🔯বিজনীত মূল্য বৃদ্ধিৰ প্ৰতিবাদত চি পি আই (এম) ৰ প্ৰতিবাদী কাৰ্য্যসুচী🔯

🔯বিজনীত মূল্য বৃদ্ধিৰ প্ৰতিবাদত  চি পি আই (এম) ৰ প্ৰতিবাদী কাৰ্য্যসুচী🔯

📝বিজনীঃ ২ এপ্ৰিলঃ  পেট্ৰল , ডিজেলকে ধৰি অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে আজি বিজনীত চি পি আই(এম)দলে প্ৰতিবাদী কাৰ্যসূচী ৰূপায়ণ কৰে । মূল্যবৃদ্ধি নিয়ন্ত্ৰণত চৰকাৰ ব্যৰ্থ হোৱাৰ গুৰুতৰ অভিযোগ তুলি চি পি আই (এম) দলে মূল্যবৃদ্ধি ৰোধ কৰাৰ দাবীত এই প্ৰতিবাদী কাৰ্যসূচী ৰূপায়ণ  কৰে ৷ প্ৰতিবাদকাৰীসকলে মূল্যবৃদ্ধি ৰোধ কৰক, প্ৰধানমন্ত্ৰী নৰেন্দ্ৰ মোদী হায় হায়, অসম চৰকাৰ হায় হায় আদি বিভিন্ন ধ্বনি দি বিজনী চহৰৰ ৰাজপথ উত্তাল কৰি তোলে৷ প্ৰতিবাদকাৰী সকলে কয় যে অভাৱনীয় মূল্যবৃদ্ধিয়ে সৰ্বসাধাৰণ ৰাইজৰ জীৱন নিৰ্বাহ কৰাত সমস্যাৰ সৃষ্টি কৰিছে ৷ পেট্ৰল , ডিজেেল, ৰন্ধন গেছ , ঔষধকে ধৰি অত্যাৱশ্যকীয় সামগ্ৰীৰ দাম প্ৰতিনিয়ত বাঢ়ি আছে ৷ তাৰপিছতো কেন্দ্ৰীয় আৰু ৰাজ্য চৰকাৰে মূল্যবৃদ্ধি ৰোধ কৰাত কোনোধৰণৰ গুৰুত্ব প্ৰদান কৰা নাই। চি পি আই (এম) দলে শীঘ্ৰে মূল্যবৃদ্ধি ৰোধ কৰিবলৈ চৰকাৰক দাবী জনায় ৷🔯