👉বঙাইগাঁৱত পথ দুৰ্ঘটনাত থিতাতে নিহত এজন

👉বঙাইগাঁৱত পথ দুৰ্ঘটনাত থিতাতে নিহত এজন 

👉গুৰুতৰভাৱে আহত এক

বঙাইগাঁওঃ ১৫ মেঃ

📝বঙাইগাঁৱৰ বৰপাৰাৰ নিকটৱৰ্তী পাহাৰতলীত আজি বিয়লি ৪ঃ৪০ বজাত সংঘটিত এক পথ দুৰ্ঘটনাত এজন মটৰ চাইকেল আৰোহী থিতাতে নিহত হয় ৷ আনহাতে আহত হয় আন এজন যুৱক ৷ উল্লেখ্য যে জেল্কাঝাৰৰ দিশৰ পৰা শ্বহীদ বেদীৰ দিশে আহি থকা সময়তে এএচ ০১ডিপি ৭৫১৪ নং মটৰ চাইকেলখনে নিয়ন্ত্ৰণ হেৰুৱাই পথৰ কাষৰ নিৰ্মীয়মান পকী নলাত খুন্দিয়াই খাৱৈত পৰে ৷ ফলত মটৰ চাইকেলখনত থকা আৰোহী এজন থিতাতে নিহত হয় ৷ নিহত মটৰ চাইকেল আৰোহী যুৱকজন বৰপাৰাৰ কৃতিৰাজ কলিতা ( ২৩)  বুলি জানিব পৰা গৈছে ৷ আনহাতে মটৰ চাইকেলখনত থকা ধ্ৰুৱজ্যোতি ৰাভা নামৰ আনজন যুৱক গুৰুতৰভাৱে আহত হয় ৷ গুৰুতৰভাৱে আহত ধ্ৰুৱজ্যোতি ৰাভা সম্প্ৰতি বঙাইগাঁৱৰ এখন ব্যক্তিগত হাস্পতালত চিকিৎসাধীন হৈ আছে যদিও অৱস্থা সংকটজনক বুলি জানিব পৰা গৈছে ৷ যান - বাহন আৰক্ষীয়ে জানিবলৈ দিয়া মতে দুৰ্ঘটনাৰ খবৰ পাই ঘটনাস্থলীত উপস্থিত হৈ দুয়োকে উদ্ধাৰ কৰি চিকিৎসালয়লৈ প্ৰেৰণ কৰিছিল যদিও কৃতিৰাজ কলিতাক চিকিৎসকে মৃত বুলি ঘোষণা কৰিছিল 🔯৷