🔯বঙাইগাঁও জিলাৰ ৩৪ খন ৰঙালী বিহু উদযাপন সমিতিক ডেৰ লাখকৈ টকাৰ চেক প্ৰদান🔯

🔯বঙাইগাঁও জিলাৰ ৩৪ খন ৰঙালী বিহু উদযাপন সমিতিক ডেৰ লাখকৈ টকাৰ চেক প্ৰদান🔯

📝বঙাইগাঁওঃ ৭এপ্ৰিলঃ অসমৰ মুখ্যমন্ত্ৰী ড:হিমন্ত বিশ্ব শৰ্মাই এইবছৰ ৰাজ্যখনৰ ১০ বছৰ পুৰণি তথা যিবিলাক বিহু সমিতিয়ে বহাগৰ ৭ তাৰিখৰ ভিতৰত ৰঙালী বিহু উদযাপন কৰে সেই বিহু সমিতিসমূহক ১.৫০ লাখ(ডেৰ লাখ) টকাকৈ বিত্তীয় সাহায্য হিচাপে প্ৰদান কৰাৰ কথা ঘোষণা কৰিছিল। সেইমৰ্মে বঙাইগাঁও জিলাৰ ৩৪ খন ৰঙালী বিহু উদযাপন সমিতিক বাছনি কৰা হৈছিল আৰু বৃহস্পতিবাৰে এই বিহু সমিতিসমূহক আনুষ্ঠানিকভাৱে ডেৰ লাখ টকাৰ চেক বিতৰণ কৰা হয় ৷ এই উপলক্ষে পুৱা ১০ বজাত জিলা উপায়ুক্ত কাৰ্যালয়ৰ সভাকক্ষত এখন চেক বিতৰণ সভা অনুষ্ঠিত কৰা হয়। অনুষ্ঠানত জিলা উপায়ুক্ত ডা:এম এছ লক্ষ্মী প্ৰিয়াই আনুষ্ঠানিকভাৱে বিহু উদযাপন সমিতিসমূহক চেকসমূহ প্ৰদান কৰে ৷ চেক প্ৰদান কৰি দিয়া ভাষণত তেওঁ কয় যে মুখ্যমন্ত্ৰীৰ এই বিত্তীয় সাহায্যখিনি ৰঙালী বিহু উদযাপন সমিতিসমূহক নিশ্চয় বিহু উদযাপন কৰাত সকাহ দিব ৷ উপায়ুক্তগৰাকীয়ে বিহু সমিতিসমূহক ৰঙালী বিহুৰ আগতীয়া শুভেচ্ছা জ্ঞাপন কৰে। আনহাতে মুখ্যমন্ত্ৰীৰ বিত্তীয় সাহায্যৰ বাবে ৰঙালী বিহু উদযাপন সমিতিসমূহে মুখ্যমন্ত্ৰীৰ লগতে জিলা প্ৰশাসনকো ধন্যবাদ জ্ঞাপন কৰে।চেক বিতৰণ অনুষ্ঠানত অতিৰিক্ত উপায়ুক্ত নৱজ্যোতি ওজা, অতিৰিক্ত উপায়ুক্ত তথা উত্তৰ শালমাৰা মহকুমাৰ মহকুমাধিপতি (ভাৰপ্ৰাপ্ত)পাৰ্থ সাৰথি জহৰী, চক্ৰ বিষয়াসকল আৰু মাণিকপুৰ, সৃজনগ্ৰাম, ডাংতল, বঙাইগাঁও-গান্ধী ময়দান বিহু উদযাপন সমিতিকে আদি কৰি ৰঙালী বিহু উদযাপন সমিতিসমূহৰ বিষয়ববীয়াসকল উপস্থিত থাকে। অনুষ্ঠানত ৰঙালী বিহু উদযাপন  সমিতিসমূহৰ তৰফৰ পৰা উপায়ুক্ত ডা:এম এছ লক্ষ্মী প্ৰিয়াক গামোছাৰে বিহুৰ আগতীয়া শুভেচ্ছা জনায়। 

উল্লেখ্য যে বঙাইগাঁও জিলাৰ যি ৩৪ খন বিহু উদযাপন সমিতিয়ে এই চৰকাৰী সাহায্য লাভ কৰিছে তাৰ ভিতৰত বঙাইগাঁও ৰাজহ চক্ৰৰ অন্তৰ্গত ১১ খন বিহু সমিতি আছে ৷ এই বিহু সমিতিকেইখন হ'ল ক্ৰমে মূলাগাঁও ৰঙালী বিহু সন্মিলনী, নৰ্থ বইটামাৰী আঞ্চলিক ৰঙালী বিহু উদযাপন সমিতি, ধলাগাঁও ৰঙালী বিহু সমিতি ( মাজপাৰা), দেউৰীপাৰা ৰঙালী বিহু সমিতি,পুৰণি বঙাইগাঁও কেন্দ্ৰীয় ৰঙালী বিহু সমিতি, পোপৰাগাঁও ৰঙালী বিহু সমিতি, চোকাপাৰা ৰঙালী বিহু সমিতি, কেন্দ্ৰীয় ৰঙালী বিহু সন্মিলনী,গান্ধী ময়দান, দোলাইগাঁও ৰঙালী বিহু সন্মিলনী, উত্তৰ বঙাইগাঁও ৰঙালী ব্হু সন্মিলনী আৰু চাপৰাকাটা আঞ্চলিক ৰঙালী বিহু সন্মিলনী ৷ সেইদৰে মাণিকপুৰ ৰাজহ চক্ৰৰ দুখন বিহু উদযাপন সমিতি হ'ল চকিহালি আঞ্চলিক ৰঙালী বিহু সন্মিলনী আৰু পাতিলাদহা বৰিপাৰা প্ৰদীপ লাইব্ৰেৰী ৷ আনহাতে ডাংতল ৰাজহ চক্ৰৰ সাতখন বিহু সমিতি হ'ল চেংমাৰি চাৰিআলি ৰঙালী বিহু সন্মিলনী, কেন্দ্ৰীয় ৰঙালী বিহু উৎসৱ উদযাপন সমিতি , ঢালিগাওঁ , কেন্দ্ৰীয় ৰঙালী বিহু উৎসৱ সমিতি , টেঙাইগাঁও, বিদ্যাপুৰ আঞ্চলিক ৰঙালী বিহু, কেন্দ্ৰীয় বিষুৱা উদযাপন সমিতি, পঞ্চপুৰ, উত্তৰ কাকৰাগাওঁ ৰঙালী বিহু উদযাপন সমিতি আৰু নাচনকুটি নৱজ্যোতি ক্লাৱ ৰঙালী বিহু উদযাপন সমিতি ৷ একেদৰে উত্তৰ শালমাৰা মহকুমাৰ অন্তৰ্গত ১৪ খন বিহু সমিতি হ'ল অভয়াপুৰী ৰঙালী বিহু সন্মিলনী ( গান্ধী ময়দান),পশ্চিম অভয়াপুৰী আঞ্চলিক ৰঙালী বিহু সন্মিলনী, পাচদুৱাৰ, অভয়াপুৰী, হৰিপুৰ ৰঙালী বিহু সন্মিলনী, অভয়াপুৰী, শিঙিমাৰী আঞ্চলিক ৰঙালী বিহু সন্মিলনী, ২ নং শিঙিমাৰী আঞ্চলিক  ব'হাগী উৎসৱ উদযাপন সমিতি, সৃজনগ্ৰাম কেন্দ্ৰীয় ৰঙালী বিহু সন্মিলনী, পাচনীয়া আঞ্চলিক ৰঙালী বিহু সন্মিলনী, কাকৈজানা আঞ্চলিক ৰঙালী বিহু সন্মিলনী, বইটামাৰী আঞ্চলিক  ৰঙালী বিহু সন্মিলনী, সৃজনগ্ৰাম আঞ্চলিক ৰঙালী বিহু সন্মিলনী, বৰঘোলা, কেন্দ্ৰীয় ৰঙালী বিহু সন্মিলনী, টুলুঙীয়া, উত্তৰ শালমাৰা, চলন্তাপাৰা আঞ্চলিক ৰঙালী বিহু উদযাপন সমিতি, সিদলসতী ৰঙালী বিহু উদযাপন সমিতি আৰু দেৱদাৰু নগৰী ৰঙালী বিহু সন্মিলনী ৷ বঙাইগাঁও জিলাৰ এই ৩৪ খন বিহু সমিতিৰ প্ৰতিখনলৈ ডেৰ লাখকৈ মুঠ ৫১ লাখ টকা চৰকাৰৰ তৰফৰ পৰা সাহায্য আগবঢ়ায় ৷🔯