👉ক'ভিডত ছজনৰ মৃত্যু

👉ক'ভিডত ছজনৰ মৃত্যু 

👉বঙাইগাঁও জিলাত পুনৰ ৬৪ জন ব্যক্তৰ দেহত ধৰা পৰিল ক'ভিড - ১৯ প'জিটিভ  

👉মুঠ সক্ৰিয় ৰোগীৰ সংখ্যা ৫১৫  জনলৈ বৃদ্ধি 

বঙাইগাঁওঃ ৩ মেঃ

📝বঙাইগাঁও জিলাত বৰ্তমান ক'ৰোনা মহামাৰীয়ে ক্ৰমাৎ জটিল ৰূপ ধাৰণ কৰিছে ৷ দৈনিক আক্ৰান্তৰ সংখ্যা বৃদ্ধি পোৱাৰ লগতে এতিয়া ক'ৰোনাৰ বাবে বিভিন্নজনে মৃত্যুক আকোৱালি ল'বলগীয়া হৈছে  ৷ সোমবাৰে জিলা প্ৰশাসনে জানিবলৈ দিয়া মতে ক'ভিডৰ লগতে আন জটিলতাত ৬ জন ব্যক্তিৰ মৃত্যু হৈছে ৷ ইয়াৰে চাৰিজনৰ সোমবাৰে আৰু দুজনৰ দেওবাৰে মৃত্যু হৈছে ৷ অৱশ্যে ছয়গৰাকীৰে বঙাইগাঁও জিলাৰ বাহিৰত চিকিৎসাধীন অৱস্থাত মৃত্যু হৈছে ৷ জিলা প্ৰশাসনে প্ৰকাশ কৰা তথ্য মতে কমলেশ্বৰ বাচফোৰ(৫৮) নামৰ বঙাইগাঁও ৰে'লৱে কলনীৰ লোকজনৰ দেহত ২৬ এপ্ৰিলত ক'ভিড প'জিটিভ ধৰা পৰাত তেওঁ হোম আইছ'লেশ্যনত আছিল ৷ পিছত বঙাইগাঁও অসামৰিক চিকিৎসালয়ৰ পৰা সোমবাৰে উন্নত চিকিৎসাৰ বাবে তেওঁক বৰপেটা মেডিকেল কলেজ হাস্পতাললৈ প্ৰেৰণ কৰা হয় যদিও তাতে লোকজনৰ মৃত্যু হয় ৷ সেইদৰে স্বপোন সূত্ৰধৰ ( ৪৫) নামৰ বঙাইগাঁৱৰ ব্যক্তিজনক দেওবাৰে বঙাইগাঁও অসামৰিক চিকিৎসালয়ত ভৰ্তি কৰা হৈছিল ৷ পিছত তেওঁক উন্নত চিকিৎসাৰ বাবে বৰপেটা মেডিকেল কলেজ হাস্পতাললৈ প্ৰেৰণ কৰা হয় ৷ তেওঁৰ ৰেপিড এণ্টিজেণ্ট টেষ্টৰ ফলাফল প'জিটিভ আহিছিল আৰু সোমবাৰে তাতে চিকিৎসাধীন অৱস্থাত মৃত্যু হয় ৷ আনহাতে শশধৰ নাথ( ৪৫) নামৰ বঙাইগাঁও জিলাৰ বইটামাৰীৰ ব্যক্তজনৰ দেহত ৩০ এপ্ৰিলত ক'ভিড প'জিটিভ ধৰা পৰিছিল ৷ পিছত সোমবাৰে তেওঁৰ বৰপেটা মেডিকেল কলেজ হাস্পতালত চিকিৎসাধীন অৱস্থাত মৃত্যু হয় ৷ একেদৰে পিনাকী ধৰ ( ৩৫)  নামৰ বঙাইগাঁও চহৰৰ শালবাগানৰ মহিলাগৰাকীৰ ৰেপিড এণ্টিজেণ্ট টেষ্টৰ ফলাফল প'জিটিভ পোৱাত ২৯ এপ্ৰিলত তেওঁক প্ৰথমে বঙাইগাঁও অসামৰিক চিকিৎসালয়ত ভৰ্তি কৰা হয় যদিও পিছত সিদিনাই উন্নত চিকিৎসাৰ বাবে বৰপেটা মেডিকেল কলেজ হাস্পতাললৈ প্ৰেৰণ কৰে ৷ পিছত সোমবাৰে বৰপেটা মেডিকেল কলেজ হাস্পতালতে চিকিৎসাধীন অৱস্থাতে তেওঁৰ মৃত্যু হয় ৷ ইয়াৰোপৰি দেওবাৰে দুগৰাকী ব্যক্তিৰ গুৱাহাটীত মৃত্যু হয় ৷ জিলা প্ৰশাসনে জানিবলৈ দিয়া মতে সেউজী প্ৰসাদ ( ৫০ ) নামৰ ব্যক্তি এগৰাকীৰ ৰেপিড এণ্টিজেণ্ট টেষ্টৰ ফলাফল প'জিটিভ হোৱাত  ৰোগীগৰাকীক বঙাইগাঁও অসামৰিক চিকিৎসালয়ৰ পৰা গুৱাহাটী মেডিকেল কলেজ হাস্পতাললৈ প্ৰেৰণ কৰা হৈছিল ৷ পিছত তেওঁক মালিগাঁও ৰে'লৱে হাস্পতাললৈ প্ৰেৰণ কৰা হয় আৰু দেওবাৰে চিকিৎসাধীন অৱস্থাত তাতে মৃত্যু হয় ৷ সেইদৰে কোকৰাঝাৰৰ সুব্ৰত কুমাৰ দে ( ৫১) নামৰ ব্যক্তিজনৰ ২৫ এপ্ৰিলত বঙাইগাঁৱৰ ল'ৱাৰ আসাম হাস্পতালত কৰা ৰেপিড এণ্টিজেন টেষ্টৰ ফলাফল প'জিটিভ ধৰা পৰাত ব্যক্তিজনক উন্নত চিকিৎসাৰ বাবে জি এন আৰ চি লৈ প্ৰেৰণ কৰা হয় যদিও ব্যক্তিজনৰ দেওবাৰে চিকিৎসাধীন অৱস্থাত তাতে মৃত্যু হয় ৷ ইপিনে সোমবাৰে জিলাখনত নতুনকৈ ৬৪ জন ব্যক্তিৰ দেহত ক'ভিড - ১৯ প'জিটিভ ধৰা পৰে ৷ সেইদৰে সুস্থ হৈ উঠে ৩৭ জনকৈ ব্যক্তি ৷  জিলাখনত বৰ্তমান ক'ভিডত আক্ৰান্ত সক্ৰিয় ৰোগীৰ সংখ্যা ৫১৫  জনলৈ বৃদ্ধি পাইছে ৷ জিলাখনত যোৱা ১ মাৰ্চৰ পৰা সোমবাৰলৈ মুঠ ক'ভিডত আক্ৰান্তৰ সংখ্যা ৭৮৯ জন ৷ 🔯