👉দিল্লীৰ পৰা অহাৰ পথত মৃত্যু হোৱা কন্যাৰ দেহত ক'ভিড প'জিটিভ

👉দিল্লীৰ পৰা অহাৰ পথত মৃত্যু হোৱা কন্যাৰ দেহত ক'ভিড প'জিটিভ

👉পিতৃও ক'ভিডত আক্ৰান্ত 

বঙাইগাঁও ঃ ২৩ এপ্ৰিলঃ

📝দিল্লীৰ পৰা অহাৰ পথত মৃত্যু হোৱা বঙাইগাঁও জিলাৰ যোগীঘোপাৰ কৰাইগুৰীৰ এগৰাকী মহিলাৰ দেহত ক'ভিড প'জিটিভ ধৰা পৰিছে ৷ মৃত মহিলাগৰাকী মৃদুলা ৰাভা ( ৪৫) ৷ জানিব পৰা মতে যোৱা ২১ এপ্ৰিলত এখন এম্বুলেন্সযোগে পিতৃয়ে কন্যা মৃদুলা ৰাভাৰ মৃতদেহটো বঙাইগাঁও অসামৰিক চিকিৎসালয়লৈ আনিছিল ৷ কেন্সাৰ ৰোগত আক্ৰান্ত পিতৃৰ চিকিৎসাৰ বাবে তেওঁলোক দিল্লীলৈ গৈছিল ৷ কিন্তু দিল্লীৰ পৰা ওভোতাৰ পথত মৃদুলা ৰাভাৰ মৃত্যু হৈছিল৷ বঙাইগাঁও অসামৰিক চিকিৎসালয়ত উপস্থিত হোৱাৰ পিচতে মৃত মৃদুলা ৰাভা আৰু পিতৃৰ ৰেপিড এণ্টিজেণ্ট টেষ্ট কৰা হৈছিল আৰু নিগেটিভ ফলাফল আহিছিল ৷ কিন্তু দিল্লীৰ পৰা অহা হেতুকে পুনৰ আৰ টি পি চি আৰ টেষ্টৰ বাবে নমুনা সংগ্ৰহ কৰি বৰপেটা চিকিৎসা মহাবিদ্যালয় হাস্পতাললৈ প্ৰেৰণ কৰা হৈছিল ৷ লগতে মৃদুলা ৰাভাৰ মৃতদেহটো চিকিৎসালয়খনৰ মৰ্গত ৰখাৰ বিপৰীতে কেন্সাৰ ৰোগত আক্ৰান্ত পিতৃক চিকিৎসালয়ত ভৰ্তি কৰা হৈছিল ৷ পিছত আজি পুৱাৰ ভাগত তেওঁক বৰপেটা চিকিৎসা মহাবিদ্যালয়লৈ প্ৰেৰণ কৰা হৈছিল যদিও বৰপেটা চিকিৎসা মহাবিদ্যালয় হাস্পতাললৈ নগৈ নিজৰ গৃহলৈ যায় ৷ কিন্তু আৰ টি পি চি আৰ টেষ্টৰ ফলাফল প'জিটিভ অহাত স্বাস্থ্য বিভাগৰ দল তেওঁৰ গৃহত উপস্থিত হৈ ১০৮ এম্বুলেন্সযোগে প্ৰথমে বঙাইগাঁও অসামৰিক চিকিৎসালয়লৈ আনে আৰু তাৰ পিচত বৰপেটা চিকিৎসা মহাবিদ্যালয় হাস্পতাললৈ প্ৰেৰণ কৰে ৷ উল্লেখ্য যে মৃত মৃদুলা ৰাভাৰ দেহতো ক'ভিড প'জিটিভ ধৰা পৰিছে ৷🔯