🔯বিজনীত যৌতুকজনিত কাৰণত পত্নীক নিৰ্যাতন স্বামীৰ🔯

🔯বিজনীত যৌতুকজনিত কাৰণত পত্নীক নিৰ্যাতন স্বামীৰ🔯

🔯 শহুৰ-শাহুকো আক্ৰমণ🔯

📝বিজনীঃ ১ এপ্ৰিলঃ চিৰাং জিলাৰ বিজনীৰ শ্ৰীদুৰ্গা কলনিত যৌতুকজনিত কাৰণত পত্নীৰ উপৰিও শহুৰ-শাহুক জোৱাইয়ে আক্ৰমণ কৰা ঘটনাই চাঞ্চল্যৰ সৃষ্টি কৰিছে ৷ বৃহস্পতিবাৰে নিশা সংঘটিত হয় এই আক্ৰমণৰ ঘটনা। বিজনীৰ শ্ৰীদুৰ্গা কলনি নিবাসী নিৰ্মল সাহাৰ পুত্ৰ নিমাই সাহাই টকা বিছাৰি নিজ পত্নীক অত্যাচাৰ কৰাৰ অভিযোগ পত্নী লক্ষ্মী সাহাৰ । দুবছৰ আগতে বিবাহ পাশত আৱদ্ধ হোৱা দম্পতিহাল ৷ কিন্তু  সম্প্ৰতি কিছুদিন ধৰি নিমাই সাহাই নিজ পত্নীক ১ লাখ টকা বিছাৰি অত্যাচাৰ কৰাৰ অভিযোগ উত্থাপন কৰিছে পত্নী লক্ষ্মী সাহাই । অভিযোগ অনুসৰি বৃহস্পতিবাৰে নিশাও পত্নী লক্ষ্মী সাহাক হত্যা কৰাৰ পৰিকল্পনা ৰচিছিল স্বামী নিমাই সাহাৰ লগতে সাহাৰ পৰিয়ালে । ঘটনা সংক্ৰান্তত লক্ষ্মী সাহাই নিজ পিতৃ-মাতৃক এই কথা অৱগত কৰি বিজনীৰ শ্ৰীদুৰ্গা কলোনীস্থিত বাসভৱনত আহিবলৈ দিয়ে । পাছলৈ বৃহস্পতিবাৰে নিশা পিতৃ-মাতৃ উপস্থিত হোৱাত জোৱাই নিমাই সাহাই নিজ শাহু- শহুৰক কুঠাৰৰে বেযাকৈ মূৰত আঘাত কৰে । এই সন্দৰ্ভত বিজনী আৰক্ষীক খবৰ দিয়াত ঘটনাস্থলীত আৰক্ষী উপস্থিত হৈ ঘটনাৰ বুজ লয় ।কিন্তু আৰক্ষীৰ উপস্থিতিৰ উমান পাই স্বামী নিমাই সাহাই ঘটনাস্থলীৰ পৰা পলাই-পত্ৰং দিয়ে ।পাছত ঘটনাৰ উচিত বিচাৰ পোৱাৰ আশাৰে বিজনী থানাত এজেহাৰ দাখিল কৰে লক্ষ্মী সাহা আৰু মাতৃ-পিতৃয়ে। আৰক্ষীয়ে এজাহাৰৰ ভিত্তিত নিমাই সাহাৰ বিৰুদ্ধে বিজনী থানাত ৪৭/২২ নম্বৰত গোচৰ ৰজু কৰিছে🔯।