🔯বঙাইগাঁও উচ্চতৰ মাধ্যমিক বিদ্যালয়ৰ ৩৪ বছৰে এশ শতাংশ উত্তীর্ণৰ ধাৰা অক্ষুন্ন

🔯বঙাইগাঁও উচ্চতৰ মাধ্যমিক বিদ্যালয়ৰ ৩৪ বছৰে এশ শতাংশ উত্তীর্ণৰ ধাৰা অক্ষুন্ন 

🔯বীৰঝৰা উচ্চতৰ মাধ্যমিক বিদ্যালয়ৰ উত্তীৰ্ণৰ হাৰ ৯৬.২৯

📝বঙাইগাঁওঃ ৩১ জুলাইঃ বঙাইগাঁও চহৰৰ আগশাৰীৰ শিক্ষানুষ্ঠান বঙাইগাঁও উচ্চতৰ মাধ্যমিক বিদ্যালয়ে বিগত ৩৪ বছৰ ধৰি এশ শতাংশ উত্তীর্ণৰ ধাৰা অক্ষুন্ন ৰাখিছে। শুকুৰবাৰে ঘোষিত অসম হাইস্কুল শিক্ষান্ত পৰীক্ষাত এইবেলি বিদ্যালয়খনৰ অৱতীৰ্ণ ১২৯ গৰাকী ছাত্ৰ- ছাত্ৰীৰ আটাইকেইগৰাকীয়ে উত্তীর্ণ হৈছে। উত্তীর্ণ হোৱা পৰীক্ষাৰ্থীৰ ভিতৰত ১২৫ গৰাকীয়ে প্ৰথম বিভাগ আৰু ৪ গৰাকীয়ে দ্বিতীয় বিভাগ অৰ্জন কৰিছে। আনহাতে বিদ্যালয়খনৰ ৩৮ গৰাকী পৰীক্ষাৰ্থীয়ে ডিষ্টিংচন আৰু ৩৫ গৰাকীয়ে ষ্টাৰ নম্বৰ লাভ কৰিছে। বিদ্যালয়খনৰ মুঠ ৩৮৬ টি লেটাৰ মাৰ্ক নম্বৰপ্ৰাপ্তসকলৰ ভিতৰত ইংৰাজী বিষয়ত ৯৯ গৰাকী, সাধাৰণ গণিতত ৫৫ গৰাকী, সাধাৰণ বিজ্ঞানত ৫১গৰাকী, উচ্চ গণিতত ১৯ গৰাকী, সমাজ বিদ্যাত ৫১ গৰাকী, কম্পিউটাৰ বিষয়ত ৬৭গৰাকী , মাতৃভাষা (অসমীয়াত ২৯ গৰাকী, হিন্দীত ২২ গৰাকী আৰু বড়োত ৩ গৰাকী) ত ৫৪ গৰাকীয়ে লেটাৰ নম্বৰ পাইছে ৷ স্মৰ্তব্য যে বঙাইগাঁও চহৰৰ এইখন বিদ্যালয়ৰ পৰা হাইস্কুল শিক্ষান্ত পৰীক্ষাত স্থান লাভ কৰি আহিলেও এইবেলি ক'ভিড অতিমাৰীৰ পৰিপ্ৰেক্ষিতত চৰকাৰে পৰীক্ষা অনুষ্ঠিত নকৰি মূল্যায়নৰ ভিত্তিত ফলাফল ঘোষণা কৰাত বিদ্যালয়খনত স্থান লাভৰ তালিকাত অন্তৰ্ভুক্ত নহ’ল৷ 

আনহাতে বঙাইগাঁও চহৰৰ আগশাৰীৰ চৰকাৰী বিদ্যালয় বীৰঝৰা উচ্চতৰ মাধ্যমিক বিদ্যালয়ৰ এইবেলি উত্তীৰ্ণৰ হাৰ ৯৬.২৯ শতাংশ ৷ বিদ্যালয়খনৰ পৰা এইবেলি হাইস্কুল শিক্ষান্ত পৰীক্ষাত অৱতীৰ্ণ ৮১ গৰাকী শিক্ষাৰ্থীৰ ভিতৰত ৭৮ গৰাকী উত্তীৰ্ণ হৈছে ৷ উত্তীৰ্ণ হোৱা শিক্ষাৰ্থীসকলৰ ভিতৰত ১৫ গৰাকী প্ৰথম বিভাগত , ৫৬ গৰাকী দ্বিতীয় বিভাগত আৰু ৭ গৰাকী তৃতীয় বিভাগত উত্তীৰ্ণ হৈছে ৷ এজনে ডিষ্টিংচন , দুজনে ষ্টাৰ নম্বৰ পোৱাৰ লগতে ৩৪ জনে বিভিন্ন বিষয়ত লেটাৰ নম্বৰ লাভ কৰিছে ৷ 🔯