👉লকডাউনৰ প্ৰভাৱঃ তীব্ৰ আৰ্থিক সংকট- ঋণৰ বোজা সহিব নোৱাৰি ব্যৱসায়ীৰ আত্মহত্যা

 👉বঙাইগাঁৱত মৰ্মান্তিক ঘটনাঃ

👉লকডাউনৰ প্ৰভাৱঃ তীব্ৰ আৰ্থিক সংকট- ঋণৰ বোজা সহিব নোৱাৰি ব্যৱসায়ীৰ আত্মহত্যা

👉নিজ সন্তানক পোহ-পাল দিব নোৱাৰি গতাইছিল আনৰ হাতত

      বঙাইগাঁওঃ ২৩ আগষ্টঃ

📝বঙাইগাঁও চহৰৰ উত্তৰ বঙাইগাঁৱৰ উদয় নগৰত আজি এক মৰ্মান্তিক ঘটনা সংঘটিত হয় ৷ ঋণৰ বোজা সহিব নোৱাৰি নিজৰ ১৬ দিনীয়া শিশু সন্তানক অইন দম্পতীক গতাই অৱশেষত আত্মহত্যাৰ পথ বাছি লয় উত্তম দে ( ৪২ ) নামৰ এজন ব্যৱসায়ীয়ে ৷ জানিব পৰা মতে  উত্তম দে নামৰ লোকজনৰ বঙাইগাঁৱৰ চাপাগুৰিত এখন ইলেকট্ৰিক সামগ্ৰীৰ দোকান আছে ৷ কিন্তু কৰ'না মহাৰীৰ বাবে চৰকাৰে ঘোষণা কৰা লকডাউনৰ সময়ছোৱাৰ পৰা দোকান তথা ব্যৱসায় বন্ধ হৈ পৰে উত্তম দেৰ ৷ যাৰ ফলস্বৰূপে তীব্ৰ আৰ্থিক সংকটত ভুগি ক্ৰমশ ঋণত পোত যাবলৈ আৰম্ভ কৰে আৰু  হতাশাত ভাগি পৰে ব্যৱসায়ীজন ৷ ইয়াৰ মাজতে  এজনী ১৪ বছৰীয়া কন্যা সন্তান, এটি ৪ বছৰীয়া পুত্ৰ সন্তান আৰু পত্নী থকা পৰিয়ালটোত প্ৰায় ২৩ দিন পূৰ্বে আন এটি পুত্ৰ সন্তানৰ জন্ম হয় ৷ এফালে লকডাউনৰ প্ৰভাৱ তথা আনফালে ব্যৱসায়- বাণিজ্য বন্ধ হৈ থকাৰ সময়ছোৱাত এই নৱজাতক  শিশু সন্তানটিক লৈয়ো একপ্ৰকাৰ বিমোৰত পৰিব লগীয়া হয় পৰিয়ালটো ৷ কাৰণ পূৰ্বৰ দুই সন্তানকে পোহ- পাল দিব পৰা নাছিল ৷ অভাৱে জুৰুলা কৰি তুলিছিল পৰিয়ালটোক ৷ ইয়াৰে মাজত আন এক সন্তানৰ আগমণ ঘটাত হতাশাত ভুগিছিল উত্তম দেই ৷ দুবেলা দুমুঠি খাদ্যৰ বাবেও হাহাকাৰ কৰি থকা পৰিয়ালটোৱে অবশেষত নিজৰ এই ফুলকুমলীয়া সন্তানটিক গতাই দিয়ে অইন এহাল দম্পতীক ৷ এই ফুলকুমলীয়া শিশু সন্তানটিক ১৬ দিন বয়সত গতাই দিয়া হৈছিল অইন দম্পতীৰ হাতত ৷ নিজ সন্তানত আনৰ হাতত গতাই দিবলগীয়া হোৱাত অনুশোচনাত ভুগিছিল উত্তম দেই ৷

 কিন্তু তৎস্বত্বেও  পৰিয়ালটো মুক্ত হোৱা নাছিল অভাৱৰ পৰা আৰু পৰিয়ালটোলৈ ঘুৰি নাহিল স্বাভাৱিক জীৱন৷ বৰং দিনক দিনে ঋণ তথা ধাৰৰ সুতৰ বোজা সহিব নোৱাৰা হ'ল পৰিয়ালটো ৷ এনে অৱস্থাত পৰিয়ালটোৰ মুৰব্বী উত্তম দেক ঘেৰি ধৰিলে দুশ্চিন্তাই ৷ আনফালে ঋণদাতাসকলৰ তাগিদাৰ ভয়ত ঘৰৰ পৰা প্ৰায় ওলোৱা বন্ধ হ'ল  উত্তম দেৰ ৷ এফালে ব্যৱসায়- বাণিজ্য বন্ধ হৈ  পৰিল,  আনফালে ঋণৰ বোজা ৷ এনে পৰিপ্ৰেক্ষিততে  হতাশাত ভাগি পৰা উত্তম দেই অৱশেষত ভাড়া ঘৰতে আত্মহত্যাৰ পথ বাছি লোৱা বুলি সন্দেহ কৰা হৈছে ৷ উল্লেখ্য যে আজি পুৱতি নিশা প্ৰায় ৩ বজাত চিপলৈ ওলোমি থকা অবস্থাত উত্তমৰ মৃতদেহ প্ৰত্যক্ষ কৰে পৰিয়ালৰ লোকে ৷ ইয়াৰ পাছতেই হুলস্থুলীয়া পৰিস্থিতিৰ সৃষ্টি হয় পৰিয়ালটোৰ মাজত ৷ ভাৰাঘৰত থকা পৰিয়ালটোৰ মুৰব্বী তথা উপাৰ্জনৰ এক মাত্ৰ গৰাকী জনে এই আত্মহত্যাৰ পথ বাছি লোৱাত পৰিয়ালটোলৈ এতিয়া সকলো ফালেই নামি আহিছে অমানিশা ৷ ইপিনে পৰিয়ালৰ লোকে তীব্ৰ আৰ্থিক অনাতন , নিজ সন্তান তথা পৰিয়ালক পোহ - পাল দিয়াত অসমৰ্থ হোৱাৰ বাবেই এইদৰে হতাশাত ভুগি উত্তম দেই আত্মহত্যাৰ পথ বাছি লোৱা বুলি সদৰি কৰে৷ উল্লেখ্য যে কৰ'না মহামাৰীয়ে বহু পৰিয়ালৰ জীৱনলৈ অভিশাপ নমাই আনিছে ৷ বিশেষকৈ কৰ'নাৰ সংক্ৰমণ প্ৰতিৰোধ কৰাৰ বাবে চৰকাৰে লকডাউন ঘোষণা কৰাৰ পিচত পানীত হাঁহ নচৰা অৱস্থা হয় বহু পৰিয়ালৰ লগতে ক্ষুদ্ৰ ব্যৱসায়ীসকলৰ ৷ লকডাউনৰ ফলত ব্যৱসায় বন্ধ হৈ পৰিছে বহু ব্যৱসায়ীৰ ৷ এনে অৱস্থাত মানসিকভাৱে ভাগি পৰিছে বহুজন ৷ ভুগিছে তীব্ৰ আৰ্থিক সংকটত৷ একাংশই বাছি লৈছে আত্ইমহত্তিযাৰ পথ ৷ ইতিমধ্যে ঘটনাটোৱে তীব্ৰ চাঞ্চল্যৰ সৃষ্টি কৰিছে বঙাইগাঁৱত🔯 ৷