👉বঙাইগাঁৱত অল ইণ্ডিয়া ৰোড ট্ৰেন্সপোৰ্ট ৱাৰ্কাৰ্চ ফেডাৰেচনৰ অসম ৰাজ্যিক সমিতিৰ আহ্বানত প্ৰতিবাদী কাৰ্যসূচী ৰূপায়ণ

👉বঙাইগাঁৱত অল ইণ্ডিয়া ৰোড ট্ৰেন্সপোৰ্ট ৱাৰ্কাৰ্চ ফেডাৰেচনৰ অসম ৰাজ্যিক সমিতিৰ আহ্বানত প্ৰতিবাদী কাৰ্যসূচী ৰূপায়ণ 

👉পেট্ৰ'ল- ডিজেলৰ বৰ্ধিত মূল্য প্ৰত্যাহাৰ কৰাকে ধৰি বিভিন্ন দাবী

👉পৰিবহন মন্ত্ৰীলৈ স্মাৰক পত্ৰ প্ৰেৰণ  

         🔯বঙাইগাঁওঃ ৫ আগষ্টঃ

📝অল ইণ্ডিয়া ৰোড ট্ৰেন্সপোৰ্ট ৱাৰ্কাৰচ ফেডাৰেচনৰ অসম ৰাজ্যিক সমিতিৰ আহ্বানত আজি বঙাইগাঁৱতো সংগঠনটোৰ জিলা সমিতিৰ উদ্যোগত এক প্ৰতিবাদী কাৰ্যসূচী ৰূপায়ণ কৰে ৷ পেট্ৰ'ল- ডিজেলৰ বৰ্ধিত মূল্য প্ৰত্যাহাৰ কৰা , লকডাউনৰ সময়ছোৱাত অসংগঠিত ক্ষেত্ৰৰ সকলো মটৰ শ্ৰমিক - চালক তথা ক্ষুদ্ৰ গৰাকীক মাহিলী ৭৫০০ টকাকৈ  ৰাজসাহাৰ্য প্ৰদান কৰা , পথ পৰিবহন শ্ৰমিকৰ বাবে সামাজিক সুৰক্ষা আইন শীঘ্ৰে ৰূপায়ণ কৰা আৰু মটৰ পৰিবহন সংশোধনী আইন - ২০১৯ বাতিল কৰাৰ দাবীত বঙাইগাঁও জিলা পৰিবহন বিষয়াৰ কাৰ্যালয়ৰ সন্মুখত ৰূপায়ণ কৰা এই প্ৰতিবাদী কাৰ্যসূচীত পিংক অটো ইউনিয়ন ,পুৰণি বঙাইগাঁও অটো মালিক সন্থা , বঙাইগাঁও ট্ৰাক- শ্ৰমিক ইউনিয়ন , চি আই টি ইউ আদিকে কৰি বিভিন্ন শ্ৰমিক - মালিক সংগঠনে অংশ গ্ৰহণ কৰে ৷ প্ৰতিবাদী কাৰ্যসূচীত অংশ গ্ৰহণ কৰা সকলে হাতে হাতে বেনাৰ আৰু বিভিন্ন প্লেকাৰ্ডলৈ পেট্ৰ'ল - ডিজেলৰ মূল্যবৃদ্ধি কৰা নচলিব , সকলো অসংগঠিত শ্ৰমিকক মাহিলী ৭৫০০ টকাকৈ ভাট্টা দিয়ক , মটৰ পৰিবহন সংশোধনী আইন-২০১৯ বাতিল কৰক আদি শ্লোগানো দিয়ে ৷

প্ৰতিবাদী কাৰ্যসূচীৰ অন্তত সংগঠনকেইটাই যৌথভাৱে ওপৰোক্ত দাবীসমূহ সমাধানৰ ক্ষেত্ৰত উপযুক্ত পদক্ষেপ গ্ৰহণ কৰাৰ দাবী জনাই ৰাজ্যৰ পৰিবহন মন্ত্ৰী চন্দ্ৰ মোহন পাটোৱাৰীক জিলা পৰিবহন বিষয়াৰ জৰিয়তে এখন স্মাৰক পত্ৰ প্ৰদান কৰে ৷ স্মাৰক পত্ৰত লগতে উল্লেখ কৰিছে যে কৰ''নাৰ প্ৰাৰ্দুভাৱ বৃদ্ধিৰ আশংকাৰে ৰাজ্য তথা দেশত জাৰি কৰা লকডাউন আৰু পৰ্যায়ক্ৰমে আনলক জাৰি কৰাৰ পাঁচ মাহ সমাপ্ত হোৱাৰ পথত ৷ কিন্তু এই সময়ছোৱাত সকলো ধৰণৰ কাম- কাজ ব্যাহত হৈ পৰাত পথ- পৰিবহনৰ সৈতে জড়িত লোকসকল তথা তেওঁলোকৰ পৰিয়ালবৰ্গ চূড়ান্তভাৱে সমস্যাত বিধ্বস্ত হৈ পৰিছে ৷ তাৰোপৰি আকাশলংঘী পেট্ৰ'ল- ডিজেলৰ মূল্যবৃদ্ধি আৰু সীমিত সময়ৰ ভিতৰত গাড়ী চলাবলৈ তথা যাত্ৰী পৰিবহন কৰিবলৈ দিয়াৰ পৰিপ্ৰেক্ষিতত পথ- পৰিবহনৰ সৈতে জড়িত লোকৰ অৱস্থা বৰ্ণনাতীত হৈ পৰিছে ৷ অসংগঠিত খণ্ডৰ এই ব্যক্তিসকলক মাহিলী ন্যূনতম ভাট্টা দিয়াৰ প্ৰতিশ্ৰুতিত নামৰ তালিকা সংশ্লিষ্ট কৰ্তৃপক্ষক ওচৰত দাখিল কৰাৰ যথেষ্ট সময় অতিবাহিত হোৱাৰ পাছতো এতিয়ালৈ কোনো ধন চৰকাৰে আদায় দিয়া নাই ৷ সেয়ে ৰাজ্যখনত মটৰ- শ্ৰমিক কল্যাণ আইন এখন প্ৰণয়ন অতিকৈ জৰুৰী বুলিও উল্লেখ কৰে ৷ প্ৰতিবাদী কাৰ্যসূচীত অল ইণ্ডিয়া ৰোড ট্ৰেন্সপোৰ্ট ৱাৰ্কাৰ্চ ফেডাৰেচনৰ অসম ৰাজ্যিক সমিতিৰ কাৰ্যকৰী সভাপতি হৰেশ্বৰ দাসো উপস্থিত থাকে🔯 ৷