👉বঙাইগাঁৱত চুৰি স্কুটীসহ দুই চোৰক আটক

👉বঙাইগাঁৱত চুৰি স্কুটীসহ দুই চোৰক আটক 

বঙাইগাঁওঃ ২৫ মেঃ 

📝বঙাইগাঁও চহৰৰ নিউ বঙাইগাঁও ৰে'লৱে জংচনৰ সন্মুখত মঙলবাৰে পুৱতি নিশা আৰক্ষীয়ে এখন চুৰি স্কুটীসহ দুজন কুখ্যাত চোৰক কৰায়ত্ব কৰে ৷ ধৃত চোৰ দুজন চিৰাং জিলাৰ বাসুগাঁৱৰ ২ নং ৱাৰ্ডৰ সুমন দে সৰকাৰ আৰু ঢালিগাঁও থানাৰ অন্তৰ্গত চাপাগুৰি গৌজনপুৰীৰ অমিত বসুমতাৰী ৷ জানিব পৰা মতে নিউ বঙাইগাঁও আৰক্ষী পহৰা চকীৰ ভাৰপ্ৰাপ্ত আৰক্ষী বিষয়া শিৱপ্ৰসাদ কলিতাই আৰক্ষীৰ দলসহ পুৱতি নিশা তিনি মান বজাত টহল দি থকা অৱস্থাত নিউ বঙাইগাঁও ৰে'লৱে জংচনৰ সন্মুখত এখন স্কুটীত অহা দুজন যুৱকক প্ৰত্যক্ষ কৰে ৷ যুৱক দুজনে আৰক্ষীৰ দলটোক দেখি এ এচ ২৬ ৭৩২৩ নম্বৰৰ স্কুটীখন এৰি পলায়ণ কৰিবলৈ লোৱাৰ সময়তে দুয়োকে কৰায়ত্ব কৰে আৰু সোধ- পোছ কৰে ৷ কিন্তু দুয়োৰে কথা- বতৰাত আৰক্ষীৰ সন্দেহ ওপজে আৰু আটক কৰি  আৰক্ষী পহৰা চকীলৈ নি জেৰা কৰাত স্কুটীখন বাসুগাঁৱৰ পৰা চুৰি কৰি অনা বুলি স্বীকাৰ কৰে ৷ আৰক্ষীয়ে ধৃত চোৰ দুজনৰ পৰা এটা মাষ্টাৰ চাবিও উদ্ধাৰ কৰে ৷ যিটো চাবিৰে স্কুটীখন চুৰি কৰি আনিছিল ৷ আৰক্ষীয়ে জানিব দিয়া মতে ধৃত চোৰ দুজন ইয়াৰ পূৰ্বেও বহু চুৰি কাৰ্যৰ সৈতে জড়িত ৷ আৰক্ষীয়ে চোৰ দুজনৰ বিৰুদ্ধে এটা নিজাববীয়াকৈ গোচৰ ৰুজু কৰি জেৰা অব্যাহত ৰাখিছে ৷ জেৰাত  আৰক্ষীয়ে ধৃত চোৰ দুজনে ইয়াৰ পূৰ্বে চুৰি কৰা বাহনৰ তথ্য লাভ কৰাৰ সম্ভাৱনা আছে ৷🔯