🔯বঙাইগাঁৱৰ গুৰুনানক নগৰৰ পৰা চুৰি হোৱা ছেন্ট্র গাড়ী উত্তৰ বংগৰ কামাখ্যাগুড়িত উদ্ধাৰ🔯

🔯বঙাইগাঁৱৰ গুৰুনানক নগৰৰ পৰা চুৰি হোৱা ছেন্ট্র গাড়ী উত্তৰ বংগৰ কামাখ্যাগুড়িত উদ্ধাৰ🔯

📝 News4Bongaigaon:  ৭ ডিচেম্বৰঃ বঙাইগাঁও চহৰৰ উত্তৰ বঙাইগাঁও তহলদাৰী আৰক্ষী চকীৰ অন্তর্গত গুৰুনানক নগৰৰ পৰা ৩ ডিচেম্বৰৰ পুৱতি নিশা চুৰি হোৱা এএছ ১৯ কিউ  ৯৭৩৬ ( As-19 Q 9736 ) নম্বৰৰ ছেন্ট্র গাড়ীখন উত্তৰ বংগৰ কামাখ্যাগুড়িত উদ্ধাৰ হৈছে ৷ উল্লেখ্য যে গাড়ীখন চুৰি হোৱাৰ পিছত গাড়ীখনৰ স্বত্বাধিকাৰী শহিদুল ইছলামে উত্তৰ বঙাইগাঁও তহলদাৰী আৰক্ষী চকীত এখন এজাহাৰ দাখিল কৰিছিল ৷ ইয়াৰ পিছতে বঙাইগাঁও সদৰ থানাত আৰক্ষীয়ে ভাৰতীয় দণ্ড বিধি আইনৰ ৩৭৯ ধাৰাৰ অধীনত ৫১৫/২৩ ( 515/23, U/ S 379 IPC ) নম্বৰৰ এটি গোচৰ ৰুজু কৰি গাড়ীখন উদ্ধাৰৰ বাবে তদন্ত অব্যাহত ৰখাৰ সময়তে কামাখ্যাগুড়িৰ ৰাজপথত বাহনখন থকা বুলি খবৰ লাভ কৰে ৷ এই খবৰৰ ভিত্তিত আৰক্ষীয়ে গাড়ীখন উদ্ধাৰ কৰি বঙাইগাঁৱলৈ লৈ আহে ৷