NEWS 4 BONGAIGAON

👉বঙাইগাঁৱত দুৰ্বৃত্তই কাঢ়ি নিলে মহিলাৰ সোণৰ চেইন 

👉আৰক্ষীয়ে খেদি খেদি আটক কৰিলে তিনিজনক 

                   বঙাইগাঁওঃ ৭ মেঃ 

🔯#লকডাউন চলি থকাৰ মাজতে বঙাইগাঁও চহৰৰ পাগলাস্থানৰ ওচৰৰ প্ৰিয়গুপ্ত মেম'ৰিয়েল হলৰ সন্মুখত আজি দিনৰ ভাগত দুৰ্বৃত্তৰ দলে এগৰাকী বয়োজ্যেষ্ঠ মহিলাৰ ডিঙিৰ পৰা সোণৰ চেইন কাঢ়ি নিয়াৰ ঘটনা সংঘটিত হয় ৷ অৱশ্যে পিছত আৰক্ষীয়ে দুৰ্বৃত্তৰ দলটোক আটক কৰিবলৈ সক্ষম হয় ৷ জানিব পৰা মতে বঙাইগাঁও কালীবাড়ীৰ তপোতি চক্ৰৱৰ্তী নামৰ বয়োজ্যেষ্ঠ মহিলাগৰাকীয়ে বঙাইগাঁও শাখা ইউকো বেংকৰ পৰা পেঞ্চনৰ ধন উলিয়াই আন মহিলাৰ সৈতে ঘৰলৈ উভতি যোৱাৰ বাবে বঙাইগাঁও ৰে'ল ষ্টেচন হৈ ৰে'ল পথৰ কাষেৰে প্ৰিয়গুপ্ত মেম'ৰিয়েল হলৰ সন্মুখৰ পথত উপস্থিত হৈ খোজ কাঢ়ি গৈ আছিল ৷ কিন্তু সেই মুহুৰ্ততে সেই স্থানত পূৰ্বৰে পৰা ৰৈ থকা তিনিজনীয়া দুৰ্বৃত্তৰ এটা দলে মহিলাগৰাকীৰ ডিঙিৰ পৰা সোণৰ চেইনডাল কাঢ়ি ৰে'লৱে নিউ কলনীৰ দিশে পলায়ণ কৰে ৷ লগে লগে মহিলাগৰাকীয়ে চিঞৰ - বাখৰ কৰাত ওচৰৰ লোক ওলাই আহে আৰু আৰক্ষীৰ দলো উপস্থিত হয় ৷ পিছত আৰক্ষীৰ দলে দুৰ্বৃত্তৰ দলটোক খেদি খেদি পালপাৰাৰ ওচৰৰ পৰা আটক কৰিবলৈ সক্ষম হয় আৰু উত্তৰ বঙাইগাঁও আৰক্ষী পহৰা চকীলৈ লৈ যায় ৷ আৰক্ষীয়ে আটক কৰা দুৰ্বৃত্ত তিনিটা হ'ল চিৰাং জিলাৰ ঢালিগাঁও থানাৰ অন্তৰ্গত হাসৰবাৰীৰ ৰিংকু প্ৰসাদ ৰাউট(৩০) , চিৰাং জিলাৰ আমগুৰী থানাৰ অন্তৰ্গত তুলসীঝৰাৰ নয়ন চক্ৰৱৰ্তী(২৬) আৰু বঙাইগাঁও থানাৰ অন্তৰ্গত বাবুল ব্ৰহ্ম (২৫) ৷ আৰক্ষী সূত্ৰই জানিব দিয়া মতে আটকাধীন তিনি দুৰ্বৃত্তই নিজৰ অপৰাধ স্বীকাৰ কৰে ৷ লগতে নিজৰ সুৰক্ষাৰ বাবে মহিলাগৰাকীৰ ডিঙিৰ পৰা কাঢ়ি নিয়া সোণৰ চেইনডাল এটা ৰে'লৱে আবাসৰ চৌহদত দলিয়াই থৈ পলায়ণ কৰিছিল ৷ পিছত আৰক্ষীয়ে ৰে'লৱে আবাসৰ চৌহদৰ পৰা চেইনডাল উদ্ধাৰ কৰি আনে আৰু মহিলাগৰাকীক উভতাই দিয়ে ৷ আৰক্ষীয়ে ইতিমধ্যে ঘটনা সন্দৰ্ভত ৩৭ / ২০ নম্বৰৰ এক গোচৰ ৰুজু কৰিছে ৷ উল্লেখ্য যে দুৰ্বৃত্তই মহিলাগৰাকীৰ ডিঙিৰ পৰা সোণৰ চেইনডাল কাঢ়ি নিয়াৰ লগতে মহিলাগৰাকীক গতিয়াই দিয়াত পৰি যোৱাৰ ফলত বুকুত আঘাত পোৱাত ব্যক্তিগত চিকিৎসালয় এখনত চিকিৎসা গ্ৰহণ কৰিবলগীয়া হয় ৷