🔯ঘোষিত হ'ল হাইস্কুল শিক্ষান্ত পৰীক্ষাৰ ফলাফল

 

🔯ঘোষিত হ'ল হাইস্কুল শিক্ষান্ত পৰীক্ষাৰ ফলাফল 

🔯বঙাইগাঁও জিলাত উত্তীৰ্ণৰ হাৰ ৮৬.৬৯ শতাংশ

📝বঙাইগাঁওঃ ৩০ঃ জুলাইঃ অৱশেষত বহু প্ৰতিক্ষা তথা বিতৰ্কৰ অন্তত আজি ঘোষিত হ'ল অসম হাইস্কুল শিক্ষান্ত পৰীক্ষাৰ ২০২১ বৰ্ষৰ ফলাফল ৷ অৱশ্যে পূৰ্বৰ দৰে এইবাৰ ফলাফলকলৈ দেখা নগ'ল বিশেষ উৎসাহ ৷ কাৰণ ক'ভিড মহামাৰীয়ে এইবাৰ লগালে আউল ৷ ঘোষিত ফলাফল অনুসৰি বঙাইগাঁও জিলাত এইবাৰ উত্তীৰ্ণৰ হাৰ ৮৬.৬৯ শতাংশ ৷ জিলাখনত এইবাৰ হাইস্কুল শিক্ষান্ত পৰীক্ষাৰ মুঠ ১০,২১৯ গৰাকী শিক্ষাৰ্থী আছিল যদিও ইয়াৰ ভিতৰত ৮,৮৫৯ গৰাকী ছাত্ৰ - ছাত্ৰী উত্তীৰ্ণ হয় ৷ উত্তীৰ্ণ হোৱা ছাত্ৰ- ছাত্ৰীসকলৰ ভিতৰত ১,৭৬৬ গৰাকীয়ে প্ৰথম বিভাগত ৩,৮৩৬ গৰাকীয়ে দ্বিতীয় বিভাগত আৰু ৩,২৫৭ গৰাকীয়ে তৃতীয় বিভাগত উত্তীৰ্ণ হৈছে ৷ ইপিনে এইবাৰ অসম হাইমাদ্ৰাছা পৰীক্ষাত বঙাইগাঁও জিলাৰ মুঠ ৩৯৯ গৰাকী শিক্ষাৰ্থী আছিল যদিও ইয়াৰ ভিতৰত ৩২২ গৰাকী উত্তীৰ্ণ হৈছে ৷ উত্তীৰ্ণ হোৱা শিক্ষাৰ্থীসকলৰ ভিতৰত ৩৯ গৰাকী প্ৰথম বিভাগত , ১৬৬ গৰাকী দ্বিতীয় বিভাগত আৰু ১১৭ গৰাকী তৃতীয় বিভাগ পাইছে ৷ উল্লেখ্য যে ক'ভিড মহামাৰীৰ বাবে এইবাৰ হাইস্কুল আৰু হাইমাদ্ৰাছা পৰীক্ষা অনুষ্ঠিত নোহোৱাত অসম চৰকাৰৰ শিক্ষা বিভাগে গঠন কৰি দিয়া কমিটীৰ পৰামৰ্শমৰ্মে অসম হাইস্কুল শিক্ষান্ত আৰু  অসম হাইমাদ্ৰাছা পৰীক্ষাৰ ২০২১ বৰ্ষৰ ফলাফলসমূহ বিদ্যালয়  মূল্যায়ন কমিটী আৰু জিলাভিত্তিত পুনৰীক্ষণ কমিটীয়ে যুটীয়াভাৱে কৰা মূল্যায়নৰ ভিত্তিত অসম মাধ্যমিক শিক্ষা পৰিষদে আজি আনুষ্ঠানিকভাৱে ঘোষণা কৰে ৷🔯