🔯বঙাইগাঁও জিলাৰ বইটামাৰীৰ ৰাষ্ট্ৰীয় ঘাইপথত পথ দুৰ্ঘটনা🔯

🔯বঙাইগাঁও জিলাৰ বইটামাৰীৰ ৰাষ্ট্ৰীয় ঘাইপথত পথ দুৰ্ঘটনা

🔯যাত্ৰীবাহী বাছ ৰ লগত বলেৰ' পিক আপ ভেন আৰু ক্ৰেটা বাহনৰ সংঘৰ্ষ

📝বঙাইগাঁওঃ ১৩ ফেব্ৰুৱাৰীঃ বঙাইগাঁও জিলাৰ বইটামাৰী আৰক্ষী চকীৰ অন্তৰ্গত বৰখাতাত ১৭ নং ৰাষ্ট্ৰীয় ঘাইপথত আজি এক ভয়াবহ পথ দুৰ্ঘটনা সংঘটিত হয় । জানিব পৰা মতে আজি দিনৰ ১:৪৫  মান বজাত  ধুবুৰীৰ পৰা গুৱাহাটী অভিমুখী তীব্ৰবেগী এ এছ ০১ জি চি ৭১৮৫ নম্বৰৰ 'ছাহানাজ' নামৰ আল্ট্ৰা যাত্ৰীবাহী বাছ এখন ৰ লগত বিপৰীত দিশৰ পৰা বইটামাৰী অভিমুখে গৈ থকা এ এছ ১৮ এ চি ০৩২৭ নম্বৰৰ বলেৰ' পিক আপ ভেন এখনৰ লগত মুখামুখি সংঘৰ্ষ হয় । লগতে এম এল ০৫ কিউ ৯৬৬৪ নম্বৰৰ এখন ক্ৰেটা বাহনো উক্ত দুৰ্ঘটনাত পতিত হয় । এই দুৰ্ঘটনাৰ ফলত ভালেকেইগৰাকী লোক আহত হয় ।

তাৰ পিছতে স্থানীয় লোকে আৰক্ষীক খবৰ দিয়ে । আৰক্ষীয়ে ৰাইজৰ সহযোগত  লোকসকলক উদ্ধাৰ কৰে ৷ দুৰ্ঘটনাটোৰ ফলত ছয় গৰাকী লোক গুৰুতৰভাৱে আহত হয় । বলেৰ' পিক আপ ভেনৰ চালকজনৰ অৱস্থা অধিক সংকটজনক বুলি জানিব পৰা গৈছে । বলেৰ'পিক আপ ভেনখন গোৱালপাৰাৰ পৰা পশ্চিমবংগলৈ গৈ আছিল৷ দুৰ্ঘটনাটোত  ৷  সামান্যভাৱে আহত সকলক বইটামাৰী আদৰ্শ চিকিৎসালয়লৈ আৰু গুৰুতৰভাৱে আহত সকলক বঙাইগাঁওলৈ উন্নত চিকিৎসাৰ বাবে প্ৰেৰণ কৰে । 🔯