🔯বঙাইগাঁৱত ৰাষ্ট্ৰীয় ভোটাৰ দিৱস পালন

🔯বঙাইগাঁৱত ৰাষ্ট্ৰীয় ভোটাৰ দিৱস পালন

📝বঙাইগাঁও: ২৫ জানুৱাৰীঃ আজি বঙাইগাঁও নিৰ্বাচনী জিলাতো দ্বাদশ ৰাষ্ট্ৰীয় ভোটাৰ দিৱস পালন কৰা হয় ৷ জিলাখনৰ নিৰ্বাচনী বিভাগৰ উদ্যোগত জিলা উপায়ুক্ত কাৰ্যালয়ৰ সভাকক্ষত এই উপলক্ষে এখন সভা অনুষ্ঠিত কৰা হয় ৷ সদৰ মহকুমাধিপতি তথা নিৰ্বাচনী বিষয়া (ভাৰপ্ৰাপ্ত) মোগেন নৰহৰ সভাপতিত্বত অনুষ্ঠিত ভোটাৰ দিৱসৰ সভাত এই বছৰৰ ভোটাৰ দিৱসৰ শপত বাক্য পাঠ কৰোৱায় নিৰ্বাচনী বিষয়াগৰাকীয়ে।এই সভাত গণতান্ত্ৰিক শাসন ব্যৱস্থাত ভোটদান প্ৰক্ৰিয়াত জাতি,ধৰ্ম,বৰ্ণ,সম্প্ৰদায় নিৰ্বিশেষে নিৰপেক্ষভাৱে অংশগ্ৰহণ কৰাৰ বাবে শপত বাক্য পাঠ কৰোৱা হয়। 

একেদৰে মুঠ ৭৫ গৰাকী যুৱক-যুৱতীক ৰাষ্ট্ৰীয় ভোটাৰ দিৱসৰ অনুষ্ঠানত  ফটোযুক্ত ভোটাৰ কাৰ্ড প্ৰদান কৰা হয় ৷ অনলাইনতো ৰাষ্ট্ৰীয় ভোটাৰ দিৱস অনুষ্ঠিত কৰা হয়। উল্লেখ থাকে যে জিলা উপায়ুক্তৰ নিৰ্দেশনামৰ্মে বঙাইগাঁও জিলাৰ সমূহ বিভাগৰ জিলা পৰ্যায়ৰ কাৰ্যালয়ত দ্বাদশ ৰাষ্ট্ৰীয় ভোটাৰ দিৱসৰ শপত বাক্য পাঠ কৰা হয়।🔯