👉বঙাইগাঁও কলেজৰ প্ৰাক্তন প্ৰবক্তা তথা এলছন গেছ এজেন্সিৰ স্বত্বাধিকাৰী ৰঞ্জন দাসৰ কৰ’নাত মৃত্যু

👉বঙাইগাঁও কলেজৰ প্ৰাক্তন প্ৰবক্তা তথা এলছন গেছ এজেন্সিৰ স্বত্বাধিকাৰী ৰঞ্জন দাসৰ কৰ’নাত মৃত্যু

বঙাইগাঁওঃ ১২ মেঃ

📝মহামাৰী ক'ৰোনাই এতিয়া বঙাইগাঁও জিলাতো কাঢ়ি নিছে এজনৰ পিছত আন এজনক ৷ শেহতীয়াকৈ কৰ’নাত আক্ৰান্ত হৈ বঙাইগাঁও কলেজৰ বাণিজ্য বিভাগৰ প্ৰাক্তন প্ৰবক্তা তথা বঙাইগাঁও এলছন গেছ এজেন্সিৰ স্বত্বাধিকাৰী ৰঞ্জন দাস ( ৭০ ) ৰ মঙলবাৰে নিশা মৃত্যু ঘটে ৷ উল্লেখ্য যে পূৰ্বৰে পৰা মধুমেহ ৰোগত আক্ৰান্ত হৈ থকা ব্যক্তি গৰাকীৰ শাৰীৰিক অবস্থাৰ অৱনতি ঘটাত তেওঁক যোৱা ১ মেত গুৱাহাটীস্থিত দিছপুৰ পলি ক্লিনিকত ভৰ্তি কৰা হৈছিল ৷ স্বাস্থ্য পৰীক্ষাত তেওঁৰ দেহত ক'ভিডৰ অবস্থিতি ধৰা পৰিছিল ৷অবশেষত চিকিৎসাধীন অবস্থাতে মঙলবাৰে  নিশা প্ৰায় ৯.৩০ বজাত তেওঁৰ মৃত্যু হয় ৷ উল্লেখ্য যে প্ৰয়াত ৰঞ্জন দাস বঙাইগাঁও কলেজৰ বাণিজ্য শাখাৰ প্ৰতিষ্ঠাপক প্ৰবক্তা আছিল ৷ তেওঁ ১৯৭৮ চনত প্ৰবক্তা হিচাপে বঙাইগাঁও কলেজত যোগদান কৰিছিল ৷ পিছত গেছ এজেন্সি লাভ কৰাত তেওঁ প্ৰবক্তাৰ চাকৰি ত্যাগ কৰে ৷ তেওঁ বঙাইগাঁও মায়াপুৰী চিনেমা হলৰো অন্যতম এজন স্বত্বাধিকাৰী বুলিও জানিব পৰা গৈছে ৷ তদুপৰি তেওঁ ৰটাৰী ক্লাবৰ সৈতেও জড়িত হৈ আছিল ৷ বিশিষ্ট ব্যক্তিগৰাকীৰ মৃত্যুত বঙাইগাঁও মহাবিদ্যালয়ৰ বাণিজ্য শাখাৰ শিক্ষক -কৰ্মচাৰী সকলে গভীৰ শোক প্ৰকাশ কৰাৰ লগতে বিদেহ আত্মাৰ চিৰ শান্তি কামনা কৰে ৷ সেইদৰে তেওঁৰ মৃত্যুত ৰ’টাৰী ক্লাবৰ বঙাইগাঁও শাখাইও গভীৰ শোক প্ৰকাশ কৰিছে ৷ শাখাৰ সভাপতি পাৰ্থ দাসগুপ্ত আৰু সাধাৰণ সম্পাদক অপু গুহ শিকদাৰে শোক প্ৰকাশ কৰি কয় যে এই বিশিষ্ট ব্যক্তি গৰাকীৰ মৃত্যুই বঙাইগাঁৱৰ বৃহৎ ক্ষতিসাধন কৰিলে ৷ 🔯