👉কোচ ৰাজবংশী জনগোষ্ঠীৰ জাতীয় সমস্যা সমাধানত চূড়ান্ত ব্যৰ্থ বিজেপি মিত্ৰ জোঁটৰ চৰকাৰ- বঙাইগাঁও জিলা আক্ৰাছু

👉কোচ ৰাজবংশী জনগোষ্ঠীৰ জাতীয় সমস্যা সমাধানত চূড়ান্ত ব্যৰ্থ বিজেপি মিত্ৰ জোঁটৰ চৰকাৰ- বঙাইগাঁও জিলা আক্ৰাছু 

👉ব্যৰ্থতাক  ঢাকি ৰাখিবৰ বাবেই নিৰ্বাচন কেন্দ্ৰিক কমতাপুৰ স্বায়ত্ব শাসিত পৰিষদ গঠন কৰি স্বগোষ্ঠীয় নেতৃবৃন্দক ইতিমধ্যে বিজেপিকৰণ কৰিলে 

বঙাইগাঁওঃ ১৪ মাৰ্চঃ 

📝বিজেপি - অগপ আৰু বি পি এফ  নেতৃত্বাধীন মিত্ৰ জোঁটৰ চৰকাৰে কোচ ৰাজবংশী জনগোষ্ঠীৰ জাতীয় সমস্যা সমাধানত চূড়ান্ত ব্যৰ্থ হৈ কোচ ৰাজবংশী জনগোষ্ঠীক ৰাজনৈতিক ভাৱে চূড়ান্ত মিথ্যাচাৰেৰে ৰাম ঠগোন দিয়া কাৰ্যক সদৌ বঙাইগাঁও জিলা কোচ ৰাজবংশী ছাত্ৰ সন্থাই তীব্ৰ বিষোদাগাৰ প্ৰকাশ কৰিছে ৷ আজি জিলা আক্ৰাছুৰ সভাপতি দিব্যজ্যোতি পাঠক আৰু সাধাৰণ সম্পাদক বিকাশ বৰ্মনে এক প্ৰেছ বিবৃতিত কয় যে কোচ ৰাজবংশী জনগণৰ জাতীয় দাবী পৃথক কমতাপুৰ ৰাজ্য গঠন আৰু জনগোষ্ঠীটোৰ জনজাতিকৰণৰ দাবীক বিজেপি নেতৃত্বাধীন সৰ্বানন্দ সোণোৱাল চৰকাৰখনে সমাধান কৰাত চূড়ান্ত ভাৱে ব্যৰ্থ হৈছে ৷ এই ব্যৰ্থতাক  ঢাকি ৰাখিবৰ বাবেই নিৰ্বাচন কেন্দ্ৰিক কমতাপুৰ স্বায়ত্ব শাসিত পৰিষদ গঠন কৰি স্বগোষ্ঠীয় নেতৃবৃন্দক ইতিমধ্যে বিজেপিকৰণ কৰিলে ৷ জনজাতিকৰণৰ সমস্যাটোক ৰাজনৈতিক অবদমনেৰে বিজেপি নেতৃত্বাধীন  চৰকাৰখনে কিদৰে কোচ ৰাজবংশী জনসাধাৰণক নিৰ্বাচনত ব্যৱহাৰ কৰিব পাৰি তাৰহে কৌশল ৰচনাত ব্যস্ত হৈছে ৷ এনে কু- অভিসন্ধি কোনো কাৰণতে সদৌ বঙাইগাঁও জিলা কোচ ৰাজবংশী ছাত্ৰ সন্থাই কেতিয়াও ফলৱৰ্তী হ'বলৈ নিদিয়ে ৷ ইয়াৰ প্ৰত্যুত্তৰ বিজেপি - অগপ মিত্ৰজোঁটক নিৰ্বাচনত দিয়ী হ'ব ৷ তাৰ বাবে ইতিমধ্যেই কোচ ৰাজবংশী জনসাধাৰণৰ মাজত জনমত গঠন কৰাৰ প্ৰক্ৰিয়া আৰম্ভ কৰা হৈছে ৷ বিবৃতিটোত জিলা আক্ৰাছুৰ সভাপতি আৰু সাধাৰণ সম্পাদকদ্বয়ে কেএচিৰ নামত জনগোষ্ঠীয় নেতাসকলক বিজেপিকৰণ কৰি ব্যৱহাৰ কৰা কাৰ্যত তীব্ৰ অসন্তুষ্টি প্ৰকাশ কৰাৰ লগতে কেএচিৰ নামত ক্ষমতাৰ খঁকত নেতৃবৃন্দইও জাতীয় সমস্যাসমূহ সমাধানৰ ক্ষেত্ৰত মুখত তলা ওলোমাই  লোৱা কাৰ্য কেতিয়াও সমৰ্থনযোগ্য নহয় বুলি কয় ৷ একেদৰে স্বগোষ্ঠীয় মন্ত্ৰী - বিধায়কসকলেও স্বগোষ্ঠীৰ জনজাতিকৰণ  আৰু পৃথক কমতাপুৰ ৰাজ্য গঠনৰ দাবীক পাহৰি মৰুভূমিৰ মৰিচিকা সদৃশ কেএচিৰ ঢাক ঢোল বজোৱা কাৰ্যত তীব্ৰ অসন্তুষ্টি প্ৰকাশ কৰে ৷🔯