🔯বঙাইগাঁও জিলাত টেট্ উত্তীৰ্ণ শিক্ষক সমাজৰ এঘণ্টীয়া অৱস্থান ধৰ্মঘট কাৰ্যসূচী ৰূপায়ণ

🔯বঙাইগাঁও জিলাত টেট্ উত্তীৰ্ণ শিক্ষক সমাজৰ এঘণ্টীয়া অৱস্থান ধৰ্মঘট কাৰ্যসূচী ৰূপায়ণ

📝বঙাইগাঁওঃ ১ ফেব্ৰুৱাৰীঃ আজি পহিলা ফেব্ৰুৱাৰীৰ দিনটোতে পুৱা ১১ বজাৰ পৰা অসমৰ আন জিলাসমূহৰ দৰে বঙাইগাঁও জিলাতো সৰ্বশিক্ষাৰ অধীনৰ ঠিকাভিত্তিক টেট্ উত্তীৰ্ণ শিক্ষকসকলে শ্ৰেণী কোঠা এৰি এঘণ্টীয়া অৱস্থান ধৰ্মঘট' কাৰ্যসূচী ৰূপায়ণ কৰে। উল্লেখ্য যে  বঙাইগাঁও জিলা মিছন সমন্বয়কৰ কাৰ্যালয় প্ৰাংগণত সদৌ অসম প্ৰাথমিক টেট্ উত্তীৰ্ণ শিক্ষক সমাজৰ বঙাইগাঁও জিলা সমিতিৰ উদ্যোগত নিজৰ প্ৰাপ্যৰ দাবীত টেট্ উত্তীৰ্ণ শিক্ষকসকলে এই  প্ৰতিবাদী কাৰ্যসূচী ৰূপায়ণ কৰে। টেট্ উত্তীৰ্ণ শিক্ষকসকলে মূলত বিনা চৰ্তে বেতন সুৰক্ষাসহ চাকৰি নিয়মীয়া কৰণ কৰাৰ দাবীত এই প্ৰতিবাদী কাৰ্যসূচী ৰূপায়ণ কৰে ৷ 

টেট উত্তীৰ্ণ শিক্ষক সমাজে পেব(PAB) ৰ নিৰ্দেশনা অনুযায়ী শীঘ্ৰে সৰ্বশিক্ষাৰ অধীনৰ শিক্ষকসকলৰ চাকৰি দ্বৈত কেডাৰ ভংগ কৰি নিয়মীয়াকৰণ কৰা, ৩১ শতাংশ মৰগীয়া বানচ মুকলি কৰি দিয়া ,বদলিকৰণ আইনৰ সংশোধন কৰি হলেও বহিঃজিলাৰ কৰ্মৰত শিক্ষকসকলক গৃহ জিলালৈ বদলিৰ সুবিধা প্ৰদান কৰা,মৃত্যকালীন সুবিধা, এনপিএচ, চাৰ্ভিচ বুক, শিক্ষক বঁটা আদি শীঘ্ৰে প্ৰদান কৰা, নিম্ন প্ৰাথমিক বিদ্যালয়ত স্থায়ী শিক্ষক পদ সৃষ্টি কৰি উক্ত পদত যোগ্যতা সম্পন্ন প্ৰাথমিক টেট্ উত্তীৰ্ণ  ঠিকাভিত্তিক শিক্ষকক প্ৰদান কৰা , সপ্তম দৰমহা আয়োগৰ দৰমহা প্ৰদানত ৰৈ যোৱা আসোঁৱাহ দূৰ কৰি শুদ্ধ নিৰিখত দৰমহা গাঁথনি প্ৰদান নিশ্চিত কৰাকে ধৰি সাতটা দাবীত এই অৱস্থান ধৰ্মধট কাৰ্যসূচী ৰূপায়ণ কৰে ৷ লগতে জিলা সমিতিৰ নেতৃত্বই চৰকাৰে ঠিকাভিত্তিক শিক্ষকসকলৰ উক্ত দাবী সমূহ অতি শীঘ্ৰে পূৰণ নকৰিলে আগন্তুক দিনত ভয়াৱহ গণতান্ত্ৰিক আন্দোলন কৰাৰ হুংকাৰ দি কয় যে ইয়াৰ পিচত দিছপুৰ ঘেৰাও কাৰ্যসূচী গ্ৰহণ কৰিম ৷ যদি তাৰ পিচতো চৰকাৰে দাবী মানি নলয় তেতিয়াহলে দিল্লীলৈকো যাবলৈ প্ৰস্তুত আছো ৷🔯