👉বঙাইগাঁৱত পথ দুৰ্ঘটনাত এজন আহত

👉বঙাইগাঁৱত পথ দুৰ্ঘটনাত এজন আহত 

বঙাইগাঁওঃ ১৩ এপ্ৰিলঃ📝বঙাইগাঁও চহৰৰ বৰপাৰা ছহিদ বেদীত সোমবাৰে আবেলি ৩ঃ৩০ মান বজাত সংঘটিত এক পথ দুৰ্ঘটনাত এজন লোক গুৰুতৰভাৱে আহত হয় ৷ আহত লোকজন বঙাইগাঁও চহৰৰ ভাকাৰিভিটাৰ দীনেশ চৌধুৰী বুলি চিনাক্ত কৰা হয় ৷ জানিব পৰা মতে ঢালিগাঁৱৰ পৰা চাপৰলৈ বুলি এল পি জি চিলিণ্ডাৰ কঢ়িয়াই নি থকা  এন এল --০৩ এ ৩৬৯৭ নম্বৰৰ ট্ৰাকখনে ছহিদ বেদীৰ ওচৰত খোজকাঢ়ি পথ অতিক্ৰম কৰি থকা অৱস্থাত লোকজনক খুন্দিওৱাত লোকজন গুৰুতৰভাবে আহত হয় ৷ দুৰ্ঘটনাটো ছহিদ বেদীৰ পৰা মূলাগাঁওলৈ যোৱা পথটিৰে ট্ৰাকখন প্ৰৱেশ কৰাৰ সময়তে সংঘটিত হয় ৷ লোকজন ভৰি এখনত অধিক আঘাতপ্ৰাপ্ত হয় ৷ পিচত দুৰ্ঘটনাৰ খবৰ লাভ কৰি যান - বাহন শাখাৰ আৰক্ষী ঘটনাস্থলীত উপস্থিত হৈ গুৰুতৰভাবে আহত দীনেশ চৌধুৰীক উদ্ধাৰ কৰি এখন ব্যক্তিগত চিকিৎসালয়ত ভৰ্তি কৰে ৷ আনহাতে দুৰ্ঘটনা সংঘটিত কৰা ট্ৰাকখন জব্দ কৰি থানালৈ লৈ যায় ৷🔯