🔯কোচ ৰাজবংশী জাতীয় পৰিষদক সামাজিক ভাবে হেয় প্ৰতিপন্ন কৰাৰ বাবে এচাম স্বয়ম্ভু নেতা উঠিপৰি লাগিছে- জাতীয় পৰিষদ

🔯কোচ ৰাজবংশী জাতীয় পৰিষদক সামাজিক ভাবে হেয় প্ৰতিপন্ন কৰাৰ বাবে এচাম স্বয়ম্ভু নেতা উঠিপৰি লাগিছে- জাতীয় পৰিষদ

🔯ফেচবুকত বিশ্বজিৎ ৰায়ক সকিয়নী দিয়া কাৰ্যক গৰিহণা 

📝বঙাইগাঁওঃ ১২ জানুৱাৰীঃ কোচ ৰাজবংশী জনগোষ্ঠীৰ জাতীয় স্বাৰ্থত মাতমাতি অহা কোচ ৰাজবংশী জাতীয় পৰিষদক সামাজিক ভাবে হেয় প্ৰতিপন্ন কৰাৰ বাবেএচাম কোচ ৰাজবংশী জনগোষ্ঠীৰ স্বয়ম্ভু নেতাই উঠিপৰি লাগিছে। এইসকল তথাকথিত নেতাই কোচ ৰাজবংশী জাতীয় পৰিষদৰ জনপ্ৰিয়তাক সহ্য কৰিব নোৱাৰি আক্ৰাছুৰ প্ৰাক্তন সভাপতি তথা কোচ ৰাজবংশী জাতীয় পৰিষদৰ সাধাৰণ সম্পাদক বিশ্বজিৎ ৰায়ক সামাজিক মাধ্যমৰ জৰিয়তে ভাবুকি প্ৰদান কৰা দেখা গৈছে। বুধবাৰে সংগঠনটোৰ কেন্দ্ৰীয় সমিতিৰ সহকাৰী সাধাৰণ সম্পাদকদ্বয় ভূপেন ৰায় আৰু জগন্নাথ ৰায়ৰ লগতে উত্তৰ শালমাৰা, মাণিকপুৰ, বিলাসীপাৰা, বিজনী, চিৰাং আৰু শালবাৰী জিলা কোচ ৰাজবংশী জাতীয় পৰিষদে যৌথভাৱে এক বিবৃতি প্ৰকাশ কৰি কয় য়ে কোচ ৰাজবংশী সকলোক জনজাতিকৰণৰ বিষয়টো আশু সমাধানৰ বাবে কেন্দ্ৰ আৰু অসম চৰকাৰক উপায় দিবৰ বাবে যোৱা ১০ জানুৱাৰীত কোচ ৰাজবংশী জাতীয় পৰিষদৰ কেন্দ্ৰীয় কমিটিয়ে বঙাইগাঁও চহৰৰ ভাকাৰীভিটাস্থ বীৰ চিলাৰায় সামাজিক- সাংস্কৃতিক আৰু গৱেষণা কেন্দ্ৰত এখন সংবাদমেলৰ আযোজন কৰিছিল ৷ কিন্তু উক্ত কাৰ্যালয়টো অনাধিকাৰ ভাবে অবৈধ আৰু অসাংবিধানিকভাবে আক্ৰাছু গঠন কৰি নিজকে সভাপতি বুলি জাহিৰ কৰা ক্ষিতীশ বৰ্মনে তলা লগাই থয় ৷ বিশ্বজিৎ ৰায়ে ক্ষিতীশ বৰ্মনৰ সতে ফোন যোগে কথা পতাত ক্ষিতীশ বৰ্মনে কাৰ্যলয়ৰ চাবি শান্ত ৰায়ৰ লগত থকা বুলি কৈ বিশ্বজিৎ ৰায়ক একপ্ৰকাৰ ধমকিৰ সুৰেৰে উক্ত কাৰ্যালয়ত বিশ্বজিৎ ৰায়ক প্ৰৱেশ কৰাৰ কোনো কতৃত্ব নাই বুলি কৈ সংবাদমেল আয়োজনত বাধা দিয়াই নহয় এখন নম্বৰ প্লেট বিহীন স্ক'ৰপিও গাড়ীৰে কেইজনমান যুৱকক প্ৰেৰণ কৰে ৷ ইয়াৰ পিছতে ভদ্ৰতাৰ খাতিৰত তাত উপস্থিত হোৱা আক্ৰাছুৰ প্ৰতিষ্ঠাপক উপদেষ্টা তথা কোচ ৰাজবংশী জাতীয় পৰিষদৰ উপদেষ্টা বিমল কুমাৰ বৰ্মন, সতীশ পাটগিৰী, ধনকান্ত ৰায় আৰু সাংবাদিক সকলক গ্ৰেটাৰ বঙাইগাঁও প্ৰেছ ক্লাৱলৈ যায় আৰু তাতে সংবাদমেল দিয়ে ৷ ইয়াৰ পিচতে বঙাইগাঁও জিলা আক্ৰাছুৰ স্বয়ম্ভু সাধাৰণ সম্পাদক বুলি জাহিৰ কৰা কোচ শিবেন ৰাজবংশীয়ে তেওঁৰ ব্যক্তিগত ফেচবুক একাউণ্টৰ পৰা বিশ্বজিৎ ৰায়ক দ্বিতীয় বাৰ যাতে ভাকাৰীভিটাৰ কাৰ্যালয়ত প্ৰৱেশ নকৰে তাৰ বাবে মুকলিকৈ সকিয়াই দিয়ে ৷ এই কাৰ্যক কোচ ৰাজবংশী জাতীয় পৰিষদৰ কেন্দ্ৰীয় আৰু জিলা কমিটি সমূহে তীব্ৰ গৰিহণা দিয়ে আৰু সকিয়াই দি কোচ শিবেন ৰাজবংশীৰ বিৰুদ্ধে চৰকাৰ আৰু জিলা আৰক্ষীক বিহিত ব্যৱস্থা লবলৈ দাবী জনাইছে ৷ বিবৃতি যোগে জাতীয় পৰিষদে কয় য়ে ভাকাৰীভিটাস্থ বীৰ চিলাৰায় সামাজিক- সাংস্কৃতিক আৰু গৱেষণা কেন্দ্ৰটোৰ অধ্যক্ষ বিশ্বজিৎ ৰায় আৰু তেওঁ উক্ত কাৰ্যালটো যোৱা ২৫ বছৰ ধৰি ব্যৱহাৰ কৰাই নহয় ৰাইজ আৰু শুভাকাংক্ষীৰ সহযোগত গৃহ নিৰ্মাণ, চাৰিবেৰ নিৰ্মাণ, বঙাইগাঁও জিলা উপায়ুক্ত, আৰক্ষী অধীক্ষকৰ দ্বাৰা অধাৰশিলা কৰা বীৰ চিলাৰায় প্ৰতিমূৰ্তি ২০১৭ চনৰ ১০ ফেব্ৰুৱাৰীত তদানীন্তন অসমৰ মুখ্যমন্ত্ৰী সৰ্বানন্দ সোণোৱালে শুভ উন্মোচন কৰে । উক্ত মাটি বীৰ চিলাৰায় সামাজিক সাংস্কৃতিক আৰু গবেষণা কেন্দ্ৰৰ ৷ গতিকে উক্ত কাৰ্যালয় ক্ষিতীশ বৰ্মন আৰু তেওঁৰ সাংগো পাংগসকলে তেওঁলোকৰ কাৰ্যালয় বুলি জাহিৰ কৰাতো চৰম বাতুলামি৷ জাতীয় পৰিষদে উনুকিয়াই দি কয় যে আনুষ্ঠানিক শিক্ষাগত অৰ্হতা নথকা দুই সন্তানৰ পিতৃ তথা বয়োবৃদ্ধ ক্ষিতীশ বৰ্মনে কেনেকৈ অৰাজনৈতিক ছাত্ৰ সংগঠন আক্ৰাছুৰ সভাপতি হ'ব পাৰিলে?  আনকি তেওঁ নেতৃত্ব দিয়া অৰাজনৈতিক সংগঠনত কেনেকৈ কমতাপুৰ স্বায়ত্ত্বশাসিত পৰিষদৰ বিষয়ববীয়া উপদেষ্টা হ'ব পাৰে বুলি জাতীয় পৰিষদে প্ৰশ্ন কৰে ৷ বিজনী চহৰৰ উত্তৰ অঞ্চলৰ দংচিয়াপাৰা গাওঁৰ কুকুলুং ফৰেষ্ট এলেকাত খাছ মাটিত বসবাস কৰা ক্ষিতীশ বৰ্মন প্ৰকৃতে কৰপৰা আহি তাত বসবাস কৰিছে আৰু শিক্ষাগত অৰ্হতা কিমান সেই কথা ৰাজহুৱা কৰিবলৈ আহ্বান জনাই কয় য়ে ক্ষিতীশ বৰ্মনে আক্ৰাছুৰ নাম লৈ বীৰঝৰা বিজ্ঞান মহাবিদ্যালয়ৰ কাষৰ পাহাৰত মাটি দখল কৰাৰ লগতে ভাকাৰীভিটাস্থ ৰাজহুৱা খেলপথাৰৰ মাটিত পত্নীৰ অংগনাৱাড়ী কেন্দ্ৰ স্থাপনৰ লগতে নিজা বাসভৱন নিৰ্মাণ কৰি আছে। উক্ত মাটিখিনিত ভাকাৰীভিটাৰ ৰাইজৰ স্বত্ব আছে যদিও আক্ৰাছুৰ নামলৈ অবৈধভাৱে দখল কৰি আছে এই ক্ষেত্ৰত ভাকাৰীভিটাৰ ৰাইজ আৰু জিলা প্ৰশাসনক বিহিত ব্যৱস্থা গ্ৰহণ কৰিবলৈ আহ্বান জনোৱাৰ লগতে বীৰ চিলাৰায় সামাজিক- সংস্কৃতিক আৰু গৱেষণা কেন্দ্ৰৰ পৰা ক্ষিতীশ বৰ্মনৰ অবৈধ নিৰ্মাণ কাৰ্য আৰু হস্তক্ষেপ বন্ধ কৰিবলৈ দাবী জনায়৷ 🔯