👉কাইলৈৰ পৰা বঙাইগাঁৱত তিনিদিনীয়া কাৰ্যসূচীৰে ভাৰতীয় চিকিৎসা সন্থাৰ ৰাজ্যিক মেডিমীট অভিৱৰ্তন

👉কাইলৈৰ পৰা বঙাইগাঁৱত তিনিদিনীয়া কাৰ্যসূচীৰে ভাৰতীয় চিকিৎসা সেৱা সন্থাৰ ৰাজ্যিক মেডিমীট অভিৱৰ্তন

👉অংশগ্ৰহণ কৰিব দেশৰ খ্যাতনামা চিকিৎসক সকলে

বঙাইগাঁওঃ১৮ মাৰ্চঃ 

📝ভাৰতীয় চিকিৎসা সেৱা সন্থা চমুকৈ আই এম এৰ অসম ৰাজ্যিক মেডিমীট অভিৱৰ্তনখন কাইলৈ অৰ্থাৎ ১৯ মাৰ্চৰ পৰা তিনি দিনীয়া কাৰ্যসূচীৰে বঙাইগাঁৱত অনুষ্ঠিত হ'ব ৷ এই উপলক্ষে আজি বঙাইগাঁও চাপাগুৰিস্থিত হোটেল ছিগনেট পাৰ্কত এক সংবাদ মেলৰ আয়োজন কৰা হয় ৷ সংবাদ মেলত আই এম এৰ বঙাইগাঁও শাখাৰ সভাপতি ডাঃ শংকৰ কুমাৰ দাস আৰু সম্পাদক ডাঃ সমিক দেৱে জানিবলৈ দিয়া মতে এই অভিৱৰ্তনত ৰাজ্যখনৰ প্ৰায় তিনি শতাধিক চিকিৎসকে অংশগ্ৰহণ কৰিব ৷ তদুপৰি ভাৰতীয় চিকিৎসা সেৱা সন্থাৰ সভাপতিগৰাকীৰ উপৰিও ৰাজ্যৰ বাহিৰৰ বহু কেইজন খ্যাতনামা চিকিৎসকে অংশগ্ৰহণ কৰিব ৷ চিকিৎসক সকলোৰ বিভিন্ন ক্ষেত্ৰত  জ্ঞানবৰ্ধনৰ লগতে অভিৱৰ্তনৰ লগত সংগতি ৰাখি আলোচনা চক্ৰ সাংস্কৃতিক অনুষ্ঠানৰ আয়োজন কৰা হৈছে ৷ এই অভিৱৰ্তনত কৰ্কট ৰোগৰ ওপৰত বিশেষ ভাবে গুৰুত্ব প্ৰদান কৰা বুলি সংবাদ মেলত উল্লেখ কৰে৷ তদুপৰি ক'ভিড ১৯ ভাইৰাছ সংক্ৰমনৰ ওপৰতো আলোচনা অনুষ্ঠিত হ'ব বুলিও জনোৱা হয় ৷ উল্লেখ্য যে মুম্বাইত অসম আৰু উত্তৰ পূৰ্বাঞ্চলৰ পৰা যোৱা কৰ্কট ৰোগীসকলৰ চিকিৎসা সেৱাত দেৱদূতৰ দৰে সহায় কৰি থকা দেবাশীষ শৰ্মা আৰু অৰণ্য মানৱ পদ্মশ্ৰী যাদব পায়েং এই অভিৱৰ্তনত অংশগ্ৰহণ কৰিব বুলি সংবাদমেল যোগে জনোৱা হয় ৷ জানিব দিয়া মতে অভিৱৰ্তনৰ মূল প্ৰতিনিধি সভা খাৰিজা দোলাইগাৱত অনুষ্ঠিত হ'ব আৰু ব্যৱহাৰিক দিশ সমূহ হোটেল ছিগনেট পাৰ্কত অনুষ্ঠিত হ'ব ৷ সংবাদ মেলত সন্থাৰ  বঙাইগাঁও শাখাৰ কেবাজনো বিষয়ববীয়াও উপস্থিত থাকে৷🔯