👉বঙাইগাঁৱত বিধান সভা নিৰ্বাচনত কৰ্তব্য পালনৰ সময়ত অসুস্থ হোৱা শিক্ষয়িত্ৰীৰ মৃত্যু

👉বঙাইগাঁৱত বিধান সভা নিৰ্বাচনত কৰ্তব্য পালনৰ সময়ত অসুস্থ হোৱা শিক্ষয়িত্ৰীৰ মৃত্যু

বঙাইগাঁওঃ ৬ মেঃ 

📝শেহতীয়াকৈ অনুষ্ঠিত হৈ যোৱা বিধান সভা নিৰ্বাচনৰ কামত নিয়োজিত হৈ থকাৰ সময়তে অসুস্থ হৈ পৰি চিকিৎসাধীন হোৱা বঙাইগাঁৱৰ এগৰাকী শিক্ষয়িত্ৰীৰ বুধবাৰে গুৱাহাটীৰ জি এন আৰ চিত মৃত্যু হয় ৷ মৃত্যু হোৱা শিক্ষয়িত্ৰীগৰাকী বঙাইগাঁও চহৰৰ বীৰঝৰা উচ্চতৰ মাধ্যমিক বিদ্যালয়ৰ স্বপ্নাৰাণী তালুকদাৰ ৷ জানিব পৰা মতে যোৱা ৬ এপ্ৰিলত অনুষ্ঠিত হৈ যোৱা বিধান সভা নিৰ্বাচনৰ দিনা বঙাইগাঁৱৰ বিদ্যাপীঠ হাইস্কুলৰ ভোটগ্ৰহণ কেন্দ্ৰত প্ৰিজাইডিং বিষয়া হিচাপে দায়িত্ব পালন কৰি থকাৰ সময়ত হঠাতে শিক্ষয়িত্ৰীগৰাকী অসুস্থ হৈ পৰিছিল ৷ পিছত তেওঁক বঙাইগাঁও অসামৰিক চিকিৎসালয়ত ভৰ্তি কৰা হয় ৷ কিন্তু শিক্ষয়িত্ৰীগৰাকীৰ স্বাস্থ্যৰ অৱনতি ঘটাত তেওঁক পিছত জি এন আৰ চিলৈ স্থানান্তৰিত কৰা হৈছিল ৷ জি এন আৰ চিত চিকিৎসাধীন অৱস্থাতে বুধবাৰে পুৱাৰ ভাগত তেওঁৰ মৃত্যু হয় ৷ বঙাইগাঁও চহৰৰ বি অ' চি গেট অঞ্চলৰ শিক্ষয়িত্ৰীগৰাকীৰ স্বামী পৰেশ চৌধুৰী উত্তৰ বঙাইগাঁও হাইস্কুলত শিক্ষকতা কৰে ৷ শিক্ষয়িত্ৰীগৰাকীৰ মৃত্যুৰ খবৰে বীৰঝৰা উচ্চতৰ মাধ্যমিক বিদ্যালয়ৰ শিক্ষক- কৰ্মচাৰীৰ লগতে বঙাইগাঁওৰ শৈক্ষিক মহলত শোকৰ ছাঁ পৰিছে ৷🔯