🔯বঙাইগাঁৱত চুৰি সামগ্ৰীসহ এজন চোৰক আটক

🔯বঙাইগাঁৱত চুৰি সামগ্ৰীসহ এজন চোৰক আটক

📝বঙাইগাঁঁওঃ ২৬ জুলাইঃ বঙাইগাঁও চহৰৰ ভাকাৰিভিটাৰ পৰা দেওবাৰে নিশা আৰক্ষীয়ে  চুৰি সামগ্ৰীসহ এজন চোৰক আটক কৰে । ধৃত চোৰটো ভাকাৰিভিটাৰ চৌধুৰীপাৰাৰ তৃণমূল ৰায় (পক্ষী) বুলি জানিব পৰা গৈছে ৷ উল্লেখ্য যে দেওবাৰে সন্ধিয়াৰ ভাগত ভাকাৰিভিটাৰে অজয় ৰায় নামৰ লোক এজনৰ ঘৰত যুৱকজনে চুৰিকাণ্ড সংঘটিত কৰে ৷ গৃহস্থ ঘৰত নথকাৰ সুযোগ বুজি টিনপাত খুলি ভিতৰত প্ৰৱেশ কৰি টিভি, গেছ চিলেণ্ডাৰ আদি চুৰি কৰি নিছিল। পৰৱৰ্তী সময়ত আৰক্ষীয়ে তদন্ত কৰি তৃণমূল ৰায়ৰ ঘৰৰ পৰা চুৰি সা- সামগ্ৰীসমূহ জব্দ কৰে । উল্লেখ্য যে ইয়াৰ পূৰ্ৱেও চুৰি আৰু ড্ৰাগছ বিক্ৰীৰ অভিযোগত যুৱকজন গ্ৰেপ্তাৰ হৈছিল। আৰক্ষীয়ে ধৃত তৃণমূল ৰায়ক পিছত গ্ৰেপ্তাৰ কৰি সোমবাৰে বঙাইগাঁও আদালতত হাজিৰ কৰাই অধিক সোধ- পোছৰ বাবে দুদিনৰ কাৰণে নিজৰ জিম্মালৈ আনিছে ৷🔯