👉বিদ্যুতৰ খুঁটাই হৈ পৰিছে মানুহৰ ঠিকনা

👉বঙাইগাঁৱত বিদ্যুতৰ খুঁটাই হৈ পৰিছে সন্দেহজনক বিদেশীৰ জাননী আৰি দিয়া স্থান

👉বিদ্যুতৰ খুঁটাই হৈ পৰিছে মানুহৰ ঠিকনা

বঙাইগাঁওঃ ১৯ এপ্ৰিলঃ

📝বঙাইগাঁৱত এতিয়া সন্দেহজনক বিদেশীৰ জাননী আৰি দিয়াৰ স্থান হৈ পৰিছে বিদ্যুতৰ খুঁটা ৷ বিদ্যুতৰ খুঁটাই হৈ পৰিছে মানুহৰ ঠিকনা  ৷ কথাটো শুনিলে আচৰিত যেন  লাগিলেও এয়ায়ে কিন্তু সত্য ৷ বিদ্যুতৰ খুঁটাতে সন্দেহজনক বিদেশী বুলি সন্দেহ কৰা ব্যক্তিক বিচাৰি আৰি দিয়া হৈছে জাননী ৷ এই নাভূত - নাশ্ৰুত  ঘটনাটি বঙাইগাঁও চহৰৰ ১১ নং ৱাৰ্ডৰ বাবুপাৰা আৰু উত্তৰ বঙাইগাঁও নতুন বজাৰত সংঘটিত হৈছে ৷ উল্লেখ্য যে এই অঞ্চল দুটাৰ বিদ্যুতৰ খুঁটাত বিদেশী ন্যায়াধীকৰণ আদালতৰ পৰা আৰি দিয়া হৈছে এই সন্দেহযুক্ত বিদেশীৰ জাননী ৷ জাননীত ১১ নং বাৰ্ডৰ বাবুপাৰাৰ মীৰাৰাণী দাস, স্বামী নন্দলাল দাস , প্ৰতিভা দে পিতা- জীতেন্দ্ৰ নাৰায়ণ কৰ আৰু প্ৰদীপ দাস পিতা- স্বৰ্গীয় মনমোহন দাসৰ লগতে উত্তৰ বঙাইগাঁৱৰ শংকৰী ঘোষ ,পিতাঃ শচীন্দ্ৰ ঘোষৰ নাম উল্লেখ কৰা আছে ৷ ইপিনে সন্দেহযুক্ত বিদেশী ব্যক্তিৰ নামৰ জাননী বিদ্যুতৰ খুঁটাত আৰি দিয়া ঘটনাক নিন্দা প্ৰকাশ কৰিছে সদৌ অসম বাঙালী ঐক্যমঞ্চই ৷ মঞ্চৰ সাধাৰণ সম্পাদক অমৃত লাল দাসে নিন্দা প্ৰকাশ কৰি কয় যে কোনো সন্দেহযুক্ত বিদেশীৰ ঠিকনা বিচাৰি বিদ্যুতৰ খুঁটাত তেওঁৰ নামত বিদেশীৰ জাননী আৰি দিয়া ঘটনাটো গ্ৰহণযোগ্য নহয় ৷ তেওঁৰ মতে এতিয়া বিদ্যুতৰ খুঁটাসমূহ সদায় লক্ষ্য কৰি যাব লাগিব ৷ কাৰণ এতিয়া বিদেশীৰ জাননীৰ ঠিকনা হৈছে বিদ্যুতৰ খুঁটা ৷ লগতে সাধাৰণ সম্পাদকগৰাকীয়ে কয় যে এই জাননী বিদ্যুতৰ খুঁটাত আৰি দিয়াৰ বাহিৰেও অইন আৰু বিকল্প ব্যৱস্থা আছিল ৷  প্ৰয়োজন হলে বাতৰি কাকত যোগে এই জাননী প্ৰকাশ কৰিব পাৰিলহেতেন ৷ কিন্তু এই ব্যৱস্থা গ্ৰহণ নকৰি বিদ্যুতৰ খুঁটাত আৰি দিয়া হ'ল এই জাননী ৷ ইপিনে এই ঘটনাক সদৌ অসম বাঙালী যুৱ - ছাত্ৰ ফেডাৰেছনেও নিন্দা কৰিছে ৷ সদৌ অসম বাঙালী যুৱ - ছাত্ৰ ফেডাৰেছনৰ সাধাৰণ সম্পাদক সম্ৰাট ভাওয়ালে কয় যে বিদ্যুতৰ খুঁটাত বিদেশীৰ নামৰ জাননী আৰি দি অতি নিম্ন পৰ্যায়ৰ কাম কৰিছে ৷ কাৰণ বিদ্যুতৰ খুঁটা কানো ব্যক্তিৰ ঠিকনা হ'ব নোৱাৰে ৷ সাধাৰণ সম্পাদকগৰাকীৰ মতে সাধাৰণ লোকৰ মাজতো ইয়াক কেন্দ্ৰ কৰি তীব্ৰ প্ৰতিক্ৰিয়াৰ সৃষ্টি হৈছে ৷  এই ক্ষেত্ৰত অসম চৰকাৰক এনেবোৰ নিন্ম মানৰ চিন্তা ধাৰা পৰিহাৰ কৰি বাস্তৱ পদক্ষেপ গ্ৰহন কৰিবলৈ আহ্বান জনায় সাধাৰণ সম্পাদকগৰাকীয়ে ৷🔯