🔯বঙাইগাঁও জিলাত ক'ভিডত এজনৰ মৃত্যু

🔯বঙাইগাঁও জিলাত ক'ভিডত এজনৰ মৃত্যু 

🔯নতুনকৈ আক্ৰান্ত ২৯ জন ব্যক্তি

📝বঙাইগাঁওঃ ১১ জুলাইঃ বঙাইগাঁও জিলাত ক'ৰোনাৰ সংক্ৰমণ অব্যাহত আছে ৷ প্ৰতিদিনে আক্ৰান্ত হৈছে বিভিন্নজন ব্যক্তি ৷ ইয়াৰ মাজতে দেওবাৰে ক'ভিডত আক্ৰান্ত এজন ব্যক্তিৰ মৃত্যু হয় ৷ মৃত ব্যক্তিজন জিলাখনৰ অভয়াপুৰী থানাৰ অন্তৰ্গত উত্তৰ শালমাৰাৰ ঘনকুৰ্চা গাঁৱৰ ধৰ্মকান্ত গাঁওবুঢ়া (৪৫) বুলি জানিব পৰা গৈছে ৷ ব্যক্তিজনৰ বঙাইগাঁওস্থিত ল'ৱাৰ আসাম হাস্পতালত চিকিৎসাধীন অৱস্থাত মৃত্যুু হয় ৷ ইপিনে জিলাখনত দেওবাৰৰ দিনটোত নতুনকৈ পুনৰ ২৯ জন ব্যক্তি ক'ভিডত আক্ৰান্ত হৈছে ৷ আনহাতে সুস্থ হৈ উঠিছে ২০ জনকৈ ৰোগী ৷ জিলাখনত নতুনকৈ ২৯ জন ব্যক্তি ক'ভিডত আক্ৰান্ত হোৱাত বৰ্তমান জিলাখনত সক্ৰিয় ৰোগীৰ সংখ্যা বৃদ্ধি পাই ২০৫ জন হৈছে ৷ ইয়াৰ ভিতৰত ১৩৯ জন ইনষ্টিটিউচনেল কোৱাৰেণ্টাইনত আৰু ৬৬ জন ব্যক্তি হোম কোৱাৰেণ্টাইনত আছে ৷ জিলাখনত  দেওবাৰে মুঠ ২,২২৫ জন ব্যক্তিৰ ক'ভিড টেষ্ট কৰা হয় ৷ জিলাখনত ১ মাৰ্চৰ পৰা ১১ জুলাই লৈ  মুঠ ক'ভিডত আক্ৰান্ত ৰোগীৰ সংখ্যা বৃদ্ধি পাই ৪,২০০ জন হৈছে ৷🔯