🔯ক্ষেত্ৰী ৰাজ্যিক চিকিৎসালয়ত আয়োজিত ৰাষ্ট্ৰীয় চিকিৎসক দিৱস-২০২১ ৰ অনুষ্ঠানত স্বাস্থ্যমন্ত্ৰী

🔯ক্ষেত্ৰী ৰাজ্যিক চিকিৎসালয়ত আয়োজিত ৰাষ্ট্ৰীয় চিকিৎসক দিৱস-২০২১ ৰ অনুষ্ঠানত স্বাস্থ্যমন্ত্ৰী  

📝১ জুলাইঃ বৃহস্পতিবাৰে কামৰূপ (মহানগৰ) জিলাৰ অন্তৰ্গত ক্ষেত্ৰী ৰাজ্যিক চিকিৎসালয়ত আয়োজিত ৰাষ্ট্ৰীয় চিকিৎসক দিৱস-২০২১ৰ এক অনুষ্ঠানত স্বাস্থ্যমন্ত্ৰী কেশৱ মহন্তই মুখ্য অতিথি হিচাপে অংশ গ্ৰহণ কৰে ৷

অনুষ্ঠানত স্বাস্থ্য মন্ত্ৰী গৰাকীয়ে প্ৰথম শাৰীৰ ক'ভিড যোদ্ধা হিচাপে ক'ভিড অতিমাৰীত আক্ৰান্ত লোকলৈ চিকিৎসা সেৱা আগবঢ়াই ইতিমধ্যে মৃত্যুক সাৱটি লোৱা চিকিৎসকসকলৰ চৰম ত্যাগ আৰু মানৱসেৱাক সশ্ৰদ্ধ স্মৰণ কৰাৰ লগতে তেওঁলোকৰ পৰিয়ালবৰ্গলৈ সমবেদনা জ্ঞাপন কৰে।

উক্ত অনুষ্ঠানতে 'অসম আৰোগ্য নিধি'ৰ অধীনত চলিত বিত্তীয় বৰ্ষৰ হিতাধিকাৰীৰ মাজত চিকিৎসা সাহায্য বিতৰণ প্ৰক্ৰিয়াও আজি স্বাস্থ্যমন্ত্ৰীয়ে আনুষ্ঠানিকভাৱে শুভাৰম্ভ কৰে। অনুষ্ঠানত নিৰ্বাচিত তিনিগৰাকী হিতাধিকাৰীৰ হাতত চিকিৎসা ব্যয়ৰ ক্ষেত্ৰত সকাহ পোৱাকৈ অসম আৰোগ্য নিধিৰ পৰা আগবঢ়োৱা আৰ্থিক সহায্যৰ চেক প্ৰদান কৰে স্বাস্থ্য মন্ত্ৰীগৰাকীয়ে। 

তদুপৰি, এনএইচএমে ৰাজ্যবাসীৰ মাজত স্বাস্থ্য আৰু চিকিৎসা বিষয়ক সজাগতা বৃদ্ধিৰ উদ্দেশ্যে প্ৰকাশৰ ব্যৱস্থা কৰা 'স্বাস্থ্য দাপোন' শীৰ্ষক এখন তিনিমহীয়া বাৰ্তালোচনীৰ প্ৰস্তাৱনা সংখ্যাটিও ৰাষ্ট্ৰীয় চিকিৎসক দিৱসৰে সংগতি ৰাখি আজিৰ অনুষ্ঠানতে স্বাস্থ্যমন্ত্ৰী গৰাকীয়ে শুভ উন্মোচন কৰে🔯।