🔯বঙাইগাঁও জিলাত আজি ১১০ গৰাকী ব্যক্তিৰ দেহত ধৰা পৰিল কোভিড- ১৯

🔯বঙাইগাঁও জিলাত আজি ১১০ গৰাকী ব্যক্তিৰ দেহত ধৰা পৰিল কোভিড- ১৯ 

🔯জিলাখনত বৰ্তমান আক্ৰান্ত সক্ৰিয় ৰোগীৰ সংখ্যা ৬৬৩ গৰাকীলৈ বৃদ্ধি 

📝বঙাইগাঁওঃ ২১ জানুৱাৰীঃ বঙাইগাঁও জিলাত কোভিডৰ দ্ৰুত সংক্ৰমণ অব্যাহত আছে ৷ জিলাখনত শুকুৰবাৰৰ দিনটোত নতুনকৈ ১১০ গৰাকী লোকৰ দেহত কোভিড - ১৯ ৰ সংক্ৰমণ ধৰা পৰিছে ৷ ইয়াকে ধৰি জিলাখনত বৰ্তমান কোভিডত আক্ৰান্ত সক্ৰিয় ৰোগীৰ সংখ্যা ৬৬৩ গৰাকীলৈ বৃদ্ধি পাইছে ৷ আক্ৰান্তসকলৰ ভিতৰত ১৯ গৰাকী ইনষ্টিটিউচনেল কোৱাৰেণ্টাইনত আৰু ৬৪৪ গৰাকী হোম কোৱাৰেণ্টাইনত আছে ৷ শুকুৰবাৰে জিলাখনত মুঠ ২,৬৯৬ গৰাকী ব্যক্তিক কোভিড পৰীক্ষা কৰা হয়৷ আনহাতে সুস্থ হৈ উঠিছে ৩৪ গৰাকী ব্যক্তি ৷ জিলাখনত ১ জানুৱাৰীৰ পৰা শুকুৰবাৰলৈ মুঠ আক্ৰান্তৰ সংখ্যা বৃদ্ধি পাই ৯১৭ গৰাকী হৈছে ৷ আনহাতে জিলাখনত শুকুৰবাৰে ১৫ - ১৭ বছৰ বয়সৰ ১৪০ পালি ভেকচিন, ১৮- ৪৪ বছৰ বয়সৰ ১০১০ পালি ভেকচিন, ৪৫ বছৰ ওপৰৰ বয়সৰ ৩২৮ পালি, স্বাস্থ্যকৰ্মীক১৩ পালি আৰু সূৰক্ষাসূচক ২৬৫ পালি ভেকচিনকে ধৰি মুঠ ১,৭৫৬ পালি ভেকচিন প্ৰদান কৰা হয় ৷ জিলাখনত বৰ্তমানলৈকে সকলো মিলাই মুঠ ৯,৯৭,২২১ পালি ভেকচিন প্ৰদান কৰিছে স্বাস্থ্য বিভাগে 🔯৷