🔯কংগ্ৰেছৰ বৰ্তমানৰ যিটো অৱস্থা, নেতৃত্ব সলনি হলেও ৰিকোভাৰী যে হ'ব সেয়া আমি নাভাবো- ফণীভূষণ চৌধুৰী

🔯কংগ্ৰেছৰ বৰ্তমানৰ যিটো অৱস্থা, নেতৃত্ব সলনি হলেও ৰিকোভাৰী যে হ'ব সেয়া আমি নাভাবো- ফণীভূষণ চৌধুৰী

🔯কংগ্রেছ পূৰ্বৰ স্থিতিতে থাকিব

📝বঙাইগাঁওঃ ২৫ জুলাইঃ কংগ্ৰেছৰ বৰ্তমানৰ যিটো অৱস্থা, নেতৃত্ব সলনি হলেও ৰিকোভাৰী যে হ'ব  সেয়া আমি নাভাবো ৷ কংগ্রেছ পূৰ্বৰ স্থিতিতে থাকিব ৷ এই মন্তব্য অগপ দলৰ জ্যেষ্ঠ নেতা তথা বঙাইগাঁও বিধান সভা সমষ্টিৰ বিধায়ক ফণীভূষণ চৌধুৰীৰ ৷ দেওবাৰে বিধায়কগৰাকীয়ে বঙাইগাঁও পৌৰ সভাৰ দ্বাৰা নিৰ্মাণ কৰি উলিওৱা কেইবাটাও প্ৰকল্পৰ শুভ উদ্বোধন কৰাৰ পিছত সংবাদ মাধ্যমৰ সৈতে হোৱা বাৰ্তালপত সাংবাদিকৰ প্ৰশ্নত্তোৰত এই মন্তব্য কৰে ৷ উল্লেখ্য যে অসম বিধান সভা নিৰ্বাচনৰ আগত তথা ফলাফল ঘোষিত হোৱাৰ পিছৰে পৰা বিৰোধী দল কংগ্ৰেছৰ ভিতৰ চ'ৰাত ৰাজ্যিক সভাপতি ৰিপুন বৰাৰ বিৰুদ্ধে একাংশ নেতা - কৰ্মীয়ে মুকলিকৈ অসন্তুষ্টি  প্ৰকাশ কৰি আহিছিল ৷ আনকি দলৰ একাংশ নেতা- কৰ্মীয়ে কংগ্ৰেছ দল ত্যাগ কৰি বিজেপি দলত যোগদানো কৰে ৷ দিনে দিনে দলটোৰ ভিতৰ চ'ৰাত সৃষ্টি হোৱা অন্তঃকন্দলে দলটোক একপ্ৰকাৰ নিশকতীয়া কৰি পেলোৱাৰ উপক্ৰম হৈছে ৷ এনে জটিল পৰিস্থিতিত দলটোক পুনৰ শক্তিশালী ৰূপত গঢ়ি তোলাৰ স্বাৰ্থত অৱশেষত দলটোৰ হাইকমাণ্ডে ৰাজ্যিক সভাপতি পদত কংগ্ৰেছ নেতা তথা প্ৰাক্তন বিধায়ক ভূপেন বৰাক সভাপতিৰ দায়িত্ব অৰ্পণ কৰিছে ৷ সলনি কৰি দিয়া হৈছে পূৰ্বৰ ৰাজ্যিক সমিতি ৷ সাধাৰণতে ইয়াকেলৈ কংগ্ৰেছ দলৰ নেতা- কৰ্মীসকল উৎসাহিত হৈ পৰিছে ৷ কিন্তু বিৰোধী দল অগপৰ জ্যেষ্ঠ নেতাগৰাকীয়ে কংগ্ৰেছ দলৰ নেতৃত্বৰ পৰিৱৰ্তনে দলটোক বৰ্তমানৰ অৱস্থাৰ পৰা উদ্ধাৰ কৰিবলৈ সক্ষম নহ'ব বুলিহে মন্তব্য কৰিছে ৷ বিধায়ক ফণীভূষণ চৌধুৰীয়ে কয় যে আজিৰ দিনটোত আচলতে অসমত কংগ্ৰেছৰ যিটো অৱস্থা সেই অৱস্থাটো তেওঁলোকৰ নেতৃত্ব সলনি হলেও তৎক্ষণাত যে ৰিকোভাৰী হ'ব বা তেওঁলোকৰ যে পট পৰিৱৰ্তন হ'ব এইটো আমি নাভাবো৷ গতিকে দলৰ যি পূৰ্বৰ অৱস্থা সেই পূৰ্বৰ অৱস্থাই বাহাল থাকিব ৷ নেতৃত্ব পৰিৱৰ্তন কৰাৰ ফলত তেওঁলোকৰ হয়তো কিছু বছৰ , কিছুমাহ বা কিছু সময় পিছত তাৰ ফলফল পাবলৈ সক্ষম হ'ব ৷ সেইটো মই নকও ৷ কিন্তু এই মূহুৰ্তত তেওঁলোকৰ কোনো পৰিৱৰ্তন নহয় ৷ 

আনহাতে মন্ত্রী সভাৰ সম্প্ৰসাৰণ হলে অগপই মন্ত্ৰীত্ব পাব নে নাই সেয়া নিশ্চিত নহয় বিধায়ক ফণী ভূষণ চৌধুৰী। বিধায়কগৰাকীক সাংবাদিকে মন্ত্ৰী সভাৰ সম্প্ৰসাৰণ হলে অগপই মন্ত্ৰীত্ব পাব নে নাই বুলি প্ৰশ্ন কৰাত মন্ত্রীত্ব সন্দৰ্ভত তেওঁতকৈ  অগপৰ সভাপতি অতুল বৰাকহে শুধিলে বেছি ভাল হ'ব বুলি কয় ফণীভূষণ চৌধুৰীয়ে ৷ইপিনে বঙাইগাঁও জিলাত ঘোষিত চিকিৎসা মহাবিদ্যালয়ৰ স্থান সন্দৰ্ভত বিধায়কগৰাকীক প্ৰশ্ন কৰাত তেওঁ কয় যে এতিয়াও চিকিৎসা মহাবিদ্যালয়ৰ স্থান নিৰ্ধাৰণ হোৱা নাই ৷ এশ বিঘা মাটি লাগে আৰু জিলা প্ৰশাসনে ক'ত পোৱা যায় সেইটো চোৱা চিতা কৰি আছে বুলি কয় ৷🔯