা গাঁওখনৰে আন দুঘৰৰ গোহালিৰ পৰাও দুটাকৈ গৰু চুৰি হয় । গাঁওখনৰ দীনেশ বৰ্মন আৰু কনক বৰ্মনৰ ঘৰৰ গোহালিৰ পৰাও চোৰে নিশা দুটাকৈ মুঠ চাৰিটা গৰু চুৰি কৰে । কৃষি কৰ্মৰে কোনোমতে চলা পৰিয়ালকেইটিৰ গো-ধন চুৰি হোৱাত আৰ্থিকভাৱে যথেষ্ট ক্ষতিৰ সন্মুখীন হৈছে । এনেদৰে এটা নিশাতে গাঁওখনৰ তিনিটাকৈ পৰিয়ালৰ গৰু চুৰি হোৱাত নৰ্থ বইটামাৰী অঞ্চলৰ গো-পালক ৰাইজ চিন্তিত হৈ পৰিছে। উল্লেখ্য যে  বঙাইগাঁও জিলাৰ বিভিন্ন প্ৰান্তত যোৱা  কিছুদিন ধৰি গৰু চুৰিৰ ঘটনা সংঘটিত হৈ আহিছে ।  কিন্তু আৰক্ষী-প্ৰশাসনে গৰু চুৰি চক্ৰৰ বিৰুদ্ধে বিশেষ ব্যৱস্থা গ্ৰহণ কৰিব পৰা নাই । সততে গো-মাতাৰ সুৰক্ষাৰ কথা কোৱা বিজেপি চৰকাৰক ৰাইজে গৰু চুৰি চক্ৰৰ বিৰূদ্ধে কঠোৰ ব্যৱস্থা গ্ৰহন কৰিবলৈ দাবী জনাইছে ৷