বঙাইগাঁৱত চিকিৎসা মহাবিদ্যালয় স্থাপনৰ প্ৰস্তাৱঃ উৎফুল্লিত জিলাবাসী

🔯বঙাইগাঁৱত চিকিৎসা মহাবিদ্যালয় স্থাপনৰ প্ৰস্তাৱঃ উৎফুল্লিত জিলাবাসী 

🔯মুখ্যমন্ত্ৰী, বিত্তমন্ত্ৰী আৰু স্বাস্থ্যমন্ত্ৰীক বিধায়ক ফণীভূষণ চৌধুৰীৰ ধন্যবাদ জ্ঞাপন 

📝বঙাইগাঁওঃঃ১৭ জুলাইঃ অসম বিধান সভাৰ বাজেট অধিৱেশনত শুকুৰবাৰে বিত্তমন্ত্ৰী অজন্তা নেওগে দাখিল কৰা বাজেটত বঙাইগাঁও জিলাত এখন চিকিৎসা মহাবিদ্যালয় স্থাপনৰ প্ৰস্তাৱ গ্ৰহণ কৰাত জিলাবাসী উৎফুল্লিত হৈ পৰিছে ৷ উল্লেখ্য যে দীৰ্ঘদিন ধৰি জিলাখনৰ বিভিন্ন দল- সংগঠনৰ লগতে ৰাইজে চিকিৎসা মহাবিদ্যালয় স্থাপনৰ দাবী জনাই আহিছিল ৷ কিন্তু শেহতীয়াভাৱে ডঃ হিমন্ত বিশ্ব শৰ্মা নেতৃত্বাধীন বিজেপি মিত্ৰ দলৰ চৰকাৰে বঙাইগাঁও জিলাবাসীৰ দীৰ্ঘদিনীয়া দাবীৰ প্ৰতি সঁহাৰি জনাই তাক বাস্তৱায়িত কৰিবলৈ আগবঢ়াত জিলাবাসীৰ আন এটা আশা পূৰণ হ'ল ৷ যাৰ বাবে জিলাখনৰ সৰ্বস্তৰৰ ৰাইজ, একাদিশ দল সংগঠনৰ নেতৃত্ব, বঙাইগাঁও জিলা যুৱ পৰিষদৰ নেতা, বঙাইগাঁও অঞ্চলৰ স্থানীয় যুৱক আদিয়ে অসম চৰকাৰৰ মুখ্যমন্ত্ৰী ডঃহিমন্ত বিশ্ব শৰ্মা, বিত্ত মন্ত্ৰী অজন্তা নেওগ, স্বাস্থ্যমন্ত্ৰী কেশৱ মহন্তৰ লগতে স্থানীয় বিধায়ক ফণীভূষণ চৌধুৰীক ধন্যবাদ জ্ঞাপন কৰে৷

 ইপিনে বঙাইগাঁৱত চিকিৎসা মহাবিদ্যালয় স্থাপনৰ ক্ষেত্ৰত বঙাইগাঁও সমষ্টিৰ বিধায়ক ফণীভূষণ চৌধুৰীয়ে গ্ৰহণ কৰা ভূমিকাৰ প্ৰশংসা কৰে অগপ দলে ৷ শনিবাৰে বঙাইগাঁও জিলা অগপ কাৰ্যালয়ত প্ৰাক্তন মন্ত্ৰী তথা বিধায়ক চৌধুৰীক অগপৰ লগতে মিত্ৰ দল বিজেপি আৰু বিভিন্ন অনুষ্ঠান, প্ৰতিষ্ঠানৰ তৰফৰ পৰা সম্বৰ্ধনা জনায় ৷ সেইদৰে বঙাইগাঁও জিলা যুৱ পৰিষদৰ নেতা সমন্বিতে বঙাইগাঁৱৰ স্থানীয় যুৱক সকলেও অসম চৰকাৰক ধন্যবাদ জনোৱাৰ লগতে বিধায়ক গৰাকীকো ধন্যবাদ জ্ঞাপন কৰে🔯৷