👉বঙাইগাঁৱত কবৰস্থানো কণ্টেইনমেণ্ট জ'নঃ মৃতদেহলৈ প্ৰতিবাদ

 👉বঙাইগাঁৱত কবৰস্থানো কণ্টেইনমেণ্ট জ'নঃ মৃতদেহলৈ প্ৰতিবাদ 

          বঙাইগাঁওঃ ১৩ আগষ্টঃ 

📝বঙাইগাঁও জিলা প্ৰশাসনে বঙাইগাঁও চহৰৰ উত্তৰ বঙাইগাঁওস্থিত কবৰস্থানক কণ্টেইনমেণ্ট জ'ন ঘোষণা কৰাক কেন্দ্ৰ কৰি আজি এক উত্তপ্ত পৰিস্থিতিৰ সৃষ্টি হয় ৷ উল্লেখ্য যে  কোভিড- ১৯ সংক্ৰমণ প্ৰতিৰোধৰ প্ৰতি লক্ষ্য ৰাখি জিলা প্ৰশাসনে কবৰস্থানসহ বৃহৎ অঞ্চলটোক কণ্টেইনমেণ্ট জ'ন ঘোষণা কৰি কবৰস্থানলৈ অহা- যোৱা কৰা দুয়ো দিশৰ পথৰ মাজত বাঁহৰ বেৰিকেড লগাই পথচোৱাৰে লোকৰ যাতায়াত ব্যৱস্থা বন্ধ কৰি দিছে ৷ ইমানলৈ সকলো ঠিকেই আছিল ৷ কিন্তু এগৰাকী বৃদ্ধাৰ মৃতদেহৰ জানাজা  প্ৰক্ৰিয়া সম্পন্ন কৰিবলৈ কবৰস্থানলৈ অনাৰ সময়তহে লাগিল অথন্তৰ ৷ কাৰণ কৰবস্থানলৈ মৃতদেহ কঢ়িয়াই নিয়া পথৰ মাজত প্ৰশাসনে বাঁহৰ বেৰিকেড দি বন্ধ কৰি দিছে পথ ৷ মৃতদেহটো নিব কেনেকৈ ? ইয়াকে লৈ অঞ্চলটোত সৃষ্টি হয় এক উত্তপ্ত পৰিস্থিতিৰ ৷ 

উল্লেখ্য যে জহৰা বেওৱা ( ৭৫ ) নামৰ মহিলা গৰাকীৰ বুধবাৰে নিশা মৃত্যু ঘটিছিল নিউ ক’লনীৰ নিজ ঘৰতে ৷ আজি পুৱা বৃদ্ধাগৰাকীৰ মৃতদেহটো কবৰস্থ কৰিবলৈ লৈ অহা হৈছিল কবৰস্থানলৈ ৷ কিন্তু কবৰস্থানৰ পথ বন্ধ থকাত এই মৃতদেহটোলৈ বিপাঙত পৰিব লগীয়া হয় মৃতদেহ কঢ়িয়াই অনা লোকৰ লগতে পৰিয়ালৰ লোক আদি ৷ অৱশেষত মৃতদেহৰ লগত অহা লোকসকলৰ লগতে স্থানীয় ৰাইজ ক্ষোভিত হৈ পৰে আৰু বাঁহৰ বেৰিকেডৰ সন্মুখতে তথা পথত মৃতদেহ থৈ প্ৰতিবাদ সাব্যস্ত কৰে ৷ প্ৰায় এঘন্টা সময়জুৰি এই প্ৰতিবাদ চলাৰ পাছত জিলা প্ৰশাসন আৰু আৰক্ষী প্ৰশাসনৰ উচ্চস্তৰীয় বিষয়াসকল উপস্থিত হৈ এই বাঁহৰ বেৰিকেড উঠাই দিয়ে ৷ ইয়াৰ পাছতে পৰিস্থিতি স্বাভাৱিক অবস্থালৈ  আহে ৷ লগতে ইয়াৰ পিচতহে মৃতদেহটো কবৰস্থানলৈ নিবলৈ সক্ষম হয়🔯 ৷