👉বঙাইগাঁও জিলা আছুৰ উপ সভাপতি আব্দুল লতিফক অব্যাহতি

👉বঙাইগাঁও জিলা আছুৰ উপ সভাপতি আব্দুল লতিফক অব্যাহতি 

বঙাইগাঁওঃ ৩ ছেপ্টেম্বৰঃ 

📝সদৌ বঙাইগাঁও জিলা ছাত্ৰ সন্থাৰ উপ সভাপতি আব্দুল লতিফক সংগঠনটোৰ পৰা অব্যাহতি দিছে ৷ আজি এক প্ৰেছ বিবৃতিত জিলা সমিতিৰ সভাপতি যিনোদ নাথ আৰু ভাৰপ্ৰাপ্ত সাধাৰণ সম্পাদক জ্যোতিশংকৰ চৌধুৰীয়ে এই কথা উল্লেখ কৰিছে ৷ বিবৃতিটোত জিলা সভাপতি আৰু ভাৰপ্ৰাপ্ত সাধাৰণ সম্পাদকে উল্লেখ কৰা মতে বুধবাৰে আছুৰ বঙাইগাঁওস্থি মুখ্য কাৰ্যালয় ছহিদ ভৱনত জিলা সমিতিৰ এখন জৰুৰী  সভা অনুষ্ঠিত হয় ৷ উক্ত সভাত সৰ্বসন্মত সিদ্ধান্তমৰ্মে ছাত্ৰ সন্থাৰ সংবিধান বিৰোধী তথা কিছুমান অনৈতিক কাম কাজত লিপ্ত থকাৰ অপৰাধত দোষী সাব্যস্ত হোৱাত জিলা সমিতিৰ উপ সভাপতি আব্দুল লতিফক বৃহস্পতিবাৰৰ পৰা কাৰ্যকৰী হোৱাকৈ উপ সভাপতি পদৰ লগতে আছুৰ প্ৰাথমিক সদস্য পদৰ পৰা অব্যাহতি দিয়া হয় ৷ সেয়ে এতিয়াৰে পৰা আছুৰ সৈতে আব্দুল লতিফ কোনো প্ৰকাৰে জড়িত নহয় আৰু তেওঁৰ যি কোনো কৰ্মৰ বাবেও ছাত্ৰ সন্থা দায়ী নহ'ব বুলিও বিবৃতিটোত উল্লেখ কৰিছে 🔯৷