👉বিজনীৰ টোলগেটত পিষ্টলসহ চাৰিজন যুৱকক আটকক

👉বিজনীৰ টোলগেটত পিষ্টলসহ চাৰিজন যুৱকক আটকক

বঙাইগাঁওঃ ১৯ মাৰ্চ: 

📝চিৰাং জিলাৰ বিজনীৰ  দহলাপাৰাস্থিত টোলগেটত আজি ৮ মান বজাত আৰক্ষীয়ে এখন চাৰিচকীয়া বাহনৰ পৰা এটা ৭.৫৬ পিষ্টল , এটা মেগজিন আৰু চাৰিটা সজীৱ গুলী উদ্ধাৰ কৰাৰ লগতে চাৰিজন যুৱকক আটক কৰে ৷  জানিব পৰা মতে গোলাঘাটৰ পৰা AS-01-BJ-0045 নম্বৰৰ এখন চাৰিচকীয়া বাহেনেৰে বিজনী মুখে আহি থকা অবস্থাত টোলগেটত আৰক্ষীৰ জালত পৰে এই চাৰিজন যুৱক ৷ পাছলৈ বিজনী আৰক্ষীয়ে পিষ্টল, গুলী আৰু বাহনখন জব্দ কৰাৰ লগতে যুৱক চাৰিজনক আটক কৰি বিজনী থানালৈ লৈ যায় ৷ আটকাধীন যুৱক চাৰিজন ক্ৰমে আনোৱাৰ হুছেইন (৪২), ৰকিবুল আলী(২২), সাগৰ আলী (৩০) জহিৰ আলী (২৩)। ইয়াৰে আনোৱাৰ হুছেনৰ ঘৰ গোলাঘাটৰ খেৰবাৰীত।  আনহাতে সাগৰ আলীৰ ঘৰ বিজনীৰ নাঙল ভাঙাত আৰু ৰকিবুলৰ আলী আৰু জহিৰ আলীৰ ঘৰ বিজনীৰ কলিয়া গাঁৱত বুলি জানিব পৰা গৈছে । আৰক্ষীয়ে আটকাধীন যুৱক চাৰিজনৰ পৰা ভোটাৰ পৰিচয় পত্ৰ , মোবাইল , নগদ ১৭ হাজাৰ টকা আদিও উদ্ধাৰ কৰে ৷ আৰক্ষীয়ে আটকাধীন যুৱক কেইজনক সোধ- পোছ অব্যাহত ৰাখিছে 🔯