👉বঙাইগাঁৱৰ গৰাইমাৰীত পথ দুৰ্ঘটনা

👉বঙাইগাঁৱৰ গৰাইমাৰীত পথ দুৰ্ঘটনা 

👉আৰক্ষীসহ কেবাজনো আহত, চিকিৎসালয়ত ভৰ্তি

বঙাইগাঁওঃ ১১ এপ্ৰিলঃ 

📝বঙাইগাঁও জিলাৰ গৰাইমাৰীস্থিত বজাৰৰ কাষত আজি নিশা প্ৰায় ৮.৪০ বজাত টাটা মোবাইল আৰু আই টুৱেন্টি গাড়ীৰ খুন্দাত কাৰখনৰ কেবাজনো আৰোহী আহত হোৱাৰ লগতে পুনৰাই এখন কাৰে ঘটনাস্থলীত গাড়ীত খুন্দিয়াই এজন যান বাহন শাখাৰ আৰক্ষী বিষয়াসহ আন কেবাজনক আহত কৰা ঘটনাৰ পিচতে নিশা গৰাইমাৰীস্থিত গেৰুকাবাৰী উপ আৰক্ষী চকীত এক উত্তপ্ত পৰিস্থিতিৰ সৃষ্টি হয় ৷ জানিব মতে ৩১ নম্বৰ ৰাষ্ট্ৰীয় ঘাই পথত এ এছ ২৬ বি ২৯০৫ নম্বৰৰ আই টুৱেন্টি বাহনখন পশ্চিম দিশে গৈ থকা সময়তে পথৰ পৰা উফৰি গৈ বিপৰীত মুখী চলন্ত  এ এছ ১৯ এচি ০৬৬২ নম্বৰৰ টাটা মোবাইল এখনত খুন্দা মাৰে ৷ ফলত কাৰ খনৰ তিনিজন লোক আহত হয় ৷ এই ঘটনাৰ পাছতে দুৰ্গত সকলক উদ্ধাৰ কৰি থকা সময়ত ঘটনাস্থলীত এখন টাটা টিয়াগো কাৰে পুনৰাই খুন্দিয়াৰ ফলত অতি কমেও পাঁচজন লোক আহত হোৱাৰ লগতে যান বাহন নিয়ন্ত্ৰণ শাখাৰ আৰক্ষী বিষয়া হজৰত আলী গুৰুতৰভাৱে আহত হয় ৷ আৰক্ষী বিষয়া জনৰ ভৰি ভঙা বুলি জানিব পৰা গৈছে ৷ সম্প্ৰতি তেওঁক ল'ৱাৰ আছাম হাস্পতাল এণ্ড ৰিছাৰ্চ চেন্টাৰত ভৰ্তি কৰোৱা হৈছে ৷ আন আহত সকলকো চিকিৎসালয়ত ভৰ্তি কৰোৱা হৈছে ৷ ইপিনে স্থানীয় উত্তেজিত ৰাইজে এক উত্তপ্ত পৰিস্থিতিৰ সৃষ্টি কৰে ৷ আনকি পথেৰে যাত্ৰা কৰা বাহনৰ লগতে আৰক্ষী চকীলৈও শিলগুটি দলিয়ায় ৷ শিল গুটি নিক্ষেপ কৰাৰ ফলত খিড়িকীৰ গ্লাচ আদিৰ ক্ষতি সাধন হয় ৷ পিছত অৱশ্যে পৰিস্থিতি শাম কাটে ৷🔯