👉সপ্তাহটোৰ দেওবাৰে বন্ধ থাকিব বঙাইগাঁও জিলাৰ সকলো দোকান- পোহাৰ ,ব্যৱসায়িক প্ৰতিষ্ঠান ,বজাৰ

👉ক'ৰোনাৰ সংহাৰ ঃ জিলা প্ৰশাসনৰ নিৰ্দেশনা

👉সপ্তাহটোৰ দেওবাৰে বন্ধ থাকিব বঙাইগাঁও জিলাৰ সকলো দোকান- পোহাৰ ,ব্যৱসায়িক প্ৰতিষ্ঠান ,বজাৰ  

👉নতুনকৈ আক্ৰান্ত ১২২ জন 

বঙাইগাঁওঃ৮ মেঃ

📝বঙাইগাঁও জিলাত ক'ৰোনা মহামাৰীৰ সংক্ৰমণ বৃদ্ধি পাই অহাত সংক্ৰমণ প্ৰতিৰোধৰ বাবে জিলা প্ৰশাসনে এতিয়াৰে পৰা সপ্তাহটোৰ দেওবাৰৰ দিনটোত জিলাখনৰ সকলো দোকান- পোহাৰ ,ব্যৱসায়িক প্ৰতিষ্ঠান, বজাৰ আদিকে ধৰি সকলো বন্ধ ৰখাৰ নিৰ্দেশ জাৰি কৰিছে ৷ অৱশ্যে ফাৰ্মাচী ,হাস্পতাল ,ভেটেনাৰী ক্লিনীক খোলা ৰাখিব পাৰিব ৷ আহাতে ৰেষ্টুৰেণ্ট,ধাবা আদিৰ পৰা গ্ৰাহকে খাদ্য সামগ্ৰী নিব পাৰিব আৰু হোম ডেলিভাৰী ৬ বজালৈ দিব পাৰিব ৷ সেইদৰে যিসমূহ হোটেলত গ্ৰাহকে বাহৰ পাতি থাকে তেওঁলোকে হোটেলতে খাদ্য গ্ৰহণ কৰিব পাৰিব ৷ একেদৰে দেওবাৰৰ দিনা শীতলীকৰণ ভঁৰাল ,ৱেৰ হাইচ আদি খোলা ৰাখিব পাৰিব ৷ 

ইপিনে শনিবাৰে জিলাখনত পুনৰ নতুনকৈ ১২২ জন ব্যক্তি ক'ভিড - ১৯ ত আক্ৰান্ত হোৱাটো ধৰা পৰে ৷ ইয়াকে ধৰি জিলাখনত বৰ্তমান ক'ভিডত আক্ৰান্ত সক্ৰিয় ৰোগীৰ সংখ্যা ৭৬৭ জনলৈ বৃদ্ধি পাইছে ৷ আনহাতে শনিবাৰৰ দিনটোত সুস্থ হৈ উঠিছে ৫৭ জনকৈ ৰোগী ৷ জিলাখনত শনিবাৰে মুঠ ৩,২৬২ জন ব্যক্তিক ক'ভিড টেষ্ট কৰা হয় ৷ জিলাখন ১ মাৰ্চৰ পৰা শনিবাৰলৈকে মুঠ ক'ভিডত আক্ৰান্ত ব্যক্তিৰ সংখ্যা ১,২৬০ জন ৷ উল্লেখ্য যে ইতিমধ্যে জিলা প্ৰশাসনে জিলাখনৰ সকলো সাপ্তাহিক বজাৰ বন্ধ ঘোষণা কৰাৰ লগতে মাণিকপুৰ ৰাজহ চক্ৰৰ অধীনৰ ভাণ্ডাৰা বজাৰ ,ওচমানি বজাৰ ,বেকাৰ চ'ক বজাৰ আৰু ২ নং বাশবাৰী দৈনিক বজাৰো বন্ধ ঘোষণা কৰিছে ৷ সেইদৰে জিলাখনত এঘাৰটাকৈ মাইক্ৰ কণ্টেইনমেণ্ট জ'ন আৰু এটা কণ্টেইনমেণ্ট জ'ন ঘোষণা কৰা হৈছে ৷ ইয়াৰ বঙাইগাঁও ৰাজহ চক্ৰৰ অন্তৰ্গত দোলাইগাঁও দ্বিতীয় খণ্ড ,ভাওলাগুৰি, শালবাৰী, বঙাইগাঁও টাউন প্ৰথম খণ্ডৰ বিশাল মেগা মেৰ্টৰ সমীপৰ অঞ্চল, বঙাইগাঁও দ্বিতীয় খণ্ডৰ অল্ড কলনি, বঙাইগাঁও টাউন চতুৰ্থ খণ্ডৰ চাপাগুৰি পথ , দোলাইগাঁও তৃতীয় খণ্ডৰ মাজপাৰা ,নতুনপাৰা, বইটামাৰী ৰাজহ চক্ৰৰ কচুদোলা প্ৰথম খণ্ডত দুটা , সৃজনগ্ৰাম ৰাজহ চক্ৰৰ কীৰ্তনপাৰাত এটা মাইক্ৰ কণ্টেইনমেণ্ট জ'ন ঘোষণা কৰাৰ লগতে মাণিকপুৰ ৰাজহ চক্ৰৰ বৰবিলা গাঁৱক কণ্টেইনমেণ্ট জ'ন ঘোষণা কৰিছে ৷🔯