🔯চিৰাঙত 'মিছন সমাধান' আঁচনি আনুষ্ঠানিকভাৱে শুভাৰম্ভ🔯

🔯চিৰাঙত 'মিছন সমাধান' আঁচনি আনুষ্ঠানিকভাৱে শুভাৰম্ভ🔯

📝চিৰাংঃ  ৭ মার্চঃ সম্পৰ্কৰ প্ৰমাণ পত্ৰৰ অভাৱত জাতিৰ প্ৰমাণ পত্ৰ লাভৰ পৰা বঞ্চিত চিৰাং জিলাৰ বাসিন্দা সকলক সকাহ দিয়াৰ উদ্দেশ্যে চিৰাং জিলা প্ৰশাসনে 'মিছন সমাধান' আঁচনিৰ সোমবাৰে আনুষ্ঠানিকভাৱে শুভাৰম্ভ কৰে। এই উপলক্ষে চিৰাং জিলাৰ উপায়ুক্তৰ কাৰ্যালয়ৰ সভাকক্ষত এক অনুষ্ঠান অনুষ্ঠিত হয় । চিৰাং জিলাৰ উপায়ুক্ত নৰেন্দ্ৰ কুমাৰ শ্বাহে সভাপতিত্ব কৰা এই অনুষ্ঠানত সন্মানীয় অতিথি হিচাপে উপস্থিত থাকে চিদলী বিধানসভা সমষ্টিৰ বিধায়ক জয়ন্ত বসুমতাৰী আৰু বিটিচিৰ কাৰ্যবাহী সদস্য ধনঞ্জয় বসুমতাৰী। অনুষ্ঠানত উদ্বোধনী ভাষণত উপায়ুক্তৰাকীয়ে কয় যে সৰ্ম্পকৰ অভাৱত জিলা খনৰ যিসকল  অনান্য পিছ পৰা শ্ৰেণী আৰু অনুসূচীত জাতিৰ বাসিন্দাই জাতিৰ প্ৰমাণ পত্ৰৰ পৰা বঞ্চিত হৈছে, তেওঁলোকে এই মিছনৰ জৰিয়তে জাতিৰ প্ৰমাণ পত্ৰৰ বাবে সোমবাৰৰ পৰা অহা ২২ মাৰ্চৰ ভিতৰত আবেদন কৰিব পাৰিব। 

এই আবেদন পত্ৰসমূহ জিলা উপায়ুক্তৰ কাৰ্যালয়, মহকুমাধিপতিৰ কাৰ্যালয়, চক্ৰ বিষয়াৰ কাৰ্যালয়, খণ্ড উন্নয়ন বিষয়াৰ কাৰ্যালয়, আৰক্ষী থানা আৰু আৰক্ষী চকীসমূহত জমা দিব পাৰিব। আবেদন সমূহ জমা হোৱাৰ পিছত জিলাখনৰ গাওঁ সমূহত গাওঁ সভা অনুষ্ঠিত কৰি আবেদন সমূহ চূড়ান্ত কৰা হ'ব।এই প্ৰক্ৰিয়া এমাহৰ ভিতৰত সম্পূৰ্ণ কৰা হ'ব। এই মিছনৰ আবেদন প্ৰক্ৰিয়া সন্দৰ্ভত বিতংভাৱে ব্যাখ্যা কৰে জিলাৰ অতিৰিক্ত উপায়ুক্ত নিৰ্মালী বৰুৱাই। চিদলীৰ বিধায়ক জয়ন্ত বসুমতাৰীয়ে তেওঁৰ ভাষণত কয় যে এই মিছনৰ জৰিয়তে জিলাখনত মানৱ সম্পদ গঢ়াৰ ক্ষেত্ৰত আৰু চাকৰিৰ ক্ষেত্ৰত থকা অসুবিধসমূহ দূৰ কৰিব। লগতে কয় যে এই জটিল সমস্যা সমাধানৰ সময়ত যাতে কোনো দুষ্ট চক্ৰই এই সুবিধা ল'ব নোৱাৰে তাৰ বাবে নজৰ ৰাখিবলৈ জিলা প্ৰশাসনক আহ্বান জনায়। এই সভাত ১৫ গৰাকী হিতাধিকাৰীৰ পৰা আবেদন পত্ৰ গ্ৰহণ কৰা হয়। সভাত  চিৰাং জিলাৰ আৰক্ষী অধীক্ষক প্ৰাণজিৎ বৰা, বিজনী আৰু চিদলী ৰাজহ চক্ৰৰ চক্ৰ বিষয়া ক্ৰমে মাৰিয়া তানিম আৰু অমিত ৰঞ্জন বৰ্মন, চিদলী আৰু বড়ো বাজাৰ উন্নয়ন খণ্ডৰ খণ্ড বিষয়া, বিভিন্ন বিভাগৰ বিষয়া সকল আৰু বিভিন্ন দল সংগঠনৰ সদস্য সকল উপস্থিত থাকে ৷🔯