🔯বিধায়ক ফনীভূষণ চৌধুৰীৰ পুত্ৰই অগপ কৰ্মীসকলক বিজেপিত যোগদানৰ বাবে যি আহ্বান জনাইছে মই ভাৱো এইটো এটা সময়ৰ আহ্বান - মন্ত্ৰী ৰঞ্জিত দাস🔯

🔯বিধায়ক ফনীভূষণ চৌধুৰীৰ পুত্ৰই অগপ কৰ্মীসকলক বিজেপিত যোগদানৰ বাবে যি আহ্বান জনাইছে মই ভাৱো এইটো এটা সময়ৰ আহ্বান - মন্ত্ৰী ৰঞ্জিত দাস🔯

🔯মূল্যবৃদ্ধিকলৈ আমিও উদ্বিগ্ন -মুখ্যমন্ত্ৰীও উদ্বিগ্ন যদিও এইটো  এটা আন্তঃৰাষ্ট্ৰীয় বা ৰাষ্ট্ৰীয় বিষয়🔯

📝বঙাইগাঁওঃ ২৬ মাৰ্চঃ পৌৰসভা নিৰ্বাচনৰ পিচত বঙাইগাঁৱত অগপৰ পৰা নেতা- কৰ্মী বিজেপিত যোগদান কৰাৰ মই কোনো ইংগিত পোৱা নাই ৷ আপোনালোকে যি শুনিছে মইও তাকে শুনিছো ৷ এই মন্তব্য ৰাজ্য চৰকাৰৰ পঞ্চায়ত আৰু গ্ৰামোন্নয়ন, জনস্বাস্থ্য কাৰিকৰী তথা খাদ্য আৰু অসামৰিক যোগান বিভাগৰ মন্ত্ৰী ৰঞ্জিত দাসৰ ৷ বঙাইগাঁও জিলাৰো অভিভাৱক মন্ত্ৰী ৰঞ্জিত দাসে শনিবাৰে বঙাইগাঁও জিলা বিজেপি কাৰ্যালয়ত জিলা বিজেপিৰ সভানেত্ৰী হিমানী অধিকাৰীৰ সভাপতিত্বত দলৰ কাৰ্যকৰ্তা তথা সদ্য সমাপ্ত বঙাইগাঁও আৰু অভয়াপুৰী পৌৰসভা নিৰ্বাচনত বিজয়ী হোৱা দলৰ ৱাৰ্ড কমিচনাৰ সকলৰ উপস্থিতিত অনুষ্ঠিত এখন সভাত অংশগ্ৰহণ কৰাৰ পিচত সংবাদ মাধ্যমৰ সৈতে হোৱা বাৰ্তালাপত এই মন্তব্য কৰে ৷ উল্লেখ্য যে তিনিদিনমান পূৰ্বে বঙাইগাঁও বিধান সভা সমষ্টিৰ অগপ দলৰ বিধায়ক ফনীভূষণ চৌধুৰীৰ পুত্ৰই সামাজিক মাধ্যমত অগপ দলৰ নেতা- কৰ্মীসকলক বিজেপিত যোগদান কৰিবলৈ আহ্বান জনোৱা সন্দৰ্ভত মন্ত্ৰীগৰাকীক সোধাত তেওঁ কয় যে বিধায়ক ফনীভূষণ চৌধুৰীৰ পুত্ৰই যি আহ্বান জনাইছে মই ভাৱো এইটো এটা সময়ৰ আহ্বান ৷ কাৰণ সকলোৱে বিজিপি দলৰ পিনে ধাবমান হৈছে ৷ হয়তো এইখিনি কথা উপলব্ধি কৰিয়ে তেওঁ এই আহ্বানটো দিছে ৷ ইয়াকে লৈ সৃষ্টি হৈছিল ৰাজনৈতিক মহলত প্ৰতিক্ৰিয়াৰ ৷ বিধায়কগৰাকীৰ পুত্ৰই নিজৰ ফেচবুক একাউণ্টযোগে অগপ দলৰ সকলো সদস্যকে বিজেপিত যোগদান কৰিবলৈ আহ্বান জনাইছিল যদিও কিছুসময় পিচত পষ্টটো ডিলিড কৰিছিল ৷ এই বিষয়টোৰ আঁত ধৰিয়ে সাংবাদিকে মন্ত্ৰীগৰাকীক এই লৈ কিবা যোগাযোগ চলি আছে নেকি বুলি সোধাত তেওঁ কয় যে বৰ্তমান আমাৰ অগপৰ সৈতে মিত্ৰজোঁটৰ চৰকাৰ চলি আছে ৷ এই বিষয়টোলৈ কাৰো লগত যোগাযোগ হোৱা নাই ৷ কিন্তু মিত্ৰজোঁটৰ চৰকাৰ চলি আছে আৰু ফনীভূষণ চৌধুৰীক লগ পাই আছো ৷ আজিও হয়তো লগ পাম ৷ আমি কোনো দলৰ ক্ষতি কৰি নিজৰ ভাল নকৰো ৷ আমি নিজে নিজৰ ভাল কৰাৰ কাৰণে প্ৰচেষ্টা চলাই আছো ৷ 

ইপিনে মূল্যবৃদ্ধি সন্দৰ্ভত যোগান মন্ত্ৰীগৰাকীয়ে কয় যে মূল্যবৃদ্ধিকলৈ আমিও উদ্বিগ্ন ৷ মুখ্যমন্ত্ৰীও উদ্বিগ্ন ৷ কিন্তু এইটো  এটা আন্তঃ ৰাষ্ট্ৰীয় বা ৰাষ্ট্ৰীয় বিষয় ৷ গতিকে এইটো আমি ৰাজ্যিক পৰ্যায়ত সমাধান কৰিব নোৱাৰো ৷ তথাপি আমি আশা ৰাখিছো যে প্ৰধানমন্ত্ৰী নৰেন্দ্ৰ মোডীয়ে কোৰ'নাৰ সময়তো দেশৰ অৰ্থনীতিটো চম্ভালি ৰাখিবলৈ সক্ষম হৈছে ৷ ইতিমধ্যে বহু দেশত অৰ্থনীতি বিধ্বস্ত হৈ পৰিছে ৷ আগতে আমি পিপি কিট, মাস্ক, গ্লভচ৷বাহিৰৰ পৰা আনিছিলো যদিও এতিয়া ভাৰতৰ পৰা বাহিৰলৈ যায় ৷ প্ৰধানমন্ত্ৰীয়ে ভাৰতৰ অৰ্থনীতি চম্ভালি ৰখাৰ ক্ষেত্ৰত সফল হৈছে ৷ গতিকে মূল্যবৃদ্ধিকলৈ মনোকষ্ট হৈছে যদিও আগন্তক দিনত আমি ভাল ফল পাম বুলি আশা কৰিব পাৰো ৷ আনহাতে ৰাজ্যসভা নিৰ্বাচনত হৰ্ছট্ৰেডিঙৰ আশংকা কৰি কংগ্ৰেছে হোটেল ৰাজনীতি চিন্তা কৰা সন্দৰ্ভত মন্ত্ৰীগৰাকীয়ে কয় যে ৰাজ্যসভা নিৰ্বাচন আহিলেই এইবোৰ কথা আহে ৷ এইবাৰ যিহেতু বিধানসভাৰ অধ্যক্ষই ঘোষণা কৰিছে যে বিধায়কসকলে দলৰ হুইপ নেমানিলেও বিধায়ক পদ খাৰিজ নহয়, সেয়ে এইক্ষেত্ৰত হয়তো যদি বহু বিধায়কে কিবা চিন্তা কৰিছে মই গম নেপাও ৷ চিন্তা কৰিব পাৰে ৷ বিবেক ভোট হলে ভাল ৷ কাৰোবাৰ প্ৰাৰ্থী হয়তো পচন্দ হ'বও পাৰে নহ'বও পাৰে ৷ সেয়ে সেইটো সুবিধা যদি দলটোক দিয়া যায় তেতিয়াহলে অধ্যক্ষই যিটো কথা কৈছে সেইটো মই প্ৰাক্তন অধ্যক্ষ হিচাপে সমৰ্থন জনাইছো ৷ বিৰোধীয়ে ৰাজ্যসভাৰ দ্বিতীয়খন আসনৰ বাবে তেওঁলোকৰ বিধায়কৰ সংখ্যা বেছি আছে বুলি দাবী কৰাৰ বিপৰীতে বিজেপিয়ে দুয়োখন আসন লাভ কৰিব বুলি কৰি অহা দাবী সন্দৰ্ভত মন্ত্ৰী ৰঞ্জিত দাসে কয় যে বিৰোধীৰ বিধায়কসকলৰ ইচ্ছাৰ ওপৰত কথা ৷ আমাক ভোট দিবও পাৰে নিদিবও পাৰে ৷ তেওঁলোকৰ যদি প্ৰাৰ্থী পচন্দ হোৱা নাই, তেতিয়াহলে নিদিব পাৰে আৰু তেওঁলোকে যদি দলৰ হুইপ মানে তেতিয়াহলে দিবও পাৰে ৷ সমগ্ৰ কথাটো এতিয়া তেওঁলোকৰ ওপৰত নিৰ্ভৰ কৰিছে ৷ তেওঁলোকে যি সিদ্ধান্ত লয় ৷ এইটো লৈ আমি কাৰো লগত যোগাযোগ কৰা নাই ৷ সকলোৰে যিহেতু গণতান্ত্ৰিক অধিকাৰ আছে আৰু নিজৰ বিবেকক সুুুধি ভোট দিয়াৰ ক্ষমতা আছে লগতে সেই অধিকাৰ অৰ্পন কৰা হৈছে তাৰ আধাৰতে কোনোবাই বিবেক ভোট দিব পাৰে ৷ কাৰণ বিধানসভাৰ অধ্যক্ষই ইতিমধ্যে ঘোষণা কৰিছে যে যদি কোনোবা দলৰ বিধায়কে আন দলৰ প্ৰাৰ্থীকো ভোট দিব পাৰে আৰু ভোট দিলে দলৰ পৰা বহিস্কাৰ হ'ব পাৰে, কিন্তু তেওঁৰ বিধায়ক পদ খাৰিজ নহয় ৷ সেয়ে তাৰ আধাৰতে আমি দুয়োখন আসনতে বিজয়ী হ'ম বুলি কৈছো ৷

মন্ত্ৰী দাসে জিলা বিজেপি কাৰ্যালয় অনুষ্ঠিত সভা সন্দৰ্ভত কয় যে মই বঙাইগাঁও জিলাৰ অভিভাৱক মন্ত্ৰী হিচাপে প্ৰতি মাহে এবাৰকৈ আহো আৰু অহাৰ সময়ত জিলাখনৰ দলৰ কাৰ্যকৰ্তাসকলক লগ পাও ৷ আজি শেহতীয়াকৈ নিৰ্বাচিত হোৱা বঙাইগাঁও আৰু অভয়াপুৰী পৌৰসভা নিৰ্বাচনত বিজয়ী হোৱা দলৰ ৱাৰ্ড কমিছনাৰসকলক এবাৰ দেখা দি অভিনন্দন জনাইছো ৷ তেওঁলোকে যি বিজয়ী সাব্যস্ত কৰিলে তাৰ কাৰণে বঙাইগাঁও জিলাৰো সুনাম বাঢ়িছে ৷ যিহেতু বঙাইগাঁও পৌৰসভাত প্ৰথমতে আমাৰ এজন ৱাৰ্ড কমিচনাৰ বিজয়ী হৈছিল, তাৰ পিচৰ বাৰ তিনিজন আৰু এইবাৰ তেৰজন ৱাৰ্ড কমিচনাৰ বিজয়ী হৈছে ৷ সেয়ে নিশ্চিতভাৱে পৌৰসভা আমাৰ হ'ব ৷ অৱশ্যে পৌৰসভাৰ কোন সভাপতি হ'ব সেই সন্দৰ্ভত দলৰ তৰফৰ পৰা এজন ব্যক্তিক দায়িত্ব দিয়া হৈছে আৰু তেওঁলোক আহি ইয়াত বিভিন্নজনৰ পৰা মতামত গ্ৰহণ কৰিছিল আৰু তাৰ আধাৰত দলে নিশ্চিতভাৱে নাম ঘোষণা কৰিব ৷ কিন্তু এই বিষয়টোলৈ আজি আমাৰ কোনো আলোচনা হোৱা নাই ৷ ইপিনে জল জীৱনৰ আঁচনিৰ কাম সম্পূৰ্ণ হোৱাৰ পিচতো আজিলৈকে বঙাইগাঁৱৰ মামুগাঁৱত ৰাইজে পানী নোপোৱা সন্দৰ্ভত আঁচনিখন ৰূপায়ণৰ ক্ষেত্ৰত খেলিমেলি হৈছে নেকি আৰু এই ক্ষেত্ৰত বিভাগৰ তৰফৰ পৰা কিবা তদন্ত হ'ব নেকি বুলি সাংবাদিকে সোধাত  জনস্বাস্থ্য কাৰিকৰী বিভাগৰো মন্ত্ৰী দাসে কয় যে যদি হৈছে নিশ্চিতভাৱে তদন্ত হ'ব ৷ কিন্তু প্ৰধানমন্ত্ৰীৰ আশীৰ্বাদত ৰাজ্যখনৰ ৬৩ লাখ পৰিয়ালক পানীৰ সংযোগ দিয়াৰ কাৰণে সুবিধা পাইছো আৰু সেই সুযোগ আমি গ্ৰহণ কৰিব বিচাৰিছো ৷ লগতে সেই সুযোগ গ্ৰহণ কৰি যাতে আমি ফলৱৰ্তী হ'ব পাৰো তাৰ কাৰণে সমূহ ৰাইজ,  বিভাগীয় বিষয়া - কৰ্মচাৰীসকল, বিধায়কসকল, জনপ্ৰতিনিধিসকল তথা পঞ্চায়ত প্ৰতিনিধিসকলৰ সহায় সহযোগ বিচাৰিছো ৷ কাৰণ প্ৰধানমন্ত্ৰীয়ে এইবাৰ যিটো সুবিধা দিছে আগলৈ আৰু আমি দুনাই নাপাম ৷ প্ৰতিটো আঁচনিৰ বিপৰীতে মাহেকত ১৪ হেজাৰ টকাকৈ দিয়া হ'ব যাতে আঁচনিখন চলি থাকে ৷ ৰাইজে এটকাও দিব নালাগে ৷ কিন্তু ইয়াৰ গুৰুত্বপূৰ্ণ ভূমিকাটো পালন কৰিব লাগিব পঞ্চায়ত প্ৰতিনিধিসকলে ৷ আঁচনিখন চলাই ৰাখিবলৈ হলে তেওঁলোকে পানী উপভোক্তা সমিতি গঠন কৰি দিয়ে ৷ কাৰণ লাহে লাহে এইটো চৰকাৰৰ সম্পত্তি হৈ নাথাকে ৷ ৰাইজৰ সম্পত্তি হ'ব ৷ মন্ত্ৰীগৰাকীয়ে কয় যে আমাৰ লক্ষ্য হ'ল ২০২৪ চনৰ ৩১ মাৰ্চ ৷ গতিকে ২০২৪ চনৰ ১ এপ্ৰিলৰ পৰাহে মই জল জীৱন আঁচনি সন্দৰ্ভত অভিযোগবোৰ শুনিম ৷ তেতিয়াহে আমি ঘোষণা কৰিম ৷  বৰ্তমান বিভিন্ন কাৰণত কিছু পলম হোৱা বুলি কৈ এয়া খেলিমেলি নহয় বুলিও কয় ৷🔯