🔯বঙাইগাঁৱত অখিল ভাৰতীয় বিদ্যাৰ্থী পৰিষদৰ উদ্যোগত ত্ৰিৰংগা যাত্ৰা🔯

🔯বঙাইগাঁৱত অখিল ভাৰতীয় বিদ্যাৰ্থী পৰিষদৰ উদ্যোগত ত্ৰিৰংগা যাত্ৰা🔯 

📝বঙাইগাঁওঃ  ৯ এপ্ৰিলঃ দেশৰ স্বাধীনতাৰ ৭৫ সংখ্যক বৰ্ষপূৰ্তি ( অমৃত মহোৎসৱ) উপলক্ষে ৰাষ্ট্ৰীয় স্বয়ং সেৱক সংঘৰ ভাতৃ সংগঠন অখিল ভাৰতীয় বিদ্যাৰ্থী পৰিষদৰ বঙাইগাঁও জিলাৰ  উদ্যোগত  বঙাইগাঁও চহৰত এক ত্ৰিৰংগা যাত্ৰা উলিওৱা হয় ৷ মা বাঘেশ্বৰী মন্দিৰত দেৱীৰ চৰণত আশীষ লৈ সংগঠনটোৱে বঙাইগাঁও মহাবিদ্যালয়ৰ খেলপথাৰৰ পৰা ১০০ মিটাৰ দৈৰ্ঘ্যৰ ৰাষ্ট্ৰীয় পতাকা লৈ চহৰৰ মাজেৰে পদযাত্ৰা কৰি বৰপাৰা ৰাজহুৱা খেলপথাৰত উপস্থিত হৈ ত্ৰিৰংগা যাত্ৰা কাৰ্যসূচীৰ সামৰণি ঘটায় ৷

এই ত্ৰিৰংগা যাত্ৰাত জিলাখনৰ বিভিন্ন বিদ্যালয় আৰু মহাবিদ্যালয়ৰ ছাত্ৰ- ছাত্ৰী , সংগঠনটোৰ কৰ্মী আদিয়ে অংশগ্ৰহণ কৰে ৷ ত্ৰিৰংগা যাত্ৰা কাৰ্যসূচী আৰম্ভ হোৱাৰ পিচত  বাটতে বৰষুণত দিয়াত কাৰ্যসূচীত  অংশগ্ৰহণ কৰাসকলে বৰষুণৰ মাজতো তিতিয়ে নিৰ্দিষ্ট স্থানত আহি কাৰ্যসূচীৰ সামৰণি ঘটায় ৷ সংগঠনটোৱে মূলত জনসাধাৰণৰ মাজত দেশপ্ৰেমৰ ভাৱ জগাই তোলাৰ উদ্দেশ্যৰে এই ত্ৰিৰংগা যাত্ৰা কাৰ্যসূচী গ্ৰহণ কৰে ৷ উল্লেখ্য যে সংগঠনটোৱে স্বাধীনতাৰ ৭৫ সংখ্যক বৰ্ষপূৰ্তি উপলক্ষে গোটেই বছৰ জুৰি বিভিন্ন কাৰ্যসূচী ৰূপায়ণ কৰি আহিছে ৷🔯