👉বঙাইগাঁও জিলাৰ বিদ্যাপুৰত দুৰ্নীতি নিবাৰক শাখাৰ অভিযান

👉বঙাইগাঁও জিলাৰ বিদ্যাপুৰত দুৰ্নীতি নিবাৰক শাখাৰ অভিযান 

👉উৎকোচ লোৱাৰ সময়তে গ্ৰেপ্তাৰ বিদ্যাপুৰ আৰক্ষী চকীৰ ভাৰপ্ৰাপ্ত বিষয়া 

    বঙাইগাঁওঃ ৭ আগষ্টঃ 

📝বঙাইগাঁওঃ ৭ আগষ্টঃ বঙাইগাওঁ জিলাৰ বিদ্যাপুৰত বৃহস্পতিবাৰে সন্ধিয়া অপৰাধ অনুসন্ধান আৰু দুৰ্নীতি নিবাৰক শাখাই অভিযান চলাই  এজন লোকৰ পৰা পাঁচ হাজাৰ টকাৰ উৎকোচ লোৱা অৱস্থাত বিদ্যাপুৰ আৰক্ষী চকীৰ ভাৰপ্ৰাপ্ত বিষয়া দেৱান হৰমুজ আলীক  হাতে লোটে গ্ৰেপ্তাৰ কৰে । আৰক্ষী বিষয়াজনে বিলাসপুৰৰ আৰ্শ্বাদ আলী নামৰ লোক এজনক সঘনাই ধন দাবী কৰি হাৰাশাস্তি কৰি আহিছিল । এক মাৰ পিটৰ ঘটনাৰ অচিলা লৈ আৰক্ষী বিষয়া গৰাকীয়ে  আৰ্শ্বাদ আলীক সঘনাই আৰক্ষী চকীলৈ মাতি আনি বা ফোন যোগে ধন দাবী কৰি আহিছিল । আৰক্ষী বিষয়াজনৰ আৰ্শ্বাদ আলীক মাৰ- পিটৰ গোচৰৰ পৰা মুক্ত কৰাৰ বাবে ১ লাখ টকা দাবী কৰিছিল ৷  ইতিমধ্যে আৰ্শ্বাদ আলীয়ে আৰক্ষী বিষয়াজনে দাবী কৰা অনুসৰি কেইবাটাও কিস্তিত ৬০ হাজাৰ মান টকা আদায় দিছিল ৷ লগতে বৃহস্পতিবাৰে আন ৫ হাজাৰ টকা আদায় দিয়াৰ বাবে দিন নিৰ্ধাৰণ কৰিছিল৷

কিন্তু আৰক্ষী বিষয়াজনৰ ধন দাবী কাৰ্যত অতিষ্ঠ হৈ আৰ্শ্বাদ আলীয়ে অৱশেষত দুৰ্নীতি নিবাৰক শাখাৰ কাষ চাপে । তাৰ পিছত আৰক্ষী বিষয়া গৰাকীয়ে নিজ আৰক্ষী চকীৰ ভিতৰতে লোকজনৰ পৰা পাঁচ হেজাৰ টকা উৎকোচ লৈ থকা অৱস্থাতে গুৱাহাটীৰ পৰা অহা দুৰ্নীতি নিবাৰক শাখাৰ অভিযানকাৰী দলটোৱে হাতে-লোটে ধৰা পেলায় ।  দলটোৱে দুৰ্নীতিগ্ৰস্ত আৰক্ষী বিষয়া গৰাকীক জেৰা বহু সময় ধৰি আৰক্ষী চকীৰ ভিতৰতে জেৰা কৰে। তাৰ পিছত আটক কৰি গুৱাহাটীলৈ লৈ যায় ।দুৰ্নীতিপৰায়ন আৰক্ষী বিষয়া গৰাকী দুৰ্নীতি নিবাৰক শাখাৰ জালত পৰাৰ পিছত  নিশাই আৰক্ষী চকী চৌহদত স্থানীয় একাংশ লোকে ভিৰ কৰা পৰিলক্ষিত হয়🔯 ।