👉বঙাইগাঁৱত পৌৰ নিকায় কৰ্মচাৰীৰ অৱস্থান ধৰ্ণা কাৰ্যসূচী ৰূপায়ণ

👉বঙাইগাঁৱত পৌৰ নিকায় কৰ্মচাৰীৰ অৱস্থান ধৰ্ণা কাৰ্যসূচী ৰূপায়ণ 

                   বঙাইগাঁওঃ ৩১ আগষ্টঃ

📝সদৌ অসম পৌৰ নিকায় কৰ্মচাৰী সন্থাই আজি ৰাজ্যজুৰি আহ্বান জনোৱা প্ৰতিবাদী কাৰ্যসূচীৰ অংশ হিচাপে বঙাইগাঁৱতো পৌৰ সভাৰ কৰ্মচাৰীসকলে এঘণ্টীয়া অৱস্থান ধৰ্ণা কাৰ্যসূচী ৰূপায়ণ কৰে ৷ বঙাইগাঁও জিলা উপায়ুক্ত কাৰ্যালয়ৰ সন্মুখৰ গান্ধী ময়দানত ৰূপায়ণ কৰা এই অৱস্থান ধৰ্ণা কাৰ্যসূচীৰ জৰিয়তে পৌৰ নিকায় কৰ্মচাৰীৰ দীৰ্ঘদিনীয়া সমস্যা আৰু চাকৰি নিয়মীয়া কৰণ কৰাৰ দাবী জনায়। উল্লেখযোগ্য যে পৌৰ নিকায় কৰ্মচাৰী সন্থাই ৰাজ্য চৰকাৰে ২০১৩ বৰ্ষৰ ৪ চেপ্তেম্বৰত গ্ৰহণ কৰা পৌৰ কৰ্মচাৰীসকলৰ কেবিনেট সিদ্ধান্ত কাৰ্যকৰী কৰি অধিসূচনা জাৰি কৰা , পৌৰ কৰ্মচাৰীসকলৰ ৩ মাহৰ পৰা ২৭ মাহ পৰ্যন্ত অনাদায় হৈ থকা দৰমহা অতিশীঘ্ৰে আদায় দিয়া আৰু শেষত প্ৰাপ্ত মাহিলী দৰমহা আদায়ৰ নিশ্চিত ব্যৱস্থা কৰা , 

২০১৩ বৰ্ষৰ ৪ চেপ্তেম্বৰত সভাত অনুমোদিত সুনিৰ্দিষ্ট কৰ্মচাৰী গাঁঠনিৰ চৰকাৰী অধিসূচনা জাৰি কৰা , পৌৰ সভাসমূহত কৰ্মৰত হৰিজন,চাফাই কৰ্মচাৰী ,ফিক্স- পে আৰু ঠিকাভিত্তিত নিয়োজিত কৰ্মচাৰীসকলক সুনিৰ্দিষ্ট কৰ্মচাৰীৰ গাঁঠনি নিৰ্ধাৰিত পদত অতিশীঘ্ৰে নিয়মীয়াকৰণ কৰি ৰেগুলাৰ পে- স্কেল আদায় দিয়া ,ৰাজ্য চৰকাৰে বাৰে বাৰে নিৰ্দেশনাযোগে পৌৰ সভাসমূহত নতুনকৈ নিযুক্তি প্ৰক্ৰিয়া বন্ধ ৰখাৰ পিচতো শেহতীয়াভাৱে অধিকাংশ পৌৰসভাই নীতি- নিয়ম নোহোৱাকৈ অবৈধভাৱে যধে- মধে দিয়া নিযুক্তিসমূহ বাতিল কৰা ,ষষ্ঠ অনুসূচীৰ অন্তৰ্গত পৌৰ কৰ্মচাৰীসকলক ৰাজ্যিক বিত্তীয় আয়োগৰ আওতালৈ আনি দৰমহা তথা অন্যান্য সা- সুবিধা পেৰদান কৰা আৰু ৰাজ্যখনৰ অৱসৰপ্ৰাপ্ত পৌৰ কৰ্মচাৰীসকলে পাবলগীয়া অনাদায় বকেয়া দৰমহা আৰু অৱসৰকলীন সা- সুবিধাসমূহ অতিশীঘ্ৰে আদায় দিয়া আৰু গুৱাহাটী পৌৰ নিগমৰ কৰ্মচাৰীসকলৰ দৰে পেঞ্চন আঁচনি প্ৰৱৰ্তন কৰাৰ দাবীত ৰাজ্যজুৰি এই প্ৰতিবাদী কাৰ্যসূচীৰ আহ্বান জনাইছিল ৷ ইপিনে ১ ৰ পৰা ৩ চেপ্তেম্বৰলৈ এই সাতদফীয়া দাবীত পৌৰ নিকায় কৰ্মচাৰীসকলে তিনিদিনীয়া অৱস্থান ধৰ্মঘট পালন কৰিব🔯 ৷