👉বঙাইগাঁৱত ভোটাৰৰ মাজত সজাগতা সৃষ্টিৰ বাবে 'প্ৰাতঃভ্ৰমণেৰে পথৰ পৰিত্যক্ত জাবৰ- জোথৰ উঠোৱা কাৰ্যসূচী (Plogging)

👉বঙাইগাঁৱত ভোটাৰৰ মাজত সজাগতা সৃষ্টিৰ বাবে 'প্ৰাতঃভ্ৰমণেৰে পথৰ পৰিত্যক্ত জাবৰ- জোথৰ উঠোৱা কাৰ্যসূচী (Plogging)

বঙাইগাঁওঃ ২২ মাৰ্চঃ 

📝৩২ নং বঙাইগাঁও বিধান সভা সমষ্টিত শান্তিপূৰ্ণ নিৰ্বাচন অনুষ্ঠিত কৰা আৰু নিৰ্বাচন আয়োগৰ নিৰ্দেশ অনুসৰি সমষ্টিটোত এশ  শতাংশ ভোটদানৰ হাৰ নিশ্চিত কৰাৰ উদ্দেশ্যে বঙাইগাঁও জিলা প্ৰশাসনে ইতিমধ্যে বিভিন্ন পদক্ষেপ অব্যাহত ৰাখিছে । সেইমৰ্মে আজি পুৱা ৭ বজাত নিৰ্বাচনৰ লগত জড়িত পদ্ধতিগত ভোটাৰ শিক্ষা আৰু নিৰ্বাচনৰ অংশগ্ৰহণ (SVEEP)কোষৰ উদ্যোগত ভোটাৰ সজাগতা বৃদ্ধিৰ লক্ষ্যৰে বঙাইগাঁও জিলা উপায়ুক্ত কাৰ্যালয়ৰ পৰা 'প্ৰাতঃভ্ৰমণ'ৰ জৰিয়তে উপায়ুক্ত কাৰ্যালয়ৰ পৰা চহৰখনৰ মাজ-মজিয়ালৈকে বাট-পথত পৰিত্যক্ত জাবৰ জোথৰ উঠাই চাফ চিকুণ কৰাৰ এক কাৰ্যসূচী ৰূপায়ণ কৰা হয় ।

এই কাৰ্যসূচীত বঙাইগাঁও জিলাৰ উপায়ুক্ত ডাঃ এম.এছ লক্ষ্মীপ্ৰিয়াই অংশ গ্ৰহণ কৰি সক্ৰিয় সহযোগিতা আগবঢ়ায় । এই কাৰ্যসূচীত অতিৰিক্ত উপায়ুক্ত সকল, সহকাৰী আয়ুক্ত সকল, নিৰ্বাচন বিষয়া , বঙাইগাঁও ৰাজহ চক্ৰ বিষয়া , বিদ্যালয় সমূহৰ পৰিদৰ্শক , বিভিন্ন চৰকাৰী কাৰ্যালয়ৰ বিষয়া -কৰ্মচাৰী সকল ,ৰবিন হুড আৰ্মীৰ স্বেচ্ছাসেৱ, বঙাইগাঁও বীৰঝৰা কন্যা মহাবিদ্যালয়ৰ ছাত্রী, আন আন বিদ্যালয়ৰ ছাত্র-ছাত্রী সকল, আত্ম সহায়ক গোটৰ সদস্য সকলে অংশ গ্ৰহণ কৰি কাৰ্যসূচীত সক্ৰিয় সহযোগিতা কৰে ।🔯