🔯বঙাইগাঁও জিলাত ক'ভিডত এগৰাকী মহিলাৰ মৃত্যু

🔯বঙাইগাঁও জিলাত ক'ভিডত এগৰাকী মহিলাৰ মৃত্যু 

🔯নতুনকৈ আক্ৰান্ত ৩১ জন ব্যক্তি

📝বঙাইগাঁওঃ ১৫ জুলাইঃ বঙাইগাঁও জিলাত ক'ৰোনাৰ সংক্ৰমণ হ্ৰাস পালেও  প্ৰতিদিনে আক্ৰান্ত হৈছে বিভিন্নজন ব্যক্তি ৷ ইয়াৰ মাজতে বৃহস্পতিবাৰে ক'ভিডত আক্ৰান্ত এগৰাকী মহিলাৰ গুৱাহাটীৰ এখন ব্যক্তিগত হাস্পতালত চিকিৎসাধীন অৱস্থাত মৃত্যু হয় ৷ মৃত মহিলাগৰাকী জিলাখনৰ অভয়াপুৰী থানাৰ অন্তৰ্গত কীৰ্তনপাৰা মাত্ৰাঘোলাৰ চোমেলা খাতুন (৪৫) বুলি জানিব পৰা গৈছে ৷ মহিলাগৰাকীৰ গুৱাহাটীৰ আয়ুচন্দ্ৰা ছুপাৰস্পেচিয়েলিটি হাস্পতালত চিকিৎসাধীন অৱস্থাত মৃত্যুু হয় ৷ ইপিনে জিলাখনত বৃহস্পতিবাৰৰ দিনটোত নতুনকৈ পুনৰ ৩১ জন ব্যক্তি ক'ভিডত আক্ৰান্ত হৈছে ৷ আনহাতে সুস্থ হৈ উঠিছে ২৭ জনকৈ ৰোগী ৷ জিলাখনত নতুনকৈ ৩১ জন ব্যক্তি ক'ভিডত আক্ৰান্ত হোৱাত বৰ্তমান জিলাখনত সক্ৰিয় ৰোগীৰ সংখ্যা বৃদ্ধি পাই ২১০ জন হৈছে ৷ ইয়াৰ ভিতৰত ১৩৮ জন ইনষ্টিটিউচনেল কোৱাৰেণ্টাইনত আৰু ৭২ জন ব্যক্তি হোম কোৱাৰেণ্টাইনত আছে ৷ জিলাখনত  বৃহস্পতিবাৰে মুঠ ৩,৮৪৯ জন ব্যক্তিৰ ক'ভিড টেষ্ট কৰা হয় ৷ জিলাখনত ১ মাৰ্চৰ পৰা ১৫ জুলাই লৈ  মুঠ ক'ভিডত আক্ৰান্ত ৰোগীৰ সংখ্যা বৃদ্ধি পাই ৪,৩৪৪ জন হৈছে ৷🔯