NEWS 4 BONGAIGAON

🔯কোৰোনা মহামাৰী

👉মাইক,লাইট আৰু জেনেৰেটৰৰ ব্যৱসায়ৰ লগত জড়িত মালিক -অসংগঠিত কৰ্মীসকলৰ দুৰৱস্থা

👉ল'ৱাৰ আসাম ছাউণ্ড এছোচিয়েচনৰ মুখ্যমন্ত্ৰীলৈ স্মাৰকপত্ৰ 

                    বঙাইগাঁওঃ ২ জুনঃ 

🔯ল'ৱাৰ আসাম চাউণ্ড এছোচিয়েচন(লাচা)ৰ তৰফৰ পৰা আজি নামনি অসমৰ ৮ খন জিলাৰ মাইক,লাইট আৰু জেনেৰেটৰৰ অস্থায়ী হিচাপে ব্যৱসায় কৰা মালিকসকলে বঙাইগাঁও জিলা উপায়ুক্তৰ জৰিয়তে অসমৰ মুখ্যমন্ত্ৰীলৈ এখন স্মাৰক পত্ৰ প্ৰেৰণ কৰে ৷ স্মাৰক পত্ৰত বিগত ২০১৯ চনৰ 'কা' বিৰোধী আন্দোলন আৰু কোৰোনা ভাইৰাছৰ মহামাৰীৰ বাবে দেশজোৰা লকডাউন কাৰ্যসূচীৰ ফলত মালিকসকল আৰু ইয়াৰ সৈতে জড়িত প্ৰায় ডেৰ সহস্ৰাধিক অসংগঠিত কৰ্মী আৰু তেওঁলোকৰ পৰিয়ালৰ দুৰৱস্থাৰ কথা উল্লেখ কৰিছে ৷ 

ইপিনে জিলা উপায়ুক্তৰ হৈ জিলাৰ অতিৰিক্ত উপায়ুক্ত অনুপম ডেকাই স্মাৰক পত্ৰখন গ্ৰহণ কৰি সন্থাৰ বিষয়ববীয়াসকলৰ সৈতে আলোচনাত মিলিত হোৱাৰ লগতে স্মাৰক পত্ৰখন অতিশীঘ্ৰেই মুখ্যমন্ত্ৰীলৈ পঠোৱাৰ ব্যৱস্থা কৰিব বুলি আশ্বাস দিয়ে ৷ স্মাৰক পত্ৰ প্ৰদান আৰু আলোচনাকালত সন্থাৰ তৰফৰ পৰা সভাপতি সুধাংশু পণ্ডিত ,সম্পাদক অব্ন চন্দ্ৰ নাথ ,উপ সভাপতি মহম্মদ কৰিম বক্স আৰু উপদেষ্টা অমৃতলাল দাস উপস্থিত থাকে ৷ সন্থাই মুখ্যমন্ত্ৰীক তেওঁলোকৰ আবেদনৰ প্ৰতি ইতিবাচক সঁহাৰি আগবঢ়াই এই ব্যৱসায়ৰ লগত জড়িত বৃহৎ সংখ্যক লোকক জীয়াই থকাৰ ইন্ধন যোগান ধৰিব বুলি স্মাৰক পত্ৰত উল্লেখ কৰি আশা প্ৰকাশ কৰে🔯